>
ཁྱེད་ཀྱི་གནས་ཡུལ། > གཙོ་ངོས། > སྨན་རྫས། > རིན་པོ་ཆེའི་སྨན། > > ནང་དོན།

ཟི་ལ།

ཇུས་འགོད་པ། སྒྲོལ་མ་མཚོ། རྩོམ་སྒྲིག་པ། བོད་གཞུག་སྐྱིད། དུས་ཚོད། 2015-05-25 15:00:51 ཀློག་གྲངས། 12

   བདུད་རྩི་སྨན་གྱི་རྣམ་དབྱེ་ངོ་བོ་ནུས་མིང་རྒྱས་པར་བཤད་པ་དྲི་མེད་ཤེལ་ཕྲེང་ལས། ཟི་ལས་རྨ་ཤུ་རེག་དུག་འཇོམས་པར་ནུས།། ཞེས་པ། རྒྱ་ནག་ནས་འབྱུང་བས་ཁ་དོག་དང་། རྒྱུ་གཤའ་དཀར་འདྲ་ལ། དེ་ལས་སྲ་ཞིང་མཁྲེགས་པ། ཏི་ཚ་ལྟར་སོ་མི་སག་པ། ལུགས་པས་སྐད་ལི་ལ་བསྲེས་པས་སྐད་ཐག་རིང་པོ་འབྱུང་བ་ཞིག་སྟེ། རྒྱས་སྐད་ལི་དྲིལ་བུ་ལ་བསྲེ་བ་དང་། ཟི་ལ་རོང་གི་ཆང་བུམ་དང་། ཆང་འཚོང་བའི་ཆང་འཇལ་སྣོད་རྣམས་བྱེད་པ་དེ་འདུལ་བས་རེག་དུག་ལ་ཕན་པ། འདི་ཟངས་རག་སོགས་ལ་བསྲེས་པའི་སྟོང་ཞེས་པ་ལ་སྟོང་དཀར་དང་སྟོང་དམར་འབྱུང་ལ། ཁ་དོག་དངུལ་འདྲ་བ་ལས་ཅུང་ཁམ་པ་བརྡུང་བ་མཉེན་སྣག་ཆེ་བ་འབོལ་ཞིང་བཞུན་པ་སྟོང་དཀར་དང་། དེ་འདྲ་བ་དེ་ལས་ཅུང་དམར་བ་སྟོང་དམར་ཏེ། དེ་གཉིས་ཀྱང་རེག་དུག་ལ་ཕན་ཞེས་ཟེར།
   མཛེས་མཚར་མིག་རྒྱན་ལས། ཟི་ལས་རྨ་ཤུ་རེག་དུག་འཇོམས་པར་ནུས་ཞེས་གསུངས།

གོང་ངོས། ཟངས།
X