//不能复制 // >
ཁྱེད་ཀྱི་གནས་ཡུལ། > གཙོ་ངོས། > ཚེ་བསྲིང་། > དུས་ཀྱིས་ཚེ་བསྲིང་། > ནང་དོན།

རྒན་པོ་ལ་དུས་ཀྱི་སྒོ་ནས་ཚེ་བསྲིང་ཐབས།

ཇུས་འགོད་པ། སྒྲོལ་མ་མཚོ། རྩོམ་སྒྲིག་པ། ལྕགས་ཐར་རྒྱལ། དུས་ཚོད། 2015-01-20 10:39:13 ཀློག་གྲངས། 28 

དང་པོདུས་ཀྱི་སྒོ་ནས་བསྟན་པརྒྱུད་ལས་རྒས་པ་རླུང་གི་མི་ཡིན་ཞེས་གསུངས་པ་སྟེ་སྤྱིར་རྒས་པ་ནི་རླུང་གི་མི་ཡིན་པས་དེ་ལ་ཕན་པའི་ཟས་སྤྱོད་སྨན་དཔྱད་སོགས་ཀྱང་དྲོད་དང་ལྡན་པའི་སྣུམ་བཅོས་ཀྱི་རིགས་བསྟེན་དགོས་པ་གཙོ་ཆེས་པ་ཡིན་ལ་བྱེ་བྲག་ཏུ་དུས་ཀྱི་སྟེང་ནས་ཡང་ནང་གསེས་སུ་དུས་ཚིགས་དྲུག་ཏུ་དབྱེ་ནས་ནད་མི་འབྱུང་བར་བདེ་ཐང་ཡོང་པར་བྱེད་པའི་ཐབས་མཛད་ཡོད།

དགུན་སྟོད་ཅེས་པ་ནི་ལུས་ཀྱི་སྟོབས་འཕེལ་བའི་མཐར་ཐུག་པ་དགུན་སྟོད་ཀྱི་དུས་རང་བཞིན་གྱི་གྲང་བ་ཡིན་པས་བ་སྤུའི་སྒོ་རྣམས་བཀག་སྟེ་ནང་དུ་མེའི་སྟོབས་དང་ལྡན་ཞིང་ལྷག་པར་དུ་མེ་དང་མཉམ་པའི་རླུང་གིས་ཆེས་ཆེར་སྦར་བ་དེའི་ནུས་པས་ཁ་ཟས་ཉུང་བར་གྱུར་པ་ན་ཁྲག་ལ་སོགས་པའི་ལུས་ཟུངས་རྣམས་སྐེམ་ཞིང་འབྲི་བར་བྱེད་པར་འགྱུར་བ་དེའི་ཕྱིར་མངར་སྐྱུར་ལན་ཚྭ་སྟེ་དང་པོའི་རོ་གསུམ་ཤས་ཆེར་གྱུར་པའི་ཁ་ཟས་འགྲངས་པ་བསྟེན་པར་བྱའོ། ། གཞན་ཡང་དུས་དེའི་ཚེ་ཉིན་མོ་ལས་མཚན་མོ་ཤིན་ཏུ་རིང་བས་ན་ཐོ་རངས་ཀྱི་དུས་སུ་བཀྲེས་པར་གྱུར་ཏེབཀྲེས་པ་དེ་ཡིས་ནི་མེ་དྲོད་ཀྱི་ཤུགས་བསྟེན་མི་ནུས་པར་ལུས་ཟུངས་རྣམས་ལྷག་པར་འབྲི་བར་འགྱུར་བའི་ཕྱིར་ཏིལ་ལ་སོགས་པ་འབྲུའི་མར་གྱིས་ལུས་ལ་བྱུགས་ཤིང་མཉེ་བ་དང་དྲིལ་ཕྱི་བ་བྱས་ལཤ་བཟང་པོ་ཙོས་པའི་ཁུ་བ་ལ་སོགས་པ་སྣུམ་པའི་ཁ་ཟས་གཙོ་ཆེར་ཟ་ཞིང་བུ་རམ་དང་ཆང་དང་འོ་མ་ལ་སོགས་པ་བསྟེན་པ་དང་བེའུ་ཕྲུག་དང་པགས་པ་དང་སྣམ་གོས་གསར་པ་སོགས་དྲོ་ཞིང་ཡང་བའི་གོས་དང་ལྷམ་ནི་རྟག་པར་ཉིད་དུ་བགོ་བ་དང་དྲོ་བའི་དུགས་དང་མེ་ཉིའི་འོད་ལ་འདུག་པ་སྟེཧ་ཅང་ཐལ་བ་མ་ཡིན་པ་རན་པར་བསྲོ་བ་དང་ས་ལ་ཟབས་སུ་བརྐོས་པའི་ཁང་པ་ཉིས་རིམ་སོལ་བའི་འདབ་མས་བསྲོས་པའི་ནང་དུ་བསྡད་པར་བྱའོ། །  

༢ དགུན་སྨད་ཅེས་པ་ནི་དགུནསྨད་ཀྱི་དུས་ཟླ་བ་གཉིས་ན་དགུན་སྟོད་ལས་ཀྱང་ལྷག་པར་དུ་གྲང་བ་ཡིན་པས་ན་སྐབས་དེར་ཡང་བཤད་མ་ཐག་པའི་སྤྱོད་ལམ་འདི་ཉིད་ཁོ་ན་ཡོངས་སུ་སྤྱད་པར་བསྔགས་ཤིང་བསྟན་པ་ཡིན་ཏེདེ་ཉིད་ཀྱིས་ཆོག་པར་གྲུབ་པོ། །

༣  དཔྱིད་སྤྱོད་ནི་བཤད་མ་ཐག་པའི་དགུན་སྟོད་དང་དགུན་སྨད་ཀྱི་དུས་དེར་ཤིན་ཏུ་གྲང་བའི་དབང་གིས་བད་ཀན་ཁོག་ཏུ་གསོག་པ་ཡིན་ཏེདེ་ནི་དཔྱིད་དུས་ཀྱི་ཉི་འོད་ཚ་མོས་དྲོས་ཤིང་ཞིགས་པས་མེ་དྲོད་ཉམས་པ་ལས་བད་ཀན་གྱི་ནད་ཀྱང་ལྡང་ཞིང་འཇུ་མི་ནུས་པར་གྱུར་བ་དེའི་ཕྱིརཐ་མའི་རོ་ཁ་ཚ་བསྐ་བ་གསུམ་ཤས་ཆེར་བསྟེན་ཞིང་ནས་རྙིང་གི་ཟན་དང་སྐམ་ས་ལ་གནས་པའི་སྲོག་ཆགས་ཀྱི་ཤ་མེ་ལ་བསྲེགས་པ་དང་སྦྲང་རྩི་དང་ཆུ་བསྐོལ་ཚ་མོ་དང་བཅའ་སྒ་བསྡུས་པའི་ཐང་ལ་སོགས་པ་བཏང་ཞིང་མདོར་ན་ཡང་ལ་རྩུབ་པའི་བཟའ་བཏུང་གཙོ་བོར་བསྟེན་པར་བྱ་ཞིང་ལུས་ཀྱི་རྩོལ་བས་བཅག་པ་དང་སྲན་ཕྱེ་ལ་སོགས་པའི་སྐམ་པའི་རྫས་ཀྱིས་དྲིལ་ཕྱིས་ལ་སོགས་ཏེ་བད་ཀན་བསལ་བའི་ཆོ་ག་ལ་འབད་པ་དང་དྲི་ཞིམ་པོ་ལྡང་ཞིང་ལྗོན་ཤིང་སྣ་ཚོགས་པས་གང་བའི་སྐྱེད་མོས་ཚལ་གྱི་ཉི་གྲིབ་ལ་ཉི་མ་ཕྱེད་ཀྱི་དུས་འདུག་ར་བྱའོ། །

སོ་གའི་སྤྱོད་པ་ནི་གོང་དུ་བཤད་པ་ལྟར་སོ་གའི་དུས་སུ་ཉི་མའི་འོད་ཟེར་རབ་ཏུ་ཚ་བས་ལུས་ཀྱི་སྟོབས་འཕྲོག་པའི་ཕྱིར་ན་མངར་བའི་རོ་ཤས་ཆེར་ཡང་ནས་ཡང་དུ་བཟའ་ཞིང་དེ་བཞིན་དུ་རང་བཞིན་གྱི་ནུས་པ་ཡང་བ་དང་སྣུམ་པ་དང་བསིལ་བ་ཉིད་གཙོ་བོར་ཟ་བར་བྱ་བ་ཡིན་གྱིས་ལན་ཚྭ་ཚ་སྐྱུར་དང་ལྡན་པའི་ཁ་ཟས་དང་རྩོལ་བས་བཅག་པ་དང་ཉི་འོད་ལ་གནས་པ་སོགས་མ་ཡིན་ཏེ་ཡོངས་སུ་སྤང་བར་བྱས་ལརབ་ཏུ་བསིལ་བའི་ཆུས་ལུས་བཀྲུ་ཞིང་ཆང་དང་ཆུ་བསྲེས་པ་དག་ཉུང་ཟད་རེ་བཏུང་བར་བྱསཆང་འབའ་ཞིག་ནི་སྤང་བ་དང་དར་རམ་རས་དང་ཐེར་མ་ལ་སོགས་པ་རབ་ཏུ་ཕྲ་ཞིང་སྲབ་པའི་གོས་ལུས་ལ་བགོས་ཏེ་ཤིན་ཏུ་བསིལ་བའི་ཁང་པ་དྲི་བཟང་པོས་ཆག་ཆག་བཏབ་པའི་ནང་ཡིད་དུ་འོང་བ་བསྟེན་པ་དང་གཞན་ཡང་ལོ་མ་ཤིན་ཏུ་སྣུམ་པའི་ཤིང་གྲིབ་དང་རྫི་ཆར་ཏེ་ལྷོ་ཕྱོགས་ཀྱི་རླུང་དྲི་ཞིམ་པོས་ལྡང་ཞིང་བསེར་བུའི་ངད་དང་ལྡནཔ་རྣམས་སུ་གནས་པར་བྱའོ། །

དབྱར་གྱི་དུས་སུ་ནི་རང་བཞིན་གྱི་ནམ་མཁའ་ལ་སྤྲིན་འདུས་ཤིང་ཆར་བབ་པའི་ཆུས་ས་གཞི་ཐམས་ཅད་རླན་དང་ལྡན་ལརླུང་དང་གྲང་བའི་རེག་བྱ་ལྷག་པར་རྒྱས་ཤིང་ས་རླངས་དང་ཆུ་རྙོག་མ་ཅན་ལ་སོགས་པ་རྣམས་ཀྱིས་ལུས་ཀྱི་མེ་དྲོད་ལ་གནོད་པར་གྱུར་པས་ནདུས་དེར་མེ་དྲོད་སྐྱེད་པའི་ཁ་ཟས་ཤས་ཆེར་བསྟེན་ཞིང་ཁྱད་པར་དུ་དང་པོའི་རོ་མངར་སྐྱུར་ལན་ཚྭ་གསུམ་དང་ནུས་པ་ཡང་དྲོ་སྣུམ་པ་དང་བཅས་པ་གཙོ་བོར་ཟ་ལསྐམ་སའི་འབྲུ་ལས་བྱུང་བའི་ཆང་བཏུང་བ་དང་ཁང་པའི་སྟེང་དུ་བསིལ་བའི་རེག་བྱ་སྤངས་ཏེ་དྲོ་བར་གནས་པར་བྱའོ། །  

སྟོན་སྤྱོད་ནི་དབྱར་དུས་ཆར་རླུང་གི་ནུས་པ་བསིལ་ཞིང་འཕྲལ་དུ་ལུས་ལ་ཉི་ཟེར་གྱིས་གདུངས་པས་མཁིས་པ་གསོག་པ་དེས་ན་ཆར་དུས་སུ་བསགས་པའི་མཁྲིས་པ་དེ་ནི་སྟོན་ཀའི་དུས་ན་ལྡང་བས་དེ་བསལ་བར་བྱ་བའི་ཕྱིར་ན་མངར་ཁ་བསྐ་བའི་རོ་དང་ལྡན་པའི་ཁ་ཟས་ཤས་ཆེར་བསྟེན་པར་བྱ་ཞིང་ག་བུར་དང་ཙནྡ་དཀར་པོ་དང་ཨུ་ཤི་ར་སྟེ་པུ་ཤེལ་ཙེའི་དྲི་དང་ལྡན་པའི་གོས་བགོ་བ་དང་ཁང་པ་ཆུང་ངུ་དང་སྐྱེད་མོས་ཚལ་ལ་སོགས་པར་ཤིན་ཏུ་བསིལ་བའི་སྤོས་ཀྱིས་ཆག་ཆག་བཏབ་སྟེ་གནས་ཤིང་བག་དང་ལྡན་པར་འདུག་ཅིག་ཅེས་བྱ་བའི་དོན་ཏོ། ། དུས་དྲུག་པོའི་སྤྱོད་པ་ཐམས་ཅད་ཀྱང་མདོར་ཧྲིལ་གྱིས་བསྡུ་ན་ཟས་སྐོམ་དང་སྤྱོད་ལམ་ཀུན་ཀྱང་དབྱར་དགུན་གྱི་དུས་རྣམས་སུ་དྲོ་བ་ཤས་ཆེར་བསྟེན་ཞིང་དཔྱིད་ཀ་ནི་རྩུབ་པ་དང་སོས་ཀ་དང་སྟོན་ཀ་ནི་བསིལ་བར་བྱ་ལཁྱད་པར་དུ་དབྱར་དང་དགུན་ནི་དང་པོའི་རོ་མངར་སྐྱུར་ལན་ཚྭ་གསུམ་གཙོ་བོར་བསྟན་པ་དང་དཔྱིད་ཀ་ནི་ཐ་མའི་རོ་ཁ་ཚ་བསྐ་བ་གསུམ་དང་སོ་ག་མངར་བ་དང་སྟོན་ཀ་མངར་ཁ་བསྐ་བ་དག་བསྟེན་པར་བྱའོ། ། དེ་བཞིན་དུ་སྟོན་དང་དཔྱིད་ཀྱི་དུས་སུ་རིམ་པ་བཞིན་མཁྲིས་པ་དང་བད་ཀན་སེལ་བའི་སླད་དུ་བཤལ་དང་སྐྱུག་བཏོང་ཞིང་དབྱར་གའི་དུས་སུ་ནི་རླུང་བསལ་བའི་འཇམ་རྩི་ཉིད་བསྔགས་པ་ཡིནཅེས་དུས་དྲུག་གི་སྒོ་ནས་ནད་མི་འབྱུང་བར་སྔོན་འགོག་དང་བདེ་ཐང་ངང་གནས་པར་བྱེད་པའི་ཐབས་ཤིག་གསལ་བོར་བསྟན་ཡོད། ༼རྩོམ་ཁུངས་ནད་མེད་ཚེ་བསྲིང་རིག་པ་ལས།༽


X