>
ཁྱེད་ཀྱི་གནས་ཡུལ། > གཙོ་ངོས། > སྨན་རྫས། > ཤིང་གི་སྨན། > > ནང་དོན།

སྟབ་སེང་།

ཇུས་འགོད་པ། སྒྲོལ་མ་མཚོ། རྩོམ་སྒྲིག་པ། ལྷ་མོ་ཚེ་རིང་། དུས་ཚོད། 2015-07-31 9:53:11 ཀློག་གྲངས། 34

          བདུད་རྩི་སྨན་གྱི་རྣམ་དབྱེ་ངོ་བོ་ནུས་མིང་རྒྱས་པར་བཤད་པ་དྲི་མེད་ཤེལ་ཕྲེང་ལས། སྟབ་སེང་རུས་ཆག་སྦྱོར་ཞིང་རུས་ཚད་སེལ།། ཞེས་པར།ལྕགས་ཕྲེང་ལས། སྤྱི་བཞུར་བསིལ་ལ་རང་གི་ནུས་པས་རུས་ཚད་འདོན།། མར་དང་སྦྱར་ན་རུས་པ་འབྱར་ཞེས་ཟེར།། ཞེས་དང་། དཔག་བསམ་ལྗོན་ཤིང་ལས། སྤྱི་བཞུར་རུས་པའི་གས་པ་སྦྱོར།། ཞེས་དང་། རང་བྱུང་པས། སྤྱི་བཞུར་མགོ་རུས་ཆག་པ་སྦྱོར།། ཞེས་དང་། སྨན་ནུས་རྒྱས་པ་ལས། ཤིང་དཀར་མིག་ནད་ཀུན་ལ་ཕན།། རྨ་རྙིང་རུས་ནད་སེལ་བ་སྟེ།། ཞེས་གསུངས། མིང་ནི། བེ་ས་ར། ཏཱམ་ལ་ཀསྟབ་སེང་། ཤིང་དཀར། སྤྱི་བཞུར། སྤྱི་བསིལ། ཤིང་སྔོན། ཤིང་དཀར་རྩབ་མོ། གཡུ་ཤིང་འདེལ་པ། སེང་གེའི་འོ་མ།ཚོང་དཔོན་གཡུའི་གསང་ཆབ་ཅན།། བཻ་ཌཱིར་ཆུར་བསྒྱུར་རྣམས་ཟེར། འཁྲུངས་དཔེར། སྤྱི་བཞུར་ཤིང་དཀར་རྩབ་མོ་ནི།། ལྷོ་ཡི་རོང་གི་ནགས་སུ་སྐྱེ།། ཤུན་པ་སྦྱར་བའི་སྐོག་སྐོགསདང་མཚུངས།། རང་གི་ནུས་པས་རུས་ནད་སེལ།། ཆུ་རུ་གདུས་ནས་ཁོང་བཏང་ན།། ཆུ་མི་འཇིགས་པའི་གཙོ་བོ་ཡིན།། ཞེས་པ་ཤིང་དབྱར་པ་འདྲ་བའི་ཤུན་པ་ཕྱི་སྐྱ་ལ་བར་རྩི་སྔོན་པོ་ཅན་ཆུར་སྦངས་པས་ཁུ་བ་སྔོན་པོ་འབྱུང་བ་དེའོ།། ཞེས་གསུངས་ཡོད།

X