//不能复制 // >
ཁྱེད་ཀྱི་གནས་ཡུལ། > གཙོ་ངོས། > སྨན་བཅོས། > ཁོང་ནད་ཀྱི་སྐོར། > ནང་དོན།

མཆིན་པ་སྐྱ་རྦབ།

ཇུས་འགོད་པ། སྒྲོལ་མ་མཚོ། རྩོམ་སྒྲིག་པ། བོད་གཞུག་སྐྱིད། དུས་ཚོད། 2015-08-06 8:52:12 ཀློག་གྲངས། 55 

   ངོ་བོ་ཁ་ཟས་ཀྱི་དྭངས་མ་མ་ཞུ་བ་མཆིན་པར་གནས་པ་དེ་ཟུངས་སུ་མ་གྱུར་བར་དྭངས་སྙིགས་འདྲེས་པའི་ཆུ་སེར་ཆེར་འཕེལ་བ་ཁྱབ་བྱེད་རླུང་གིས་ལུས་ཀུན་ཁྱབ་པར་གཏོར་བ་ལས་བྱུང་བ་ཞིག་ཡིན།

རྒྱུ་རྐྱེན།

   ནུས་པ་ལྕི་བ་དང་བསིལ་བ། མ་གོམས་པ་དང་མི་འཕྲོད་པའི་ཟས་རིགས་བསྟེན་དྲགས་པ།

  ནད་རྟགས།

  སྤྱིར་བཏང་དུ་ཁ་དང་གདོང་སོགས་སྐྲངས་པ་དང་།

  ལུས་ཀྱི་ཉམས་སྟོབས་ཞན་པ། བཀྲག་མདངས་ཤོར་བ།

  མིག་སྤྲིན་དང་ཤ་མདངས། དྲི་ཆུ་སོགས་སེར་པོ་འོང་ལ་རྙིངས་ནས་འོར་དང་དམུ་ཆུར་འགྱུར་བ།

  རྩ་རྒྱུད་ཐུང་ལ་གཏིང་ན་འཕར་བ།

  ཆུའི་ཀུ་ཡ་མཐུག་པ། སྤྲིས་མ་སྐྱ་བོ་ཚོམ་བུའི་རིས་སུ་འོང་བ།

གཞོགས་འདེགས་བརྟག་དཔྱད།

  ཁྲག་པྲ་ལས་ཁྲག་བརྡོལ་བ་དང་ལུས་ཟུངས་ཞན་པ་སོགས་རྐྱེན་ཀྱི་ཁྲག་ཞན་པ་དང་། ཕྲ་ཕུང་དཀར་པོ་དང་ཁྲག་ལེབ་ཆུང་བ་ཇེ་དམའ་ཡིན་པར་ནང་གསེས་སུ་ཁྲག་ལེབ་ཆུང་བ་ལྷག་ཏུ་དམའ་བ།

  གཅིན་པྲ་ལས་ནད་གཞི་ཅུང་ལྕི་བའི་ཚེ་སྤྲི་དཀར་དང་སྦུག་རྣམ་འབྱུང་སྲིད་པར་གཅིན་མཁྲིས་ཁུངས་གི་ཚད་ཇེ་མཐོར་ཡིན་པ། མཆིན་པའི་ནུས་པ་ལ་བརྟག་ན་ALTདངASTཇེ་མཐོར་ཡིན་པ། གཞན་ཁྲག་པྲ་ལས་མཆིན་པའི་ཚི་སྣར་གྱུར་བའི་ཚད་གཞི་རྣམ་པ་བཞི་བོར་བརྟག་ཆོག སྒྲ་བརྒལ་ལས་མཆིན་པ་དང་མཆེར་བའི་ཆེ་ཆུང་དང་། ཟགས་ཆུའི་མང་ཉུང་། མཆིན་པའི་རྩ་བོ་ཆེའི་ཁྲག་གི་རྒྱུ་བ་སོགས་ལ་གསལ་པོ་བརྟག་ཐུབ། ཕོ་ཤེལ་ལས་མིད་པ་དང་ཕོ་བའི་ལྡིར་ཀྱི་སྡོད་རྩ་འཁྱོག་བརྐྱངས་ཡོད་མེད་ལ་བརྟག་པ། CTདང་MRIལས་མཆིན་པ་སྐྲངས་སྦོས་དང་མཆེར་བ་ཆེར་རྒྱས་པ་སོགས་ཀྱི་ངོས་འཛིན་ལ་རིན་ཐང་ཆེན་པོ་ལྡན།

འཁྲུལ་སོ་་བསལ་བ།

   མཁལ་ནད་འོར་ལྷུང་དང་འཁྲུལ་སོ་བསལ་བ། མཁལ་མ་འོར་ལྷུང་དང་ན་བའི་ཚུལ་ཅུང་འདྲ་མོད། མཁལ་མ་འོར་ལྷུང་ནི་མཁལ་རྐེད་གཟེར་བ་དང་ལུས་ལ་ཟ་འཕྲུག་བྱེད་པ། ལྷག་པར་དུ་ནངས་མོ་ངོ་གདོང་སྐྲངས་པ་དང་ན་བའི་གནས་མི་འདྲ་བ་སོགས་ལས་མི་འཁྲུལ་ལོ།

   འོར་ནད་དང་འཁྲུལ་སོ་བསལ་བ། འོག་ཏུ་གང་བཅུག་ཡོན་པོར་སྐྲངས་པ་ལས་འཁྲུལ་སོ་སེལ་ནུས། །

གོང་ངོས། ལྷེན་སྐྲན།
X