//不能复制 // >
ཁྱེད་ཀྱི་གནས་ཡུལ། > གཙོ་ངོས། > སྨན་བཅོས། > ཐོར་བུའི་ནད་ཀྱི་སྐོར། > ནང་དོན།

དབུགས་མི་བདེ་བ།

ཇུས་འགོད་པ། སྒྲོལ་མ་མཚོ། རྩོམ་སྒྲིག་པ། བོད་གཞུག་སྐྱིད། དུས་ཚོད། 2015-08-07 11:37:00 ཀློག་གྲངས། 78 

   དབུགས་མི་བདེ་བའི་ནད་ཅེས་བ་ནི་བད་ཀན་འཕེལ་བས་དངས་མའི་ལམ་བཀག་པའམ་ལུད་པ་འཕེལ་བས་ཨོལ་ཀྲོང་གི་དབུགས་ལམ་བཀག་ནས་དབུགས་གཏོང་ལེན་མི་བདེ་བ་ལ་ཟེར།

རྒྱུ་རྐྱེན།

  མ་ཞུ་རྒྱུ་བྱས་བད་ཀན་འཕེལ་བས་དངས་མའི་ལམ་བཀག་པ་དང་། ལུད་པ་འཕེལ་བར་གློ་ལུ་ཞིང་དབུགས་རྒྱུ་བའི་ལམ་བཀག་པ་ལས་བྱུང་།

ནད་རྟགས།

  སྙིང་ག་དང་རྩིབ་ལོགས་ཕུས་བརྒྱངས་སྙམ་ནས་ན་ཞིང་གཟེར་བ།

  ལྟོ་བ་སྦོ་ལ་དབུགས་རྒོད་པའམ། ཡང་ན་གཞའ་བ་སྟེ་གབ་པའི་བག་ལ་ཉལ་བར་འགྱུར།

  རྩ་རྒྱུད། རྒྱུ་བ་བྱིང་ལ་སྟོང་ཤས་ཡོད་པ།

  དྲི་ཆུ། མདོག་དཀར་ཞིང་ཝུ་བ་གསོབ་པ་བཅས་ཀྱི་མངོན་ཚུལ་འབྱུང་།

  ལྕེ། མདོག་དམར་ལ་ཅུང་གས་པ།

གཞོགས་འདེགས་བརྟག་དཔྱད།

  ནད་ལྡང་བའི་སྐབས་སུ་Xཔར་ལས་གློ་བའི་ངོས་ལ་གོར་དབྱིབས་ཅན་གྱི་རྟགས་ཐོན་པའམ། སྙིང་པར་ལས་རྒྱུ་བ་མགྱོགས་པའི་མངོན་ཚུལ་ཡོད།

འཁྲུལ་སོ་བསལ་བ།

  གློ་ནད་ཚ་བ་དང་གློ་རྒྱས་ནད་ལའང་དབུགས་རྔམ་པའམ་རྒོད་པའི་མངོན་རྟགས་ཡོད་ཀྱང་། གློ་ཚད་ཚ་གཟེར་ཡིན་ན་གཟེར་ཟུག་ཡང་ཡང་ལྡང་བས་ཉལ་མི་བདེ་ཞིང་། དབུགས་དྲག་པོར་གྱེན་དུ་རྩེག་པ་ལྟར་ཧལ་ཞིང་འབྱིན་དཀའ་བ། ལུད་པའི་མདོག་དམར་སེར་འབྱུང་བ་དང་གཟེར་ཟུག་ཁྱད་པར་དུ་ལྡང་། གློ་རྒྱས་ལ་མིག་སྤྲིན་དམར་ཞིང་ལྕེ་མཆུ་མཁུར་ཚོས་སོགས་མདོག་སྨུག་ལ་སྐད་འཛེར་བ། སྟོད་བརྒྱངས་བ་ལྟར་ན་ཞིང་དབུགས་ཐུང་རྔམ་ལ་རྒོད་པ། ལུད་མདོག་དམར་པོ་འོང་བ། དབུགས་མི་བདེ་བའི་ནད་ལ་སྙིང་ག་དང་རྩིབ་ལོགས་ན་ཞིང་གཟེར་བ། ལྟོ་བ་སྦོ་ལ་དབུགས་རྒོད་པ་ལས་སོ་སོ་མི་འཁྲུལ་བར་བྱ།

གོང་ངོས། སྐད་འགགས།
X