//不能复制 // >
ཁྱེད་ཀྱི་གནས་ཡུལ། > གཙོ་ངོས། > སྨན་བཅོས། > ཐོར་བུའི་ནད་ཀྱི་སྐོར། > ནང་དོན།

གླང་ཤུ

ཇུས་འགོད་པ། སྒྲོལ་མ་མཚོ། རྩོམ་སྒྲིག་པ། བོད་གཞུག་སྐྱིད། དུས་ཚོད། 2015-08-07 16:04:58 ཀློག་གྲངས། 24 

   གླང་ཤུ་ནི་ལུས་ཀྱི་པགས་པ་གླང་གི་གཉའ་བའི་པགས་པ་ལྟར་སྲ་ལ་མཐུག་ཅིང་སྲ་མཁྲེགས་ལྡན་པ། རྩུབ་པོ་ཆགས་པ། གཡའ་བ། འབྲུམ་ཕྲན་དང་ཤུ་བ་དོན་པ། འཕྲུག་རྗེས་ཁྲག་དང་ཆུ་སེར་འཛག་པ། མདོག་ལ་སེར་པོ་དང་སྐྱ་བོ། དབྱིབས་སྒོར་མོ་སོགས་ངེས་མེད་དུ་ཡན་ལག་ལ་བྱུང་མང་བའི་ནད་ཀྱི་རྟགས་ལ་བལྟས་ནས་བཏགས་པའི་པགས་ནད་རིགས་ཤིག་གི་མིང་།

རྒྱུ་རྐྱེན།

  ཟས་སྤྱོད་གདོན་ལ་སོགས་པས་འདུ་བ་འཁྲུགས་ཏེ་ཆུ་སེར་ལྤགས་ལ་གྲམ་ཏེ་སྲིན་འཁྲུགས་པས་བསྐྱེད།

ནད་རྟགས།

  གླང་གི་གཉའ་བའི་པགས་པ་ལྟར་སྲ་ལ་མཐུག་མཁྲེགས་ལྡན་པ། རྩུབ་པོ་ཆགས་པ། གཡའ་བ། འབྲུམ་ཕྲན་དང་ཤུ་བ་དོན་པ། གས་པ། འཕྲུག་རྗེས་ཁྲག་དང་ཆུ་སེར་འཛག་པ། མདོག་སེར་པོ་དང་སྐྱ་བོ། སྒོར་དབྱིབས་སོགས་ངེས་མེད་དུ་འབྱུང་བ།

  ནད་འདི་མང་ཆེ་བ་མཇིང་པ་དང་ལྟག་པ་སོགས་ལ་ཕོག་ཅིང་། ཐོག་མར་པགས་པར་ཟ་འཕྲུག་ལངས་ནས་འབྲུམ་ཆུང་དོན་པ་དང་། རིམ་བཞིན་རྒྱ་ཆེར་སོང་སྟེ་ཡུལ་གཅིག་ཏུ་འབྲེལ་ནས་གླང་གི་གཉའ་བའི་པགས་པ་ལྟར་སྲ་ལ་མཐུག་མཁྲེགས་ལྡན་པ། ཟ་འཕྲུག་ལངས་པ་དང་། རྨ་སྐོགས་དཀར་པོ་གོན་པ། འཕྲུག་རྗེས་རྨ་སྐོགས་ལིང་ལིང་དུ་བུད་ནས་འོག་གི་པགས་མདོག་དམར་སྨུག་ཆགས་ཏེ་ཁྲག་ཙིམ་ཙིམ་དོན་པ། པགས་པ་གཞན་དང་མི་འདྲ་བ་ནི་ མཐུག་ཅིང་རྩུབ་པོ་ཆགས་པ་དང་གས་པ། སྐབས་རེར་སེན་མོ་རྣམས་སོབ་པ། རྐོ་ཐིག་ལྷུང་བ། ཚིགས་དམིགས་སུའང་ ན་ཟུགགཏོང་བ་སོགས་ཀྱི་མངོན་ཚུལ་ཡོད།

  རྩ་ཕྲ་ཞིང་མགྱོགས་སྟོང་བར་འདར་བ།

  ཆུ་དམར་སེར། ཀུ་ཡ་སྲབ། དྲི་ཅུང་དུགས།

  ལྕེ་དམར་ལ་རྩུབ་པ། དྲེག་པ་སེར་ལ་སྲབ།

གཞོགས་འདེགས་བརྟག་དཔྱད།

  ཁྲག་པྲར་བརྟག་པ། དྲི་ཆུའི་རྫས་འགྱུར་ལ་བརྟག་པ། RFདང་Xགློག་འོད་ལ་བརྟག་པ། མཆིན་ནུས་དང་མཁལ་ནུས་སོགས་ལ་བརྟག་པ།

འཁྲུལ་སོ་བསལ་བ།

    ཟ་འཕྲུག་ལངས་ནས་འབྲུམ་ཆུང་དོན་ཞིང་གཡའ་བ། འབྲུམ་ཕྲན་དང་ཤུ་བ་འདོན་པ་སོགས་ཤུ་བ་དང་འདྲ་ཡང་། གླང་ཤུ་པགས་པར་གླང་གཉའ་འདྲ་བའི་མཐུག་ཅིང་རྩུབ་པོ་ཆགས་པ་དང་། འཕྲུགས་ན་རྨ་སྐོགས་དཀར་པོ་བུད་ནས་འོག་གི་པགས་མདོག་དམར་སྨུག་ཆགས་ཏེ་ཁྲག་དོན་པ། ཤུ་བ་ནི་ཆུ་བུར་ཅན་གྱི་འབྲུམ་ཐོར་དོན་པ་དང་རྣག་ཆུ་འཛག་པ། ཆུ་སེར་གྱི་རྒྱུད་དུ་རིམ་བཞིན་རྨ་མཆེད་སྐྱེན་པ་ལས་མི་ནོར་བར་ཤེས། ཡང་ཟ་རྐོང་སྐྱི་སྐོགས་དཀར་སེར་ཅན་ནི་བཟོད་གླག་མེད་པའི་ཟ་འཕྲུག་ལངས་སྟེ་ཆུ་སེར་འཛག་པ་འདྲ་མོད། རྨ་པགས་ལས་དམའ་བའམ་རྐོང་བུ་ཆགས་པ་ལས་མི་ནོར།

གོང་ངོས། ཤ་བཀྲ།
X