//不能复制 // >
ཁྱེད་ཀྱི་གནས་ཡུལ། > གཙོ་ངོས། > ལས་ཁུངས། > ནད་ཐོག་ལས་རིགས། > མཚོ་སྔོན། > ནང་དོན།

ཐེམ་ཆེན་རྫོང་བོད་སྨན་ཁང་།

ཇུས་འགོད་པ། སྒྲོལ་མ་མཚོ། རྩོམ་སྒྲིག་པ། བཀྲ་བྷ། དུས་ཚོད། 2015-08-14 18:06:13 ཀློག་གྲངས། 6 

   ཐེམ་ཆེན་རྫོང་བོད་ལུགས་སྨན་ཁང་ནི་སྤྱི་ལོ་༡༩༦༢ལོར་རྫོང་བོད་སྨན་ཚན་ཁག་གི་རྨང་གཞིའི་སྟེང་བཙུགས་ཤིང་། སྤྱི་ལོ་༡༩༨༦ལོར་དངོས་སུ་བོད་ཀྱི་གསོ་བ་རིག་པའི་ཆེད་ལས་སྨན་ཁང་དུ་བསྒྱུར་བས། མཚོ་སྔོན་ཞིང་ཆེན་གྱི་བོད་ལུགས་སྨན་ཁང་ཁྲོད་དར་རྒྱུན་རིང་བའི་གྲས་ཤིག་ཡིན། དེ་ཡང་བོང་སྟག་ས་ཆའི་སྔོན་བྱོན་གསོ་རིག་མཁས་མཆོག་དམ་པ་འགའི་ཐུན་མོང་མ་ཡིན་པའི་ཕྱག་ལེན་དང་ཁྱད་དུ་འཕགས་པའི་བློ་གྲོས་ལ་བརྟེན་ནས། ཡུལ་གྲུ་འདིའི་གསོ་རིག་གི་རྒྱུན་མ་ཆད་པར་ཉམས་པ་སོར་ཆུད་དང་མ་ཉམས་གོང་འཕེལ་དུ་བཏང་ཞིང་། བོད་ཀྱི་གསོ་རིག་རྒྱུན་འཛིན་གྱི་ཆེད་གཉེར་མི་སྣའང་གང་མང་གསོ་སྐྱོང་གང་ལེགས་བྱས་མཐར། ཐེམ་ཆེན་རྫོང་བོད་ལུགས་སྨན་ཁང་གི་གཞི་རྒྱ་རིམ་བཞིན་དུ་ཆེ་རུ་གྱུར་ཞིང་སྨན་བཅོས་ཚན་ཁག་ཀྱང་སྔར་ལས་འཐུས་སྒོ་ཇེ་ཚང་དུ་སོང་བ་དང་། ལོ་ངོ་བཞི་བཅུ་ལྷག་གི་རིང་འདིར་རྒྱ་ཆེའི་མི་དམངས་མང་ཚོགས་ཀྱི་ནད་ཡམས་གསོ་བཅོས་དང་སྔོན་འགོག་ཐད་མཛད་རྗེས་རྒྱ་ཆེན་པོ་བཞག་དང་འཇོག་བཞིན་ཡོད་པས་སྐྱེ་འགྲོ་ཀུན་གྱིས་བསྟོད་པའི་མེ་ཏོག་སྟོར་བཞིན་མཆིས། སྤྱི་ལོ་༢༠༠༤ལོར་སྨན་པ་གསེར་བཟང་རྒྱལ་ལགས་ཀྱིས་ཡོན་ཀྲང་གི་འགན་བླངས་ཤིང་། ཁོང་གིས་སྐྱེས་ཐོབ་ཀྱི་ཤེས་རབ་དང་སྦྱངས་ཐོབ་ཀྱི་ཡོན་ཏན་གཞིར་བྱས། ལོ་ངོ་ཉི་ཤུ་ལྷག་ལ་གསོ་རིག་ཕྱག་ལས་གནང་བའི་ཉམས་མྱོང་ཕྱོགས་སྡོམ་གྱིས་ལས་བཟོ་བ་རྣམས་དང་མཉམ་དུ་སྨན་ཁང་གི་སྒྲིག་གཞི་འཛུགས་སྐྲུན་དང་སྨན་པའི་དཔུང་སྡེ་རྒྱ་བསྐྱེད་པའི་ཐད་ལ་ནུས་ཤུགས་ཡོད་རྒུ་བཏོན་པས་གྲུབ་འབྲས་ཆེན་པོ་བླངས་ཏེ། བསྟུད་མར་ལོ་གསུམ་ལ་ཞིང་ཆེན་དང་ཁུལ་རིམ་པའི་སྔོན་ཐོན་ལས་ཁུངས་སུ་བདམས། སྨན་ཁང་ལ་གཞུང་ལས་ཐོག་ཁང་དང་བོད་སྨན་བཟོ་སསྐྲུན་འཕྲུལ་ཆས། བརྟག་དཔྱད་འཕྲུལ་ཆས་སོགས་གསར་བ་མང་པོ་ནང་འདྲེན་བྱས་ཏེ་སྨན་ཁང་གི་རྨང་གཞིའི་སྒྲིག་ཆས་ཕུན་སུམ་ཚོགས་པར་བཏང་ཡོད། ད་ལྟ་ཐེམ་ཆེན་རྫོང་བོད་ལུགས་སྨན་ཁང་དུ་ཚན་ཁག་གི་ཕྱོགས་ནས་སྒོ་བསྟེན་ཁང་དང་བཅོས་སྡོད་ཁང་། སྨན་ལུམས་ཁང་། སྡེབ་སྦྱོར་ཁང་། བཤམས་སྟོན་ཁང་སོགས་དང་། བརྟག་དཔྱད་འཕྲུལ་ཆས་ཀྱི་ཐད་ནས་Xགློག་འོད་བརྟག་ཆས་དང་Bའཕྲོ་འོད་བརྒལ་བརྟག་ཆས། གཞན་ཡང་རྫས་འགྱུར་བརྟག་ཆས་སོགས་ཆ་ཚང་བར་མ་ཟད། སྨན་ཁང་གི་ཁོར་ཡུག་ཆ་རྐྱེན་སྔར་ལས་ལེགས་བསྒྱུར་ཆེན་པོ་བྱུང་ཡོད་པས། དེང་རབས་ཅན་གྱི་རྣམ་པ་གསར་པ་ཞིག་ཏུ་སྐྱོད་པ་དང་བོད་ཀྱི་གསོ་རིག་འཕེལ་རྒྱས་དང་ས་གནས་ཀྱི་འཕྲོད་བསྟེན་བཅས་ཀྱི་ཕྱོགས་ལ་མཐུན་རྐྱེན་གྱི་རྨང་གཞི་བརྟན་པོ་འཛུགས་མོས་ཡོད།

X