//不能复制 // >
ཁྱེད་ཀྱི་གནས་ཡུལ། > གཙོ་ངོས། > ཡིག་ཚགས། > གསོ་རིག་རྒྱུད་བཞི། > བཤད་རྒྱུད། > ནང་དོན།

ལེའུ་བཅུ་གཉིས་པ། ནད་ཀྱི་དབྱེ་བ་བསྟན་པ།

ཇུས་འགོད་པ། zhuomacao རྩོམ་སྒྲིག་པ། དུས་ཚོད། 2016-05-25 11:43:54 ཀློག་གྲངས། 54 

དེ་ནས་ཡང་དྲང་སྲོང་རིག་པའི་ཡེ་ཤེས་ཀྱིས་འདི་སྐད་ཅེས་གསུངས་སོ།། ཀྱེ་དྲང་སྲོང་ཆེན་པོ་ཉོན་ཅིགནད་ཀྱི་དབྱེ་བ་རྒྱུ་ཡི་དབྱེ་བ་དང་།། རྟེན་དང་རྣམ་པའི་སྒོ་ནས་དབྱེ་བ་གསུམ།། དང་པོ་རྒྱུ་ཡི་སྒོ་ནས་དབྱེ་བ་ནི།། ཚེ་འདིའི་ཉེས་དང་སྔོན་གྱི་ལས་ལས་བྱུང་།། དེ་གཉིས་འདྲེས་ལས་བྱུང་དང་རྣམ་པ་གསུམ།། དང་པོ་རྒྱུ་རྐྱེན་འཛོམ་ལས་འབྱུང་བ་སྟེ།། ལས་སྐྱེས་རྒྱུ་མེད་པ་ལ་དཀྱེལ་ཆེ་བ།། རྒྱུ་ཆུང་དཀྱེལ་ཆེ་ཉེས་ལས་འདྲེས་པ་ཡིན།། དང་པོ་ཚེ་འདིའི་ཉེས་པ་རྣམ་གཉིས་ཏེ།། རང་བཞིན་གནས་པ་ཁོང་གི་ཉེས་པ་དང་།། ཕྱི་རྐྱེན་ལས་བྱུང་གློ་བུར་ཉེས་པ་གཉིས།། དང་པོ་རླུང་མཁྲིས་བད་ཀན་གསུམ་ཡིན་ཏེ།། གཉིས་པ་དུག་མཚོན་གདོན་དང་རྣམ་པ་གསུམ།།རྟེན་གྱི་སྒོ་ནས་དབྱེ་ན་སྐྱེས་པ་དང་།། བུད་མེད་བྱིས་པ་རྒས་པའི་ནད་རིགས་བཞི།། ཀུན་ཁྱབ་ཐུན་མོང་བ་དང་རྣམ་པ་ལྔ།། སྐྱེས་པའི་ནད་ལ་ཁུ་བ་ཟད་རླུགས་གཉིས།། རླིག་རླུགས་ཕོ་མཚན་དྲུག་དགུ་བཅུ་བདུན་བཤད།། བུད་མེད་ནད་ལ་མངལ་ལྔ་མངལ་སྐྲན་དགུ།། མངལ་གྱི་སྲིན་བུ་ལངས་ཁྲོས་རྣམ་པ་གཉིས།། རྩ་ནད་བཅུ་དྲུག་སུམ་ཅུ་རྩ་གཉིས་སོ།། བྱིས་པའི་ནད་ལ་ཕྲ་རགས་ཞིབ་ཚེགས་བརྒྱད།། རྒས་ནད་འབྱུང་བའི་ལུས་སྟོབས་འགྲིབས་འགྲིབཔ་ཡིན།། ཀུན་ཁྱབ་ཐུན་མོང་ནད་ལ་ཉེས་པ་དང་།། གཙོ་བོ་གནས་དང་རིགས་ཀྱིས་དབྱེ་བའོ།། ཉེས་པས་དབྱེ་བ་རླུང་མཁྲིས་བད་ཀན་གསུམ།། རླུང་གི་ནད་ལ་སྤྱི་དང་བྱེ་བྲག་གཉིས།། སྤྱི་ལ་རིགས་དང་གནས་ཀྱིས་དབྱེ་བ་གཉིས།། རིགས་ཀྱིས་དབྱེ་ན་རླུང་ནད་ཉི་ཤུ་སྟེ།། གནས་ཀྱིས་དབྱེ་ན་འཇུག་སྒོ་རྣམ་པ་དྲུག། དབང་པོ་ལྔ་ལ་མེ་ཏོག་ཤར་དང་བདུན།། བྱེ་བྲག་སྲོག་འཛིན་ལ་སོགས་རྣམ་གྱུར་ལྔ།། བད་ཀན་མཁྲིས་པར་འདྲེས་པས་བཅུ་རུ་འདོད།། དབྱེ་བ་བཞི་བཅུ་རྩ་གཉིས་རླུང་གི་ནད།། མཁྲིས་པའི་ནད་ལ་སྤྱི་དང་བྱེ་བྲག་གཉིས།། སྤྱི་ལ་རིགས་དང་གནས་ཀྱི་དབྱེ་བ་གཉིས།། རིགས་ཀྱི་དབྱེ་བ་ཐང་ལ་ལྷགས་པ་དང་།། གནས་གྱུར་ཁ་ལུད་རྩ་རྒྱུག་རྣམ་པ་གསུམ།། གནས་ཀྱིས་དབྱེ་ན་སྒོ་དྲུག་དབང་པོ་བདུན།། བྱེ་བྲག་འཇུ་བྱེད་ལ་སོགས་རྣམ་གྱུར་ལྔ།། རླུང་དང་བད་ཀན་འདྲེས་པས་བཅུ་རུ་འདོད།། དབྱེ་བ་ཉི་ཤུ་རྩ་དྲུག་མཁྲིས་པའི་ནད།། བད་ཀན་ནད་ལ་རང་རྒྱུད་གཞན་རྒྱུད་གཉིས།། རང་རྒྱུད་ཅན་ལ་སྤྱི་དང་བྱེ་བྲག་གཉིས།། སྤྱི་ལ་རིགས་དང་གནས་ཀྱིས་དབྱེ་བ་གཉིས།། རིགས་ཀྱི་སྒོ་ནས་དབྱེ་ན་ལྷེན་སོགས་དྲུག། གནས་ཀྱིས་དབྱེ་ན་སྒོ་དྲུག་དབང་པོ་བདུན།། བྱེ་བྲག་རྟེན་བྱེད་ལ་སོགས་རྣམ་གྱུར་ལྔ།། རླུང་དང་མཁྲིས་པར་འདྲེས་པས་བཅུ་རུ་འདོད།། གཞན་རྒྱུད་ཅན་ལ་སེར་པོ་སྨུག་པོ་གཉིས།། སྨུག་པོ་བྱེར་རྒྱས་རྡོལ་དང་འགྱིངས་པ་བཞི།། དབྱེ་བ་སུམ་ཅུ་རྩ་གསུམ་བད་ཀན་ནད།། བརྒྱ་དང་རྩ་གཅིག་ཉེས་པའི་དབྱེ་བར་འདོད།། གཙོ་བོས་དབྱེ་ན་རང་རྒྱུད་གཞན་རྒྱུད་ཅན།། རང་རྒྱུད་ཅན་ནི་རྐྱང་པ་རང་རྟགས་སྟོན།། འཕེལ་དང་རབ་འཕེལ་མཆོག་འཕེལ་ཟད་པར་སྦྱར།། གཞན་རྒྱུད་ཅན་ལ་ལྡན་འདུས་བླ་གཉན་གསུམ།། ལྡན་པ་མཉམ་གསུམ་ཅིག་རབ་ལྷག་པ་དྲུག། འདུས་ལ་མཚུངས་ཅིག་རབ་འབྲིང་གསུམ་སྦྱར་དྲུག། གཉིས་གཅིག་ལྷག་པ་ལ་དྲུག་གོ་ལྡོག་ཟད།། འཕེལ་ཟད་འདྲེས་ལ་མཉམ་འཕེལ་ཟད་སྦྱར་དྲུག། གཅིག་ཟད་གཉིས་འཕེལ་གོ་ལྡོག་བཅས་པ་དྲུག། འཕེལ་ཟད་དབྱེ་བ་བདུན་ཅུ་རྩ་བཞི་འོ།། བླ་གཉན་ནད་ཀྱི་སྟེང་དུ་ནད་གང་ཞིག། བྱུང་བ་དེ་ཡང་དབྱེ་བ་གསུམ་འགྱུར་ཏེ།། ཞུགས་དང་ལོག་དང་འདོམ་པ་ཞེས་སུ་བཤད།། གཅིག་གི་གནས་སུ་ནད་གཞན་ཞུགས་པ་དང་།། རང་མ་ཞི་བར་གཞན་དུ་ལོག་པ་དང་།། ནད་སྣ་གཉིས་སུ་འཐབ་པས་དགུ་ཚན་གསུམ།། བརྒྱ་དང་རྩ་གཅིག་གཙོ་བོའི་དབྱེ་བར་འདོད།། གནས་ཀྱི་སྒོ་ནས་དབྱེ་ན་ལུས་དང་སེམས།། སེམས་ལ་གནས་པ་སྨྱོ་བྱེད་བརྗེད་བྱེད་གཉིས།། ལུས་ལ་གནས་པ་སྟོད་སྨད་ཕྱི་ནང་བཞི།། ཕྱི་ནང་ཀུན་ཁྱབ་ནད་དང་ཆམ་པ་ལྔ།། ལུས་སྟོད་དབང་པོ་མགོ་ལ་གནས་པ་ནི།། མགོ་མིག་རྣ་བ་སྣ་དང་མཆུ་སོ་ལྕེ།། རྐན་དང་ལྦ་བ་གྲེ་བ་ནམ་ཚོང་ནད།། གྲེ་བར་གནས་པ་ནད་དང་གག་པ་དང་།། མགུལ་འགགས་ནད་དང་སྐད་འགགས་རྣམ་པ་བཞི།། ནམ་ཚོང་སྤྱིར་གནས་སྐོམ་དད་སྐྱིགས་བུ་དང་།། དབུགས་མི་བདེ་དང་ཡིད་འཆུས་རྣམ་པ་ལྔ།། སྤྱི་རུ་སྡོམས་པས་དབྱེ་བ་བཅོ་བརྒྱད་བཤད།། དོན་སྣོད་ནང་ལ་གནས་པའི་ནད་བསྟན་པ།། སྙིང་དང་གློ་བ་མཆིན་མཆེར་མཁལ་མ་དང་།། ཕོ་བ་མཁྲིས་པ་རྒྱུ་ལོང་ལྒང་པ་དང་།། བསམ་སེའི་ནད་དང་རྣམ་པ་བཅུ་གཅིག་གོ། དོན་སྣོད་སྤྱིར་གནས་མ་ཞུ་གླང་ཐབས་སྐྲན།། སུར་ཡ་ཚད་འཁྲུ་རྒྱུ་གཟེར་རྣམ་པ་དྲུག། སྣོད་སྤྱིར་གནས་པ་འཁྲུ་སྐྱུག་རྣམ་པ་གཉིས།། སྤྱི་རུ་

X