//不能复制 // >
ཁྱེད་ཀྱི་གནས་ཡུལ། > གཙོ་ངོས། > ཡིག་ཚགས། > གསོ་རིག་རྒྱུད་བཞི། > བཤད་རྒྱུད། > ནང་དོན།

ལེའུ་ཉེར་དགུ་པ། གསོ་ཐབས་གཉིས་བསྟན་པ།

ཇུས་འགོད་པ། zhuomacao རྩོམ་སྒྲིག་པ། དུས་ཚོད། 2016-05-25 15:12:36 ཀློག་གྲངས། 7 

དེ་ནས་ཡང་དྲང་སྲོང་རིག་པའི་ཡེ་ཤེས་ཀྱིས་འདི་སྐད་ཅེས་གསུངས་སོ།། ཀྱེ་དྲང་སྲོང་ཆེན་པོ་ཉོན་ཅིག གང་གིས་གསོ་བའི་གསོ་ཐབས་མང་ཡོད་ཀྱང་།། ཐུན་མོང་བ་དང་ཁྱད་པར་གཉིས་ཀྱིས་གསོ།། ཐུན་མོང་གསོ་ཡུལ་གཉིས་ཕྱིར་གསོ་ཐབས་གཉིས།། སྟོབས་སྐྱེད་བརྟ་བྱ་ཉམས་དམད་སྨྱུང་བའོ།། བརྟ་བར་བྱ་བ་ཡུལ་དང་གང་གིས་བརྟ།། ཕན་ཡོན་དྲགས་སྐྱོན་དེ་ཡི་བཅོས་ཐབས་ལྔ།། དེ་ཡུལ་རླུང་ཆེ་ཟུངས་ཟད་ཁྱིམ་གསར་དུབ།། སྦྲུམ་མ་བཙས་རྗེས་ཁྲག་ཟགས་གློ་རྡོལ་རྒས།། གཉིད་མེད་མྱ་ངན་དཀའ་ཐུབ་རྩོལ་བས་དུབ།། སོ་གའི་དུས་རྣམས་ཕལ་ཆེར་བརྟ་བས་གསོ།། དེ་ཟས་ལུག་ཤ་བུ་རམ་ཀ་ར་མར།། འོ་མ་ཞོ་ཆང་ལ་སོགས་བཅུད་ཀྱིས་བརྟ།། སྨན་སྦྱོར་ནད་དང་གང་འཕྲོད་སྨན་མར་བསྟེན།། དཔྱད་དུ་འཇམ་རྩི་ཁྲུས་དང་བསྐུ་མཉེ་བྱ།། སྤྱོད་ལམ་གཉིད་ལོག་དལ་དང་སེམས་དགའ་བརྟ།། དེ་ཡིས་སྟོབས་འཕེལ་ནད་ཀུན་ཟིལ་གནོན་ནུས།། དཔེར་ན་ཁ་ཉེན་པོ་ཡིས་ནུས་རྙེད་བཞིན།། ཐལ་དྲགས་འཚོ་ཚོཆེས་འབྲས་དང་རྨེན་བུ་དང་།། རྨོངས་བག་གཅིན་སྙི་ལུད་པ་བད་ཀན་འཕེལ།། དེ་ལ་བད་ཚིལ་ཟད་བྱེད་ཟས་སྨན་ཕན།། གུ་གུལ་བྲག་ཞུན་སྐྱེར་པའི་ཁཎྡྲི་དང་།། སྦྲང་སྦྱར་འཚོ་ཆེས་ནད་ཀུན་སེལ་བར་བྱེད།། འབྲས་བུ་གསུམ་དང་སྦྲང་རྩི་སྦྱར་བའམ།། བཅའ་སྒ་ཡ་བཀྵ་ར་བྱི་ཏང་ག། སྐྱུ་རུ་ནས་ཕྱེ་སྦང་སྦྲངསྦྱར་འཚོ་ཚོནད་སེལ།། འཚོ་ཚོབས་སྐེམ་བཟང་བརྟ་བ་ཚོད་ཟིན་བྱ།། སྨྱུང་བར་བྱ་ལ་ཡུལ་དང་གང་གིས་དམད།། ཕན་ཡོན་དྲགས་སྐྱོན་དེ་ཡི་བཅོས་ཐབས་ལྔ།། དེ་ཡུལ་མ་ཞུ་སྣུམ་ཟོས་བརླ་རེངས་ནད།། རིམས་དང་གཅིན་སྙི་ཁོང་འབྲས་དྲེག་གྲུམ་མཆེར།། ལྐོག་ཀླད་སྙིང་ནད་ཚད་འཁྲུ་སྐྱུག་པ་དང་།། ལུས་ལྕི་དང་ག་མི་བདེ་བཤང་གཅི་འགགས།། འཚོ་ཚོཆེས་ཆུ་སེར་བད་མཁྲིས་རྒྱས་པའི་ནད།། སྟོབས་ལྡན་དར་བབ་དགུན་དུས་སྨྱུང་བས་བཅོས།། དེ་ཡི་སྨན་དུ་ཞི་དང་སྦྱང་བ་གཉིས།། མ་སྙོམས་སྙོམས་པར་བྱེད་པ་ཞི་བ་སྟེ།། སྦྱོར་བ་ཟས་སྨན་སྤྱོད་ལམ་དཔྱད་ཀྱིས་བཅོས།། ཉམ་ཉམསསྟོབས་ཆུང་ལ་ཟས་ཀྱི་བཀྲེས་སྐོམ་བྱ།། དེ་འོག་ཡང་ཞིང་འཇུ་སླ་ཅུང་ཟད་བསྟེན།། ཉམ་ཉམསསྟོབས་འབྲིང་ལ་ཐང་དང་ཕྱེ་མ་སོགས།། དྲོད་སྐྱེད་སྨིན་བྱེད་སྦྱོར་བ་གང་ཡིན་བསྟེན།། སྟོབས་ལྡན་ཉིན་མཚན་རྩོལ་བཅག་རྔུལ་དབྱུང་ཞིང་།། མེ་བཙའ་དུགས་ལུམས་གཏར་ག་དཔྱད་ཀྱིས་བཅོས།། སྦྱང་བ་ནད་སློང་ཕྱིར་འབྱིན་བྱེད་པ་སྟེ།། སྦྱོར་བ་མ་ཞུའི་གནས་ལ་སྐྱུགས་ཀྱིས་སྦྱང་།། ཞུ་བའི་གནས་ལ་ནི་རུ་ཧ་ཡིས་དྲང་།། ལུས་སྤྱིར་བཤལ་ལ་རྩ་ནད་རྩ་སྦྱོངས་བྱ།། ཞི་སྦྱང་ཉམ་ཉམསདམད་ཕན་ཡོན་དབང་པོ་གསལ།། ལུས་ངག་ཡི་ག་བདེ་ལ་བྱ་བྱེད་བརྩོན།། བཀྲེས་སྐོམ་དུས་འབྱུང་བཤང་རླུང་བདེ་བར་རྒྱུ།། དྲགས་ན་ཟུངས་འཛད་ཤ་སྐེམ་མགོ་བོ་འཁོར།། གཉིད་མེད་མདངས་ཤོར་སྐད་གདངས་དབང་པོ་ཉམས།། ཁ་སྐོམ་དང་ག་འགག་དང་བྱིན་པ་བརླ།། གཞུག་ཏོ་རྩིབ་ལོགས་སྙིང་ག་ཀླད་པ་ན།། རིམས་འདེབས་སྐྱུག་འདོད་རླུང་ནད་སྐྱེད་པར་བྱེད།། དེ་ལ་བརྟས་པར་བྱེད་པ་ཐམས་ཅད་ཕན།། ཁྱད་པར་ཤ་ཟའི་ཤ་དང་འཇམ་རྩི་དང་།། ཟས་འགྲངས་གཉིད་ལོག་ཕག་འདྲར་ལུས་རྒྱས་འགྱུར།། ལུས་རྒྱས་འཚོ་ཚོབྱེད་ཤ་འདྲ་གང་ཡང་མེད།། མདོར་ན་བརྟ་བྱའི་ཡུལ་ལ་ཉམ་ཉམསམི་དམད།། གལ་ཏེ་སྦྱང་བ་དགོས་ལ་འཇམ་པོས་བྱ།། ཉམ་ཉམསདམད་དགོས་ལ་བརྟས་པར་བྱེད་པ་སྤང་།། རླུང་འཕེལ་ནད་གང་ཟད་པ་བརྟ་བས་གསོ།། རླུང་ཟད་བད་མཁྲིས་འཕེལ་བ་སྨྱུང་བས་བཅོས།། རྟེན་དང་བརྟེན་པ་འཕེལ་ཟད་བཅོས་ཐབས་གཅིག། ཅེས་གསུངས་སོ།། བདུད་རྩི་སྙིང་པོ་ཡན་ལག་བརྒྱད་པ་གསང་བ་མན་ངག་གི་རྒྱུད་ལས་གསོ་ཐབས་གཉིས་བསྟན་པའི་ལེའུ་སྟེ་ཉི་ཤུ་རྩ་དགུ་པའོ།། །།

X