//不能复制 // >
ཁྱེད་ཀྱི་གནས་ཡུལ། > གཙོ་ངོས། > ཡིག་ཚགས། > གསོ་རིག་རྒྱུད་བཞི། > རྩ་རྒྱུད། > ནང་དོན།

ལེའུ་གཉིས་པ། གླེང་སློང་རྣམ་གྲངས་རྣམ་པར་བཀོད་པ།

ཇུས་འགོད་པ། zhuomacao རྩོམ་སྒྲིག་པ། དུས་ཚོད། 2016-05-26 9:39:29 ཀློག་གྲངས། 28 

      དེའི་ཚེ་དེའི་དུས་ན་སྟོན་པ་བཅོམ་ལྡན་འདས་འཚོ་མཛད་སྨན་གྱི་བླ་བཻ་ཌཱིཪྻ་འོད་ཀྱི་རྒྱལ་པོ་དེས་ནད་བཞི་བརྒྱ་རྩ་བཞི་ཞི་བར་བྱེད་པའུ་སྨན་གྱི་རྒྱལ་པོ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ།། སྙོམས་པར་ཞུགས་མ་ཐག་ཏུ་ཐུགས་ཀ་ནས་འོད་ཟེར་ཁ་དོག་བརྒྱ་སྟོང་དུ་མ་ཕྱོགས་བཅུར་འཕྲོས་པས་ཕྱོགས་བཅུའི་འགྲོ་བ་སེམས་ཅན་ཐམས་ཅད་ཀྱི་སེམས་ཀྱི་ཉེས་པའི་སྐྱོན་བསལ། མ་རིག་པ་ལས་བྱུང་བའི་དུག་གསུམ་གྱི་ནད་ཐམས་ཅད་ཞི་བར་བྱས་ནས་སླར་ཐུགས་ཀར་འདུས་པ་ལས། སྤྲུལ་པའི་སྟོན་པ་དྲང་སྲོང་རིག་པའི་ཡེ་ཤེས་ཞེས་བྱ་བ་ཞིག་ཐུགས་ལས་སྤྲུལ་ཏེ་མདུན་གྱི་བར་སྣང་ལ་བཞུགས་ནས་དྲང་སྲོང་གི་འཁོར་རྣམས་ལ་འདི་སྐད་ཅེས་མདུན་བསུའོ།། ཀྱེ་གྲོགས་པོ་དག་ཤེས་པར་གྱིས་ཤིག མི་ན་བ་གནས་པར་འདོད་པ་དང་ན་བ་གསོ་བར་འདོད་པའི་གང་ཟག་གིས་གསོ་བ་རིག་པའི་མན་ངག་ལ་བསླབ་པར་བྱའོ།། ཚེ་རིང་བར་འདོད་པའི་གང་ཟག་གིས་གསོ་བ་རིག་པའི་མན་ངག་ལ་བསླབ་པར་བྱའོ།། ཆོས་དང་ནོར་དང་བདེ་བ་སྒྲུབ་པར་འདོད་པའི་གང་ཟག་གིས་གསོ་བ་རིག་པའི་མན་ངག་ལ་བསླབ་པར་བྱའོ།། འགྲོ་བ་གང་ཞིག་ནད་ཀྱི་སྡུག་བསྔལ་ལས་ཐར་བར་འདོད་པ་དང་། གཞན་གྱི་སྤྱི་བོས་བཀུར་བར་འདོད་པའི་གང་ཟག་གིས་གསོ་བ་རིག་པའི་མན་ངག་ལ་བསླབ་པར་བྱའོ།། དེ་སྐད་ཅེས་བཀའ་སྩལ་པ་དང་། དེའི་ཚེ་དེའི་དུས་ན་སྟོན་པ་བཻ་ཌཱིཪྻ་འོད་ཀྱི་རྒྱལ་པོའི་ལྗགས་ལས་འོད་ཟེར་ཁ་དོག་བརྒྱ་སྟོང་དུ་མ་ཕྱོགས་བཅུར་འཕྲོས་པས་ཕྱོགས་བཅུའི་འགྲོ་བ་སེམས་ཅན་ཐམས་ཅད་ཀྱི་ངག་གི་ཉེས་པའི་སྐྱོན་བསལ། ནད་དང་གདོན་ཐམས་ཅད་ཞི་བར་བྱས་ནས་སླར་ལྗགས་ལ་འདུས་པ་ལས། གསུང་ལས་སྤྲུལ་པའི་དྲང་སྲོང་ཡིད་ལས་སྐྱེས་ཞེས་བྱ་བ་ཞིག་བྱུང་སྟེ་སྟོན་པ་ལ་ཕྱག་དང་སྐོར་བ་བྱས་ནས་སེང་གེའི་ལྟ་སྟངས་ཀྱིས་སྟོན་པའི་མདུན་དུ་འདུག་སྟེ་འཁོར་གྱི་དྲང་སྲོང་རྣམས་ཀྱི་དོན་དུ་ཞུ་བའི་ཚིག་འདི་སྐད་ཅེས་གསོལ་ཏོ།། ཀྱེ་སྟོན་པ་དྲང་སྲོང་རིག་པའི་ཡེ་ཤེས་ལགས། དེ་ལྟར་བདག་གཞན་གྱི་དོན་ཕུན་སུམ་ཚོགས་པ་སྒྲུབ་པར་འདོད་པས་གསོ་བ་རིག་པའི་མན་ངག་ལ་ཇི་ལྟར་བསླབ་པར་བགྱི། དེ་སྐད་ཅེས་ཞུས་པ་དང་། ཐུགས་ལས་སྤྲུལ་པའི་དྲང་སྲོང་རིག་པའི་ཡེ་ཤེས་དེས་འདི་སྐད་ཅེས་གསུངས་སོ།།ཀྱེ་དྲང་སྲོང་ཆེན་པོ་རྣམས་གསོ་བ་རིག་པའི་མན་ངག་གི་རྒྱུད་ལ་བསླབ་པར་བྱའོ།། ཡན་ལག་ལ་བསླབ་པར་བྱའོ།། གནས་ལ་བསླབ་པར་བྱའོ།། སྐབས་ལ་བསླབ་པར་བྱའོ།། མདོ་ལ་བསླབ་པར་བྱའོ།། ལེའུ་ལ་བསླབ་པར་བྱའོ།། ཞེས་གསུངས་པ་དང་། ཡང་དྲང་སྲོང་ཡིད་ལས་སྐྱེས་ཀྱིས་གསོལ་པ། ཀྱེ་སྟོན་པ་ལགས། གསོ་བ་རིག་པའི་མན་ངག་གི་རྒྱུད་ལ་ཇི་ལྟར་བསླབ་པར་བགྱི། ཞེས་ཞུས་པ་ལས། སྟོན་པས་བཀའ་སྩལ་པ། ཀྱེ་དྲང་སྲོང་ཆེན་པོ་ཉོན་ཅིག རྒྱུད་བཞི་ལ་བསླབ་པར་བྱ་སྟེ་གང་ཞེ་ན་འདི་ལྟ་སྟེ། རྩ་བའི་རྒྱུད་དང་བཤད་པའི་རྒྱུད།། མན་ངག་རྒྱུད་དང་ཕྱི་མའི་རྒྱུད།། དེ་ལྟར་རྒྱུད་བཞི་རུ་ཤེས་པར་བྱའོ།། ཡན་ལག་བརྒྱད་ལ་བསླབ་པར་བྱ་སྟེ་གང་ཞེ་ན་འདི་ལྟ་སྟེ། ལུས་དང་བྱིས་པ་མོ་ནད་གདོན།། མཚོན་དུག་རྒས་དང་རོ་ཙ་བ།། ཡན་ལག་བརྒྱད་དུ་ཤེས་པར་བྱའོ།། གནས་བཅུ་གཅིག་ལ་བསླབ་པར་བྱ་སྟེ་གང་ཞེ་ན་འདི་ལྟ་སྟེ། རྩ་བ་མདོ་ཡི་གནས་དང་གཅིག། གྲུབ་པ་ལུས་ཀྱི་གནས་དང་གཉིས།། འཕེལ་འགྲིབ་ནད་ཀྱི་གནས་དང་གསུམ།། བྱ་བ་སྤྱོད་ལམ་གནས་དང་བཞི།། འཚོ་བ་ཟས་ཀྱི་གནས་དང་ལྔ།། སྦྱོར་བ་སྨན་གྱི་གནས་དང་དྲུག། ཆ་བྱད་དཔྱད་ཀྱི་གནས་དང་བདུན།། ཐ་མལ་ནད་མེད་གནས་དང་བརྒྱད།། ངོས་བཟུང་རྟགས་ཀྱི་གནས་དང་དགུ།། གསོ་བྱེད་ཐབས་ཀྱི་གནས་དང་བཅུ།། བྱ་བྱེད་སྨན་པའི་གནས་དང་ནི།། བཅུ་གཅིག་གནས་སུ་ཤེས་པར་བྱའོ།། སྐབས་བཅོ་ལྔ་ལ་བསླབ་པར་བྱ་སྟེ་གང་ཞེ་ན་འདི་ལྟ་སྟེ། དང་པོ་ཉེས་གསུམ་གསོ་བའི་སྐབས།། གཉིས་པ་ཁོང་ནད་གསོ་བའི་སྐབས།། གསུམ་པ་ཚད་པ་གསོ་བའི་སྐབས།། བཞི་པ་ལུས་སྟོད་གསོ་བའི་སྐབས།། ལྔ་པ་དོན་སྣོད་གསོ་བའི་སྐབས།། དྲུག་པ་གསང་ནད་གསོ་བའི་སྐབས།། བདུན་པ་ཐོར་ནད་གསོ་བའི་སྐབས།། བརྒྱད་པ་ལྷན་སྐྱེས་རྨ་གསོའི་སྐབས།། དགུ་པ་བྱིས་པ་གསོ་བའི་སྐབས།། བཅུ་པ་མོ་ནད་གསོ་བའི་སྐབས།། བཅུ་གཅིག་གདོན་ནད་གསོ་བའི་སྐབས།། བཅུ་གཉིས་མཚོན་རྨ་གསོ་བའི་སྐབས།། བཅུ་གསུམ་དུག་ནད་གསོ་བའི་སྐབས།། བཅུ་བཞི་རྒས་པ་གསོ་བའི་སྐབས།། བཅོ་ལྔ་རོ་ཙ་གསོ་བའི་སྐབས།། དེ་ལྟར་སྐབས་བཅོ་ལྔར་ཤེས་པར་བྱའོ།། མདོ་བཞི་ལ་བསླབ་པར་བྱ་སྟེ་གང་ཞེ་ན་འདི་ལྟ་སྟེ། བརྟག་པ་རྩ་ཆུའི་མདོ་དང་གཅིག། ཞི་བྱེད་སྨན་གྱི་མདོ་དང་གཉིས།། སྦྱོང་བྱེད་ལས་ཀྱི་མདོ་དང་གསུམ།། འཇམ་རྩུབ་དཔྱད་ཀྱི་མདོ་དང་བཞི།། དེ་ལྟར་མདོ་བཞི་རུ་ཤེས་པར་བྱའོ།། ལེའུ་བརྒྱ་དང་ལྔ་བཅུ་དྲུག་ལ་བསླབ་པར་བྱ་སྟེ་གང་ཞེ་ན་འདི་ལྟ་སྟེ། གླེང་གཞི་གླེང་སློང་གཞི་དང་ངོས་འཛིན་དང་།། གསོ་བའི་ཐབས་དང་རྩིས་ཀྱི་ལེའུ་དྲུག། མདོ་གནས་རྩ་བའི་རྒྱུད་དུ་ཤེས་པར་བྱ།། བཤད་པའི་སྡོམ་དང་ཆགས་ཚུལ་འདྲ་དཔེ་དང་།། གནས་ལུགས་མཚན་ཉིད་དབྱེ་བ་འཇིག་ལྟས་དང་།། ནད་ཀྱི་རྒྱུ་རྐྱེན་ཞུགས་ཚུལ་མཚན་ཉིད་དང་།། དབྱེ་བ་རྒྱུན་དུས་གནས་སྐབས་སྤྱོད་པ་དང་།། ཟས་ཚུལ་ཟས་བསྡམ་ཟས་ཚོད་རན་པར་བཟའ། སྨན་གྱི་རོ་ནུས་སྦྱར་ཐབས་ཆ་བྱད་

X