//不能复制 // >
ཁྱེད་ཀྱི་གནས་ཡུལ། > གཙོ་ངོས། > ཡིག་ཚགས། > གསོ་རིག་རྒྱུད་བཞི། > མན་ངག་རྒྱུད། > ནང་དོན།

ལེའུ་དྲུག་པ། ཁོང་ནད་ཐམས་ཅད་ཀྱི་རྒྱུ་མ་ཞུ་བ་བཅོས་པ།

ཇུས་འགོད་པ། zhuomacao རྩོམ་སྒྲིག་པ། དུས་ཚོད། 2016-05-26 10:08:31 ཀློག་གྲངས། 18 

དེ་ནས་ཡང་དྲང་སྲོང་ཡིད་ལས་སྐྱེས་ཀྱིས་འདི་སྐད་ཅེས་ཞུས་སོ།། ཀྱེ་སྟོན་པ་དྲང་སྲོང་རིག་པའི་ཡེ་ཤེས་ལགས།། དམར་ཁྲིད་ལག་ལེན་མན་ངག་རྒྱུད་འདི་ཡི།། ཁོང་ནད་གསོ་བའི་སྐབས་ལ་ཇི་ལྟར་བསླབ།། འཚོ་མཛད་སྨན་པའི་རྒྱལ་པོས་བཤད་དུ་གསོལ།། ཞེས་ཞུས་པས།། སྟོན་པས་གསུངས་པ།། ཀྱེ་དྲང་སྲོང་ཆེན་པོ་ཉོན་ཅིག། ཁོང་ནད་གཅོང་ལ་རྣམ་པ་གཉིས་ཡིན་ཏེ།།སྡེ་བཞི་གཅོང་གི་རྩ་བ་མ་ཞུ་དང་།། འབྲས་བུ་གཅོང་ནད་གསར་རྙིང་རྣམ་གཉིས་སོ།། མ་ཞུ་གཅོང་གི་རྒྱུ་ལ་སྤྱི་དོན་དྲུག། རྒྱུ་དང་རྐྱེན་དང་གྱུར་ཚུལ་བསྟན་པ་དང་།། དབྱེ་བ་རྟགས་དང་དེ་ཡི་བཅོས་ཐབས་སོ།། རྒྱུ་ནི་བད་ཀན་ལྕི་ཞིང་བསིལ་བ་ལ།། དེ་རྐྱེན་རྟེན་དང་མ་གོམས་མི་འཕྲོད་དང་།། ངོ་བོ་མི་འཇུ་བ་ཡི་རྐྱེན་བཞི་ཡོད།། དང་པོ་རྟེན་ནི་གྲང་རླུང་ཅན་གྱི་མི།། ཟུངས་ངན་སྦེག་དང་ཁ་ཟས་སྐྱ་བ་ཟ།། དལ་བར་འདུག་དང་མྱ་ངན་སེམས་ལས་དུབ།། རྒས་དང་ཟས་ཀྱིས་མནར་ཤུལ་འཇུ་མི་ནུས།། མ་གོམས་ནམ་ཕྱེད་ཁ་ཟས་མ་མྱོང་ཟ།། མི་འཕྲོད་དཀར་སྐྱུར་སྔོ་ངད་འོ་མ་ཉ།། སྔ་མ་མ་ཞུ་ཕྱི་མ་ཟོས་པ་དང་།། འདྲེས་པར་ཟོས་པས་མི་འཕྲོད་འཇུ་མི་འགྱུར།། ཟས་ཀྱི་ངོ་བོ་འབྲུ་གསར་བསེར་ཅན་རུལ།། ཤ་རིད་ཚིལ་བུ་འོ་རློན་རྗེན་པ་དང་།། མ་ཚོས་འཚིག་དང་ཁེང་པོ་ཆུ་བསྲེས་རྣམས།། དུས་མེད་ཟས་ཚོད་མ་ཟིན་འཇུ་བ་དཀའ།། གྱུར་ཚུལ་རྒྱུ་དང་རྐྱེན་དུ་ལྡན་པ་ཡིས།། བད་མཁྲིས་རླུང་གིས་འཇུ་བའི་མཐུ་ཉམས་ཏེ།། མྱགས་བྱེད་བད་ཀན་དག་གིས་མྱག་མ་ནུས།། འཇུ་བར་བྱེད་པའི་མཁྲིས་པས་འཇུ་མ་ནུས།། མེ་མཉམ་རླུང་གིས་དངས་སྙིགས་འབྱེད་མ་ནུས།། དེ་ལས་མ་ཞུ་ཞེས་སུ་བརྗོད་པ་ཡིན།། མ་ཞུའི་དབང་གིས་ཕོ་བའི་བད་ཀན་འཕེལ།། བེ་སྣབས་དེ་ཡིས་རླུང་རྒྱུའི་རྩ་སྦུབས་བཀག། ལྷེན་དང་ལྕགས་དྲེག་མེ་དྲོད་ཉམས་ལ་སོགས།། གཅོང་ནད་མ་ལུས་སྐྱེད་པར་བྱེད་པ་ཡིན།། དར་ལ་བབ་ཅིང་སྟོབས་ལྡན་མེ་དྲོད་ཆེ།། ལུས་ངག་བྲེལ་ཞིང་སྣུམ་བག་རྒྱུན་དུ་ཟ།། མི་འཕྲོད་ཟས་ལ་གོམས་སམ་བྲིད་ནས་སློབ།། དེ་ལ་དུས་ཀུན་མ་ཞུ་འབྱུང་མི་འགྱུར།།དབྱེ་བ་རྫས་དང་ངོ་བོ་རིགས་གྲོགས་དུས།། རྫས་ཀྱིས་དབྱེ་ན་གྱོང་རླན་སྣུམ་དང་གསུམ།། གྱོང་ནི་རྩམ་པ་སྔོ་ངད་ཤ་རིད་དོ།། རླན་ནི་ཆང་ཆུ་འོ་མ་ཞོ་དར་ཇ།། སྣུམ་ནི་རྩི་མར་འབྲུ་མར་ཚིལ་ཞག་རྐང་།། རླན་སྣུམ་མ་ཞུ་ཕལ་ཆེར་ཉེས་པ་ཆེ།། ངོ་བོས་དབྱེ་ན་སྙིགས་མ་དངས་མ་གཉིས།། དེ་ལ་སྙིགས་མ་མ་ཞུ་ཞེས་བྱ་བ།། ཁ་ཟས་མ་ཞུ་རང་སར་ཕོ་ལོང་ལས།། བད་ཀན་བེ་སྣབས་འཕེལ་བས་གཏུམས་ནས་གནས།། རྙིངས་ནས་སྙིགས་མ་འདྲིལ་བའི་ཟས་སྐྲན་འགྱུར།། མེ་མཉམ་རླུང་གིས་དངས་སྙིགས་མ་ཕྱེད་པའི།། སྙིགས་མ་དངས་མའི་རྩ་མིག་ཤོར་བ་ཡིས།། མདངས་སྒྱུར་མཁྲིས་པས་ཟུངས་ཁྲག་མ་སྨིན་ཏེ།། ཡུན་རིང་མཆིན་གནས་དངས་མ་མ་ཞུ་ཡིན།། རྙིངས་ནས་དངས་མ་འདྲིལ་ཟགས་བྱེར་འགྱིངས་བཞི།། འདྲིལ་བས་སྐྲན་རྣམས་སྐྱེད་པར་བྱེད་པ་སྟེ།། ཟགས་པས་སྐྱ་རྦབ་དམུ་ཆུ་སྐྱེད་པར་བྱེད།། བྱེར་བས་དུག་མཛེ་མེ་དབལ་འོར་དུ་ལྷུང་།། འབྲས་དང་སུར་ཡ་དྲེག་དང་གྲུམ་བུ་དང་།། མིག་སེར་རྩ་སྐྲན་རྐང་བམ་དུ་མར་འགྱུར།། འགྱིངས་པས་སྨུག་པོ་རྒྱས་གབ་མཆེར་པའི་ནད།། ནད་རྣམས་ཕལ་ཆེར་དངས་མ་མ་ཞུས་སྐྱེད།། རིགས་ཀྱིས་དབྱེ་ན་བེ་སྣབས་བསུད་ནད་དང་།། མ་ཞུ་ཤིང་འདྲ་དུག་འདྲ་རྣམ་པ་བཞི།། གྲོགས་ཀྱིས་དབྱེ་ན་རླུང་མཁྲིས་བད་ཀན་གསུམ།། དུས་ཀྱིས་དབྱེ་ན་གསར་རྙིང་གཉིས་སུ་འགྱུར།། ངོས་འཛིན་རྟགས་ལ་སྤྱི་དང་བྱེ་བྲག་གཉིས།། སྤྱི་རྟགས་དྲི་མ་འགག་གམ་དུས་མིན་འབྱུང་།། འོག་རླུང་འགྱུ་དཀའ་འཁྱིལ་ཞིང་ཁོང་པ་སྦོ།། སྐབས་སུ་འགྱིངས་རྗེས་བུངས་ཆེར་འཁྲུ་བར་འགྱུར།། དངས་སྙིགས་འདྲེས་པས་བཤང་གཅི་ཞག་ཅན་འཁྲུ།། ཁོང་སྙོམ་ལུས་ལྕི་ཡི་ག་ལྡོག་པར་བྱེད།། ཟོས་དུས་ན་ཞིང་སྒྲེག་ལ་མགོ་བོ་ན།། བྱེ་བྲག་རྟགས་ལ་སྙིགས་མ་མ་ཞུ་ན།། ཁ་མངལ་ཕོ་བ་འཚིང་ལ་སྒྲེག་ཅིང་སྐྱུག། གང་མ་ཞུ་བའི་ཟས་དེ་ཁྱད་པར་གནོད།། གོམས་པར་ཟོས་སམ་རྙིངས་ནས་དེ་ལྟར་མིན།། མིག་དང་གདོང་པ་རྐང་བོལ་གཡོ་བར་བྱེད།། དངས་མ་མ་ཞུ་ཁོང་སྙོམ་ཡི་ག་འགག། སྒྲེག་མང་ཤ་སྐམ་སྙིང་ག་རྩིབ་ལོགས་ན།། མ་ཞུ་བེ་སྣབས་བད་ཀན་འཕེལ་བ་ཡིས།། སྟེང་འོག་མེ་མཉམ་རླུང་རྒྱུའི་ལམ་བཀག་པས།། ཁོང་སྦོ་ཐེར་ཟུག་ན་ལ་འོག་རླུང་སྡོམ།། སྒྲེག་པ་མི་ཐོན་མ་ཞུ་ཀུན་གྱི་རྒྱུ།། མ་ཞུ་བསུད་ནད་ཅེས་བྱ་བེ་སྣབས་དེས།། ཐུར་སེལ་ལམ་བཀག་གྱེན་དུ་ལོག་པ་ཡིས།། དབུགས་ངན་སྲི་ཞིང་དྲི་མ་སྐམ་པ་དང་།། བྲང་ཚ་ཆུ་ཚན་འོང་ཞིང་སྒྲེག་པ་བསུད།། མཆིན་དྲི་ན་ཞིང་མཇུག་ཏུ་སྨུག་པོར་འགྱུར།། མ་ཞུ་ཤིང་འདྲ་ཞེས་བྱ་བེ་སྣབས་དེས།། སྟེང་འོག་རྒྱུ་བ་རླུང་གི་ལམ་བཀག་པས།། མེ་མཉམ་མཆིན་མཆེར་རྩིབས་ལོགས་རྩ་ནང་ཞུགས།། དགྱེ་དགུ་མི་ཤེས་ནང་དུ་ཤིང་བཅུག་འདྲ།། གར་ཞུགས་གཟེར་ཞིང་གླང་ཐབས་འབྱུང་བ་ཡིན།། དུག་འདྲ་དངས་མ་མ་ཞུ་རྩ་མིག་བྱེར།། རྩ་ནང་ཀུན་ཏུ་དངས་མ་ཆགས་ཤིང་ཞེན།། དུག་ནད་ལྟ་བུར་ཤ་ལུས་སྔོ་ཞིང་སྐམ།། ཤེད་ཆུང་ཟོས་རྗེས་མི་བདེ་དང་ག་ཞན།། ཚ་ཆེས་གྲང་ཆེས་གཉིས་ཀ་མི་བཟོད་ན།། མ་ཞུའི་རྣམ་པ་གང་ཡང་རླུང་ལྡན་ཚེ།། ཁོང་སྦོ་འདར་དང་མགོ་འཁོར་ཡན་ལག་རེངས།། མཁྲིས་ལྡན་ཁོང་ཚ་དྲི་ཆེ་འཁྲུ་བ་སེར།། སྒྲེག་སྐྱུག་སྐོམ་དད་ཆེ་ཞིང་རིམས་ཀྱིས་འདེབས།། བད་ཀན་ལྡན་པ་མཆིལ་མ་འབྱར་བག་མང་།། ལུས་ལྕི་སེམས་བྱིང་སྒྲེག་སྐྱུག་ཟས་མི་ཞིམ།། དུས་

X