//不能复制 // >
ཁྱེད་ཀྱི་གནས་ཡུལ། > གཙོ་ངོས། > ཡིག་ཚགས། > གསོ་རིག་རྒྱུད་བཞི། > མན་ངག་རྒྱུད། > ནང་དོན།

ལེའུ་བཅུ་གཉིས་པ། ཚ་བ་སྤྱི་བཅོས་པ།

ཇུས་འགོད་པ། zhuomacao རྩོམ་སྒྲིག་པ། དུས་ཚོད། 2016-05-26 10:17:51 ཀློག་གྲངས། 8 

      དེ་ནས་ཡང་དྲང་སྲོང་ཡིད་ལས་སྐྱེས་ཀྱིས་འདི་སྐད་ཅེས་ཞུས་སོ།། ཀྱེ་དྲང་སྲོང་ཆེན་པོ་རིག་པའི་ཡེ་ཤེས་ལགས།། ཚ་བ་གསོ་བའི་སྐབས་ལ་ཇི་ལྟར་བསླབ་པར་བགྱི།། ཚ་བའི་ནད་རྣམས་རྒྱུ་རྐྱེན་གང་ལས་བྱུང་།། ཚ་བའི་ངོ་བོ་ཇི་ལྟར་གནས་པ་ལགས།། ཚ་བ་ཞེས་བྱའི་མིང་དུ་ཅི་ཕྱིར་བཏགས།། ཚ་བའི་ནད་ལ་དབྱེ་ན་དུ་ཞིག་མཆིས།། ཚ་བའི་རྟགས་དང་བཅོས་ཐབས་ཇི་ལྟར་ལགས།། འཚོ་མཛད་སྨན་པའི་རྒྱལ་པོས་བཤད་དུ་གསོལ།། ཞེས་ཞུས་པས། དྲང་སྲོང་ཆེན་པོ་རིག་པའི་ཡེ་ཤེས་དེས་འདི་སྐད་ཅེས་གསུངས་སོ།། ཀྱེ་དྲང་སྲོང་ཆེན་པོ་ཡིད་ལས་སྐྱེས།། ཚ་བ་གསོ་བའི་སྐབས་ལ་བསླབ་བྱ་ན།། ནད་གཞིའི་དབྱེ་བ་རྣམ་པ་དཔག་མེད་ཀུན།། མདོ་རུ་བསྡུས་པས་ཚ་གྲང་གཉིས་སུ་འདུས།། ཚ་བའི་ནད་དར་སྣ་མང་འཁྲུལ་སོ་ཆེ།། ངོས་བཟུང་བཅོས་དཀའ་རྒྱས་སླ་མྱུར་སྲོག་འཕྲོག། འདི་ཤེས་གྲང་ནད་ཞར་ལ་ཤེས་འགྱུར་བས།། དེ་ཕྱིར་ཁྱོད་ཀྱིས་ཞུས་པ་ཤིན་ཏུ་ལེགས།། ཀྱེ་དྲང་སྲོང་ཆེན་པོ་མ་ཡེངས་གུས་པས་ཉོན།། དང་པོ་ཚ་བའི་ནད་དེའི་རྒྱུ་བསྟན་པ།། རིང་བའི་རྒྱུ་དང་ཉེ་རྒྱུ་རྣམ་པ་གཉིས།། རིང་རྒྱུ་མ་རིག་ལས་བྱུང་ཞེ་སྡང་སྟེ།། མ་རིག་དབང་གིས་ཉོན་མོངས་དུག་ལྔར་སྨིན།། དེ་ལས་ཞེ་སྡང་མཁྲིས་པ་སྐྱེད་རྒྱུ་ཡིན།། ཅི་ཕྱིར་མ་རིག་མེད་ན་ཉོན་མོངས་མེད།། ཉོན་མོངས་མེད་པར་ཞེ་སྡང་མི་འབྱུང་སྟེ།། ཞེ་སྡང་མེད་པར་ཚ་བ་འབྱུང་མི་སྲིད།། ཉེ་རྒྱུ་རྣམ་པར་མ་གྱུར་མཁྲིས་པ་ཉིད།། ཅི་ཕྱིར་མཁྲིས་པ་ཚ་ལ་རྣོ་བ་དེ།། ཐང་ལ་ལྷག་པས་གནོད་བྱ་སྲེག་པའི་ཕྱིར།། ཚ་བ་ཀུན་གྱི་རྒྱུ་ནི་མཁྲིས་པ་ཡིན།། མཁྲིས་པ་མེད་པར་ཚ་བ་འབྱུང་མི་སྲིད།།དེ་ལྟར་རྣམ་པར་མ་གྱུར་མཁྲིས་པ་དེ།། འཕེལ་བྱེད་རྣམ་པར་འགྱུར་བའི་རྐྱེན་བཞི་སྟེ།། དུས་དང་གདོན་དང་ཟས་དང་སྤྱོད་ལམ་མོ།། སྤྱི་རུ་དུས་བཞི་དམན་ལྷག་ལོག་པ་དང་།། ཁྱད་པར་སྟོན་ཚད་དཔྱིད་ཚད་ཚ་བའི་རྐྱེན།། གདོན་ནི་དྲག་པོ་ཁྲོས་པ་དཔྲལ་བའི་མིག། མ་མོ་མཁའ་འགྲོ་རྦད་འཁྲུགས་རྒྱུ་ལས་བྱུང་།། ཟས་ནི་ཚ་སྐྱུར་ལན་ཚ་བྲོ་བའི་རོ།། ཤ་ཆང་བུ་རམ་དྲོད་བཅུད་བསྟེན་དྲགས་སློང་།། སྤྱོད་ལམ་འཇུག་རྗེས་དྲག་པོའི་ལས་བྱས་ཤིང་།། ཚད་དགུང་གཉིད་ལོག་བང་འགྲོས་ཉེན་པ་དང་།། མི་ཐེག་ཁུར་དང་ས་སྲན་བརྐོས་པ་དང་།། གཞུ་སྲན་བཀང་དང་འཛིང་ག་བཀྱེ་བ་དང་།། རྟ་ཡིས་བརྡབས་དང་གཡང་དུ་ལྷུང་བ་དང་།། ཐིབས་འོག་ཚུད་དང་རྡོ་དབྱུག་བརྡུངས་ལ་སོགས།། ལར་ན་དྲག་ཤུལ་ཅན་གྱིས་སློང་བར་བྱེད།། དེ་རྣམས་ཚ་བ་སྤྱི་ཡི་རྐྱེན་གྱུར་ཀྱང་།། དུས་གདོན་གཉིས་ཀྱིས་མ་བསྐྱེད་རིམས་མི་འབྱུང་།། ཟས་སྤྱོད་གཉིས་ཀྱིས་མ་བསྐྱེད་འཁྲུགས་མི་འབྱུང་།། སྤྱོད་ལམ་དག་གིས་མ་བསྐྱེད་འགྲམས་མི་འབྱུང་།། ཁ་ཟས་ཁྱད་པར་དུག་ཚད་རྐྱེན་དུ་འགྱུར།། དེ་དཔེ་མེ་ལ་ཤིང་བསྣན་རླུང་བསྐྱོད་འདྲ།། རྐྱེན་བཞིས་མཁྲིས་ཚད་བསྐྱོད་པས་ཚ་བར་འགྱུར།། དེ་ལ་ཚ་བ་ཞེས་བྱའི་ངོ་བོ་ནི།། མཁྲིས་པའི་མེ་དྲོད་ཐང་ལ་ལྷག་པ་ཡིན།། ཅི་ཕྱིར་མཁྲིས་པ་སྣུམ་བཅས་རྣོ་ཞིང་ཚ།། ཡང་ཞིང་དྲི་མནམ་འཁྲུ་ཞིང་གཤེར་བ་དེ།། ཐང་ལ་ལྷག་པའི་པསཚ་བའི་རྟགས་སུ་འབྱུང་།། གདོང་སྣུམ་མྱུར་སྨིན་དྲོད་ཆེ་ཟློག་དཀའ་ཡང་།། དྲི་ཆེ་འཁྲུ་ཞིང་གཏར་ཁྲག་ལུད་པ་སླ།། འདི་རྟགས་འབྱུང་ཕྱིར་ཚ་བར་ཤེས་པར་བྱ།། ཚ་བའི་རྒྱུ་མཚན་གནོད་བྱ་སྲེག་པ་སྟེ།། གནོད་བྱ་ལུས་ཟུངས་བདུན་དང་དྲི་མ་གསུམ།། འདི་དག་ཐལ་བར་སྲེག་པ་མ་ཡིན་ཀྱང་།། ཚ་བའི་དྲོད་ཀྱིས་བསྲུལ་བས་སྲོག་འདོར་བྱེད།། དེ་ཕྱིར་སྲེག་ཅེས་བྱ་བར་བཤད་པ་ཡིན།། ཚ་བའི་དབྱེ་བ་རྟེན་དུས་ཉེས་པ་དང་།། གནས་ས་རྒྱུ་དང་གནས་སྐབས་རིགས་ཀྱིས་དབྱེ།། རྟེན་གྱིས་དབྱེ་བ་བྱིས་པ་དར་མ་རྒན།། དུས་ཀྱིས་དབྱེ་ན་གསར་དང་རྙིང་པ་གཉིས།། ཉེས་པས་དབྱེ་ན་རླུང་མཁྲིས་བད་ཀན་དང་།། ཁྲག་དང་ཆུ་སེར་ཚ་བ་རྣམ་པ་ལྔ།། གནས་ཀྱིས་དབྱེ་ན་ཕྱི་ནང་བར་དང་གསུམ།། ཤ་ལྤགས་རྩ་རུས་དོན་སྣོད་ལ་གནས་པའོ།། རྒྱུད་ཀྱིས་དབྱེ་ན་རང་རྒྱུད་གཞན་རྒྱུད་ཅན།། རང་རྒྱུད་ཅན་དེ་རྐྱང་པ་རང་རྟགས་གསལ།། གཞན་རྒྱུད་ཅན་ལ་ལྡན་ཚད་འདུས་ཚད་གཉིས།། གནས་སྐབས་དབྱེ་བ་རྣམ་པ་དྲུག་ཡིན་ཏེ།། མ་སྨིན་རྒྱས་སྟོངས་གབ་རྙིངས་རྙོགས་པ་འོ།། རིགས་ཀྱིས་དབྱེ་ན་འགྲམས་འཁྲུགས་རིམས་དུག་བཞི།། ཚ་བའི་རྟགས་ལ་འགྱུར་མེད་ངོས་བཟུང་དང་།། སྤང་བླང་མུ་བཞི་ཁ་དམར་གདགས་པ་འོ།། དང་པོ་ངོས་བཟུང་སྤྱི་དང་བྱེ་བྲག་གཉིས།། སྤྱི་ཡི་རྟགས་ལ་ཕྱི་ནང་གསང་བ་གསུམ།། ཕྱི་རྟགས་སློང་བ་རྒྱུ་རྐྱེན་སྒོ་ནས་བརྟག། ནང་རྟགས་མཚན་ཉིད་རྟགས་ཀྱི་སྒོ་ནས་བརྟག། གསང་རྟགས་ཕན་གནོད་སྒོ་ནས་བརྟག་པ་འོ།། སློང་བ་རྒྱུ་རྐྱེན་སྒོ་ནས་བརྟག་པ་ནི།། གོང་རྐྱེན་ཟས་སྤྱོད་རྗེས་ལས་ཤེས་པར་བྱ།། མཚན་ཉིད་རྟགས་ཀྱི་སྒོ་ནས་བརྟག་པ་ནི།། ཚ་བའི་རྩ་ནི་མགྱོགས་རྒྱས་གྲིམས་པ་ཡིན།། ཆུ་མདོག་དམར་སེར་དྲི་དུགས་རླངས་པ་ཆེ།། མགོ་ན་ཤ་ཚ་ཁ་རོ་སྐྱུར་ལ་ཁ།། ལྕེ་སྟེང་བད་ཀན་ཆེ་ལ་སྣ་སྒོ་སྐམ།། མིག་སྤྲིན་དམར་སེར་གཟེར་བ་གཅིག་ཏུ་འདྲིལ།། ལུད་པ་དམར་སེར་ཚ་བྲོ་སྐོམ་དད་ཆེ།། ཁྲག་མཁྲིས་འཁྲུ་སྐྱུག་རྔུལ་ཆེ་དྲི་མ་མནམ།། ནུབ་གཉིད་ཆུང་ལ་ཉིན་པར་གཉིད་མི་ཐུབ།། ཉིན་དགུང་མཚན་དགུང་ཞུ་བའི་དུས་ན་ལྡང་།། དེ་དག་མཁྲིས་པའི་མེ་དྲོད་འཕེལ་རྟགས་ཡིན།། ཕན་གནོད་བསྟེན་པའི་སྒོ་ནས་བརྟག་པ་ནི།། ཟས་སྤྱོད་སྨན་དཔྱད་ཆུ་བཞི་བསྟེན་པ་ཡིས།། འཕྲོད་དང་མི་འཕྲོད་གོམས་པས་ངེས་པ་རྙེད།། ཚ་བ་བྱེ་བྲག་སོ་སོའི་མི་འགྱུར་རྟགས།། སྤྱི་རྟགས་དེ་དག་ཀུན་ལ་

X