//不能复制 // >
ཁྱེད་ཀྱི་གནས་ཡུལ། > གཙོ་ངོས། > ཡིག་ཚགས། > གསོ་རིག་རྒྱུད་བཞི། > མན་ངག་རྒྱུད། > ནང་དོན།

ལེའུ་ཉེར་གསུམ་པ། རིམས་ཀྱི་ཚ་བ་བལ་ནད་བཅོས་པ།

ཇུས་འགོད་པ། zhuomacao རྩོམ་སྒྲིག་པ། དུས་ཚོད། 2016-05-26 10:54:44 ཀློག་གྲངས། 18 

      དེ་ནས་ཡང་དྲང་སྲོང་ཡིད་ལས་སྐྱེས་ཀྱིས་འདི་སྐད་ཅེས་ཞུས་སོ།། ཀྱེ་དྲང་སྲོང་ཆེན་པོ་རིག་པའི་ཡེ་ཤེས་ལགས། རིམས་ཞེས་བྱ་བའི་རྒྱུ་རྐྱེན་གང་ལས་བྱུང་།། ངོ་བོ་རྒྱུ་མཚན་ཅི་ལས་མིང་དུ་བཏགས།། རིམས་ལ་དབྱེ་བའི་ནད་རིགས་དུ་ཞིག་མཆིས།།མངོན་ཚུལ་མི་འགྱུར་རྟགས་ནི་ཇི་ལྟར་འོང་།། དེ་ལ་བཅོས་ཐབས་རྣམ་པ་དུ་ཡིས་བཅོས།། འཚོ་མཛད་སྨན་པའི་རྒྱལ་པོས་བཤད་དུ་གསོལ།། ཞེས་ཞུས་པ་ལས།། དྲང་སྲོང་རིག་པའི་ཡེ་ཤེས་དེས་འདི་སྐད་ཅེས་གསུངས་སོ།།ཀྱེ་དྲང་སྲོང་ཆེན་པོ་ཡིད་ལས་སྐྱེས།། རིམས་ཞེས་བྱ་བའི་ནད་འབྱུང་རྒྱུ་རྐྱེན་ནི།། ལྔ་བརྒྱ་དུས་ཀྱི་ཐ་མར་གྱུར་ཙ་ན།། མི་རྣམས་འདོད་པའི་དབང་གིས་ལོག་པར་སྤྱོད།། སྔགས་པ་རྣམས་ནི་རྡོ་རྗེའི་ནང་དམེ་དར།། དགེ་འདུན་བཙུན་པ་རྣམས་ནི་སྡེ་འཁྲུག་བྱེད།། མུ་སྟེགས་བན་བོན་རྣམས་ནི་ཟོར་ཁ་འཕེན།། སྐྱེ་བོ་རྣམས་ནི་མནའ་ཐབ་ཤན་དམར་བྱེད།། དེ་དུས་མ་མོ་མཁའ་འགྲོ་ཀུན་འཁྲུགས་ཏེ།། ནད་ཀྱི་ཁ་རླངས་སྤྲིན་དུ་ཆགས་པ་ལས།། བལ་ནད་རྒྱུ་གཟེར་གག་ལྷོག་འབྲུམ་ནག་འབྱུང་།། གཞན་ཡང་དུས་བཞིའི་འབྱུང་བ་དམན་ལྷག་ལོག། དྲག་ཤུལ་དྲི་དུགས་ཁྲོ་འཇིགས་མྱ་ངན་འདོད།། ཁ་ཟས་མ་སྙོམས་པ་ཡིས་རིམས་སུ་འགྱུར།། རྒྱུ་རྐྱེན་དེ་ཡིས་མཁྲིས་པའི་མེ་དྲོད་བསླང་།། རྔུལ་ལ་བབས་ནས་བད་ཀན་མཁྲིས་པ་རླུང་།། འཇུག་སྒོ་དྲུག་ཏུ་རིམ་པས་འཇུག་པའམ།། དྲིས་ཕོག་ཡམས་སུ་རིམས་ཀྱིས་འགོས་པའི་ཕྱིར།། རིམས་ཞེས་བྱ་བའི་རྒྱུ་མཚན་མིང་དུ་བཏགས།།དབྱེ་བ་བལ་ནད་འབྲུམ་བུ་རྒྱུ་གཟེར་དང་།། གག་ལྷོག་ཆམ་པའི་རིམས་དང་རྣམ་པ་ལྔ།། དེ་ལ་ཕྱི་མ་བཞི་པོ་འོག་ཏུ་སྟོན།། བལ་ནད་དབྱེ་བ་རྣམ་པ་གསུམ་ཡིན་ཏེ།། བབས་ས་གནས་དང་སྦྱར་ཏེ་དབྱེ་བ་དང་།། རིམ་པ་དུས་དང་སྦྱར་ཏེ་དབྱེ་བ་དང་།། ནད་གཞི་རིགས་དང་སྦྱར་ཏེ་དབྱེ་བ་གསུམ།། དེ་ལ་རླུང་མཁྲིས་བད་ཀན་འདུས་པ་དང་།། གཉན་རིམས་ཞེས་བྱ་རྣམ་པ་ལྔ་རུ་བཤད།། འདར་བུ་ཡེར་བུ་རླུང་གི་རིམས་ཡིན་ཏེ།། ལེ་བརྒན་ཀླད་གཟེར་ཞེས་བྱ་མཁྲིས་པའི་རིམས།། རྨོངས་བུ་ལྐུགས་པ་བད་ཀན་རིམས་སུ་བཤད།། འདུས་རིམས་དབྱེ་བ་རྒྱུན་རིམས་རྟག་པའི་རིམས།། ཉིན་གཅིག་ཉིན་གསུམ་ཉིན་བཞི་རྣམ་པ་ལྔ།། མཁྲིས་པ་རྩར་རྒྱུག་རིམས་དང་ཀླད་གཟེར་དང་།། རིམས་སྨྱོན་ཏྲེ་ཏྲེ་ཧོས་སུ་བཏགས་པ་གསུམ།། དོན་མཐུན་གཉན་རིམས་མིང་གི་རྣམ་གྲངས་ཡིན།།རྟགས་ལ་སྤྱི་དང་བྱེ་བྲག་རྣམ་པ་གཉིས།། སྤྱི་ལ་མ་སྨིན་རྒྱས་དང་སྟོངས་པ་གསུམ།། དང་པོ་མ་སྨིན་རིམས་ཀྱི་མངོན་ཚུལ་ནི།། ཕྲུམ་སེར་ཡུན་རིང་མགོ་རྐང་ཚིགས་གཞི་ན།། ལུས་ལྕི་སྒྱིད་སྐྱུར་རྨི་ལམ་ཟ་ཟི་མང་།། གཡལ་མང་རྣ་བ་འཐིབས་ལ་ཤེས་པ་མྱོས།། ཉི་མ་སྙེག་ཅིང་ཁྱད་པར་སྲོད་ལ་ན།། ཁ་ཁ་མགོ་བོ་ན་ཞིང་དང་ག་འགག། རྩ་རྒྱུད་ཕྲ་མགྱོགས་གཡོ་ཞིང་ཆུ་མདོག་རྙོག། བར་དུ་རིམས་རྒྱས་ལུས་ལྕི་རྔུལ་དྲི་མནམ།། མིག་མདངས་དམར་སེར་ལྕེ་མཆུ་སོ་དྲེག་ཆགས།། མགོ་ན་སྐོམ་དད་ཆེ་ལ་ཤེས་པ་གཡུང་།། ཆུ་དམར་དྲི་མ་དུགས་ལ་ཀུ་ཡ་མཐུག། རྩ་རྒྱུད་ཕྲ་ལ་གྲིམས་ཤིང་མྱུར་དུ་འཕར།། ཐ་མར་ཞུ་འཁྱགས་མཚམས་སླེབ་སྟོངས་པའི་རྟགས།། དཔྱི་དང་རྐེད་པ་རུས་རྐང་ཁྱད་པར་ན།། ལུས་རྔུལ་གཉིད་ཆུང་མགོ་འཐོམ་རྣ་བ་འུར།། ལྕེ་ནི་དམར་རྩུབ་སྐམ་ལ་སྟོང་སྐྱུགས་བྱེད།། སྨྲ་འཆལ་སྐབས་སུ་འདར་ཞིང་ཕྱི་དྲོད་ཆེ།། བྱེ་བྲག་རྟགས་ལ་རྣམ་པ་གསུམ་ཡོད་དེ།། དང་པོ་བབས་ས་གནས་ཀྱིས་བརྟག་པ་ནི།། ཐོག་མར་སྐྱི་དང་བ་སྤུར་འབབ་པ་སྟེ།། ཤེད་ཆུང་སྒྱིད་སྐྱུར་ལུས་བརྩེ་བ་སྤུ་ལྡང་།། དེ་ནས་ལྤགས་ལ་བབས་ཏེ་ཕྲུམ་སེར་ཁྱེར།། མགོ་རྐང་ཚིགས་གཞི་ན་ཞིང་ཉི་མ་སྙེག། དེ་ནས་རྩ་ལ་བབས་ཏེ་རྩ་ཚད་སྐྱེ།། རྩ་འཁྱུག་ཤེས་པ་བྱིང་ལ་སྐོམ་དད་ཆེ།། ཁ་ཁ་ཆུ་མདོག་དམར་ལ་རྙོག་པའོ།། དེ་ནས་ཤ་ལ་བབས་ཏེ་མགོ་བོ་འཐོམ།། ལུས་ལྕི་ཤ་ཚ་བསིལ་འདོད་ཤེས་པ་ཉོག། དེ་ནས་སྣོད་དུ་བབས་ཏེ་དང་ག་འགག། དྲི་མ་འཁྲུ་སྐམ་ལྕེ་ལ་བད་ཀན་ཆགས།། དེ་ནས་དོན་ལ་བབས་ཏེ་རྩ་ཆུ་ཚ།། ལྕེ་སྐམ་ཟ་ཟི་སྨྲ་ལ་སྐོམ་དད་ཆེ།། དེ་ནས་གཞུག་ཏུ་རུས་ལ་བབས་པའི་རྟགས།། སྣ་བུག་ཁ་ལྕེ་སྐམ་ལ་སོ་དྲེག་ཆགས།། རྩ་སྟོངས་རྣ་བ་འོན་ལ་ཤེས་པ་ཉོག། རིམ་པ་དུས་ཀྱི་སྒོ་ནས་བརྟག་པ་ནི།། དང་པོ་ཞག་གསུམ་བད་ཀན་དུས་ཡིན་ཏེ།། ཚ་བ་མགོ་ལ་བབས་པས་མགོ་བོ་ན།། ཉྭ་དང་ཚིགས་གཞི་ན་ཞིང་ཕྲུམ་སེར་ཁྱེར།། གཡལ་མང་སྒྱིད་སྐྱུར་སྐྱུག་ཅིང་ཉི་མ་སྙེག། ཚ་བ་མ་སྨིན་དངས་སྙིགས་དབྱེ་བའི་དུས།། དེ་ནས་ཞག་གསུམ་མཁྲིས་པའི་དུས་ཡིན་ཏེ།། ཚ་བ་དབང་པོའི་སྒོར་བབས་ཁ་ཁ་ལ།། ལྕེ་ལ་བད་ཆེ་སོ་མཆུ་དྲེག་པ་ཆགས།། སྣ་སྐམ་རྣ་བ་མི་གསང་མིག་ནག་ཆེ།། ཆུ་དམར་རྩ་གྲིམས་ཆུ་ལྟར་སྐེམ་པའི་དུས།། དེ་ནས་ཞག་གསུམ་ཁྲག་དུས་ཁྲག་ལ་བབས།། རྩ་དང་ཆུ་ཡི་ཚ་བ་གོང་བས་ཆེ།། ལྕེ་སྐམ་སྐོམ་དད་ཆེ་ལ་རྔུལ་དྲི་མནམ།། ལུས་ལྕི་ཚ་བ་དགྲ་ལྟར་བསད་པའི་དུས།། དེ་ནས་ཞག་གསུམ་རླུང་ཁྲག་འཐབ་པའི་དུས།། ཚད་པ་དོན་ལ་བབས་པས་བླ་འཆོལ་སྨྲ།། དྲན་པ་མི་གསལ་

X