//不能复制 // >
ཁྱེད་ཀྱི་གནས་ཡུལ། > གཙོ་ངོས། > ཡིག་ཚགས། > གསོ་རིག་རྒྱུད་བཞི། > མན་ངག་རྒྱུད། > ནང་དོན།

ལེའུ་སོ་ལྔ་པ། གློ་ནད་བཅོས་པ།

ཇུས་འགོད་པ། zhuomacao རྩོམ་སྒྲིག་པ། དུས་ཚོད། 2016-05-26 14:53:02 ཀློག་གྲངས། 10 

      དེ་ནས་ཡང་དྲང་སྲོང་རིག་པའི་ཡེ་ཤེས་ཀྱིས་འདི་སྐད་ཅེས་གསུངས་སོ།། ཀྱེ་དྲང་སྲོང་ཆེན་པོ་ཉོན་ཅིག། དོན་ལྔའི་བློན་པོ་གློ་ནད་གསོ་བ་ལ།། རྒྱུ་དང་དབྱེ་བ་རྟགས་དང་བཅོས་ཐབས་བཞི།།རྒྱུ་ནི་རླུང་མཁྲིས་བད་ཀན་ཁྲག་དང་ཆུ།། རུལ་སྐྱུར་ཟོ་མར་ཚྭ་དང་དུ་བ་དང་།། ཆམ་པ་འགྲམས་དང་དྲག་ཤུལ་རྣམས་ཀྱིས་བསྐྱེད།། དབྱེ་བ་ཐང་པོ་སྐྱ་རྦབ་ཚ་བ་དང་།། ཆུ་ཤོར་ཐེས་པོ་གློ་གཅོང་གློ་རྒྱས་དང་།། བུང་ཚང་ཅན་དང་རྣམ་པ་བརྒྱད་དུ་བཤད།། དེ་རྟགས་རླུང་གློ་ཐང་པོ་རྒྱུན་དུ་ལུ།། འགོགས་དཀའ་ལྦུ་གསོག་དགོངས་དང་ཐོ་རངས་མང་།། སྐྱ་རྦབ་གློ་མང་མིག་ལྕིབས་རྐང་བོལ་གཡོ།། ཚ་བ་ཚ་སུབས་ཚ་གཟེར་གཉིས་སུ་དབྱེ།། ཚ་སུབས་རྩ་ཆུ་ཚ་ལ་རོ་སྟོད་རྒྱངས།། ལུད་པ་ཚ་བྲོ་ལྦུ་ཆུང་མཁྲིས་པ་འོང་།། སྟོན་དུས་དྲག་ཤུལ་དྲོད་བཅུད་ཤིན་ཏུ་གནོད།། ཚ་གཟེར་ཉལ་བ་མི་བདེ་དབུགས་ཀྱིས་ཐེག། ལུད་པ་དམར་སེར་ལུ་ཞིང་སྐབས་སུ་གཟེར།། ཆུ་ཤོར་ངལ་ཆུ་གློ་ལ་ཤོར་བ་སྟེ།། སྟོད་རྒྱངས་མགོ་ན་མིག་སྤྲིན་སེར་པོར་འོང་།། དང་ག་མི་བདེ་གློ་མང་རྔམ་པས་ཐེག། ཤ་སྐམ་རྔུལ་མེད་གཏམ་བར་བཅད་ཅིང་སྨྲ།། གཞུག་ཏུ་ལུད་པ་ཤ་སྐྱོ་གློ་ལས་འཛག། ཐེས་པོ་ལུད་པ་སྔོ་ལྗོབ་མང་དུ་ལུ།། གྱེན་ལ་དབུགས་ཐེག་རོ་སྟོད་ལྕི་ལ་ཁེངས།། ལུད་པ་ཐོན་རྗེས་ཅུང་ཟད་བདེ་སྙམ་བྱེད།། གློ་གཅོང་ཤ་སྐེམ་ཤེད་ཆུང་འགུལ་མི་ནུས།། བྱི་ལའི་མགུལ་འདྲ་ཟས་སྨན་ཕན་སྐྱེད་ཆུང་།། གློ་རྒྱས་མིག་དམར་ལྕེ་མཆུ་མཁུར་ཚོས་སྨུག། སྐད་འཛེར་སྟོད་རྒྱངས་རྔམ་རྒོད་ལུད་པ་དམར།། བུང་ཚང་ལུད་པ་ཤེ་རུལ་རྣག་ཏུ་འབྱུང་།། ཡང་ན་སྔོན་པོ་ལྦུ་བ་ཅན་གསེབ་ཏུ།། ཉ་མིག་ལྟ་བུའི་རྣག་དང་འདྲེས་པར་ལུ།། སྤྱིར་ན་གློ་བ་བད་ཀན་ཡུལ་ཡིན་པས།། དབྱར་དུས་བདེ་ལ་དགུན་དུས་ན་བ་དང་།། ཉིན་པར་བདེ་ལ་མཚན་མོ་ན་བ་ཡིན།། དེ་རྣམས་བཅོས་ཐབས་རླུང་གློ་བསིལ་བཅུད་བསྟེན།། མངར་གསུམ་ཛཱ་ཏི་ཤིང་ཚ་སུག་སྨེལ་པི་པི་ལིང་པྲི་ཡངྐུ་བ་མར་གྱིལྡེ་གུ་འབྲས་བུའི་སྨན་མར་སྦྱར།། གསོ་བ་དཀའ་ལ་བཞི་ལྔ་མེ་ཡིས་བསྲེག། གློ་ནད་སྐྱ་རྦབ་སྟར་བུའི་ཛཱ་ཏི་སུག་སྨེལ་ཀ་ཀོ་ལ་ཤིང་མངར་ཨ་རུ་ལྕགས་ཕྱེ་སྦྲང་གིལྡེ་གུ་དང་།། ཅུ་གང་གུར་གུམ་ལི་ཤི་སུག་སྨེལ་ཤིང་མངར་ཨ་རུ་ལྕགས་ཕྱེ་སྦྲང་གི་ལྡེ་གུ་བྱ་མིག་ལྔ་པ་བསྲེག། ཚ་སུབས་ཙན་དན་བསིལ་གསུམ་ཨུཏྦལ་གླ་སྒང་རྒུན་འབྲུམ་ཤིང་མངར་དང་བརྒྱད་དང་ཨ་རུ་གི་ཝཾ་གུར་ཀུམ་ཅུ་གང་ཤིང་མངར་རྒུན་འབྲུམ་སྲོ་ལོ་སྤང་རྒྱན་འབུ་སུ་ཧང་དང་བཅུ་པ་དང་།། ཨ་ཀྲོང་སྟར་བུ་ཅུ་གང་གུར་ཀུམ་རུ་རྟ་ཤིང་མངར་ཙནྡ་བྱི་ཚེརབརྒྱད་དང་མར་གསར་ཤ་གསར་བསྟེན།། ཚ་གཟེར་དེ་བཞིན་བཅོས་ཤིང་གཏར་བ་བཟང་།། བཤལ་དང་ཆུ་ལྕག་ཉི་ཤུ་རྩ་ལྔ་སྦྱར།། ཆུ་ཤོར་ནད་ལ་ཤིང་མངར་ཡུང་བ་གཉིས།། སྔོན་དུ་བཏང་ལ་དེ་རྗེས་གློ་སྐྱུགས་བྱ།། ཤིང་མངར་འདམ་བུ་ཀ་ར་ལི་ག་དུར།། ཅུ་གང་གུར་ཀུམ་དོམ་མཁྲིས་ཙན་དན་རྣམས།། ཀ་ར་སྦྱར་བ་བཙོད་ཀྱི་ཁུ་བས་དབུལ།། རྗེས་ལ་སྲོ་ལོ་ག་དུར་འདམ་བུ་མཚལ།། བཅད་འབྱོར་གུར་ཀུམ་ཀ་ར་འོ་མས་དབུལ།། ཝ་ལ་སོགས་པའི་གློ་བ་སྣ་ཚོགས་བཏང་།། བད་ཀན་གློ་སྦུབས་ཞུགས་པའི་ཐེས་པོ་ལ།། སྤྱང་ཚེར་རི་ཤོ་དུར་བྱིད་ཁུ་བར་རྒྱམ་ཚ་པི་ལིང་བཏབ་པའིསྐྱུགས་ཀྱིས་ཕོ་བ་གློ་སྦུབས་བད་ཀན་སྦྱང་།། སྟར་བུ་པཉྪས་ལུད་པ་གྱེན་དུ་དྲང་།། རྗེས་ལ་མཱུ་ལ་ལྔ་མ་ནུ་གླ་སྒང་ག་དུར་སྒེ་གཤེར་བ་རུའམ་ཅུ་གང་ཤིང་ཚ་སུག་སྨེལ་པི་ལིང་སྦྲང་ངམ།། པི་པི་ལིང་གི་ལྡེ་གུ་བསྔགས་པ་ཡིན།། ཤ་གསར་མར་གསར་སྦྲང་རྩི་ལྡན་པ་བཏང་།། ཐེས་པོ་ལ་སོགས་གློ་ནད་རླུང་ལྡན་གང་།། བ་འོ་བཞོས་ཐོག་རླུང་དུས་བཏང་བར་བསྔགས།། གློ་གཅོང་གློ་མིག་ལུད་པའི་གཅོང་འདྲིལ་བས།། ཨ་ཀྲོང་ལུམས་སམ་སྨན་ཆུ་ཆུ་ལུམས་བསྟེན།། དེ་ནས་སྟར་བུ་པཉྪས་གྱེན་དུ་དྲང་།། ལུད་པ་སྐྱ་སྔོ་སྐམ་པོ་མང་ཐོན་འཚོ།། མ་ཐོན་ལུམས་དང་འདྲེན་སྦྱོར་བསྐྱར་ལ་སྦྱང་།། སྐབས་སུ་ཅུ་གང་ལྡེ་གུ་སྦྱར་བའམ།། ཕྱེ་མ་བ་འོ་སྦྱར་བ་རེ་ལུག་གི། གློ་བ་མ་སུངས་རྒྱངས་ཏེ་བཏང་བར་བྱ།། གླ་དགོ་བ་ཤ་གྲོ་ཆང་ཡོས་ཆང་བསྟེན།། གློ་རྒྱས་རྩེ་ཆུང་དྲུག་འགོ་མང་དུ་གཏར།། ལུད་པ་དམར་ན་རྒྱ་སྐྱེགས་འབྲི་མོག་བཙོད།། སྲོ་ལོ་དཀར་པོའི་བསྡུས་ཐང་ཡང་ཡང་བཏང་།། ཙན་དན་དཀར་དམར་ཅུ་གང་གུར་ཀུམ་བ་ཤ་སྤང་རྩི་སྲོ་ལོ་བོང་ང་ཀྱི་ལྕེ་ཨུཏྦལ་སྐྱུ་རུབཅུ་གཅིག་ཕྱེ་མ་ཐང་དེས་དབུལ།། རྗེས་ལ་གཏར་ཞིང་ཉི་ཤུ་རྩ་ལྔ་དམར་གསུམ་དང་མཚལ་བསྣན་ལསྦྱར།། ཅིས་ཀྱང་སྐྱེད་ཆུང་སྨུག་པོར་བྱེར་སྲིད་པས།། སྨུག་པོའི་ཁྲག་བཤལ་བཅོས་ཐབས་བསྔགས་པ་ཡིན།། ཁྲག་ཏུ་བརྡོལ་ན་པུཥྞཱི་སྲན་མའི་མེ་ཏོག་སྐྱེར་པའི་མེ་ཏོག་གུར་ཀུམ་དོམ་མཁྲིས་ཚོས་ཁུ་ལྔསྦྱོར་རམ།། ཀར་ཤ་པ་ནི་ལྔའི་ཐལ་བ་དོམ་མཁྲིས་གུར་གུམ་མཚལ་ཟབ་ཐལམདོངས་ཐལ་ལྔ་རྨ་བྱ་རྦབ་ཟེར་བྱ་མཚལ་ཕུག་རོན་སྒྲོ་འགྲོན་བུ་ཕུར་མོའི་ཐལ་བའི་སྦྱོར་བསྔགས།། མང་དུ་གཏར་ཞིང་རོ་སྟོད་ཆུ་ཡིས་བྲན།། ཟས་སྐོམ་བསིལ་བསྟེན་སྤྱོད་ལམ་དྲག་ཤུལ་སྡང་སྤང།། བུང་ཚང་རྣག་ཉུང་བསྐམས་པས་སྐོམས་སམ་བལྟ།། ཨ་ཀྲོང་ཙན་དན་སྐྱུ་རུ་རུ་རྟ་སྟར་བུ་བསིལ་གསུམ་ཤིང་མངར་བྱི་ཚེརབཅུ་པ་ཟངས་ཐལ་མུ་ཟི་ཤ་རུ་སྤེན་མ་སྲོ་ལོ་ཨ་ཀྲོང་སྦྱར་བ་དང་།། ཀླད་པ་ཝ་དང་སྲིན་བྱའི་མུ་ཟི་ཟབ་ཐལ་སྲོ་ལོ་ཅུ་གང་སྤང་རྒྱན་སྟར་བུའི་སྦྱོར་བ་རྣག་སྐེམས་གློ་གསོའི་མཆོག། ཉི་ཤུ་རྩ་ལྔ་ལ་གྭ་དོར་གསུམ་དང་དོམ་མཁྲིསམན་ངག་ལྡན་པས་སྦྱར།། རྣག་བུངས་ཆེ་འམ་བསྐམས་པས་མ་སྐོམས་ན།། སྟར་བུ་པཉྪ་པ་ཡག་རྩ་བ་བུལ་ཏོག་ལ་ཆ་འཁར་པོམན་ངག་ལྡན་པས་དྲང་།། རྣག་ཁྲག་འདྲེས་ན་ཤུ་མོ་ཟ་སྨན་བ་མར་གྱིས་འབྲི་མོག་གི་རྩི་སླངས་ལ་རྒྱ་སྐྱེགས་དང་བོང་ཡར་འོ་མ་ཕུལ་དོ་དོ་ཤུ་མོ་ཟ་ཚོམས་གཅིག་ལི་ཤི་ཀ་ར་སྦྱར་བམཆོག། ཅུ་གང་ཨ་ཀྲོང་ཀ་ར་ཨ་རུ་ར།། བོང་ཡར་འོ་སྦྱར་རེ་འུའི་གློ་བ་རྒྱངས།། གློ་གསོ་ཁྲག་ཏུ་ལུ་ལ་བསྔགས་པ་ཡིན།། ཝ་གློ་འོ་མར་ཨ་རུ་ཅུ་གང་མུ་ཟི་དོམ་མཁྲིས་ཤིང་མངར་སྦྲང་བོང་ཡར་འོ་མསྦྱར་ཞོ་དེ་བཞིན་ཤིས།། ཁྲག་མེད་རྣག་ཏུ་བྱུང་ན་རྣག་སྐྱུགས་ཀྱིསསྦྱང་བ་མཆོག། སྒོང་སྤྲིས་སྦལ་སྒོང་ལྟ་བུའི་རྣག་ཡུལ་འཐོན།། དེ་རྗེས་གློ་གསོ་ཁྲག་ཏུ་བྱུང་ན་བཅད།། རྣག་གཞུག་མ་ཐོན་ཟངས་ཐལ་ཝ་དང་སྲིན་བྱའི་ཀླད་པ་མུ་ཟི་སག་རམ་རྩི་སྲོ་ལོ་པི་ལིང་སླ་ངར་བསྲེགས་པ་དང་སྤེན་མ་ཤ་རུའི་ཐལ་བ་སྤངས་རྒྱན་ཀ་ར་སྦྲང་སྦྱོར་བ་དང་།། ཉི་ཤུ་རྩ་ལྔ་ལྟག་པ་སྤྲད་ལ་སྐམ།། རླུང་དང་ལྡན་ན་སྲོ་ལོའི་བྲེ་ཕྱེད་ལ་ཨ་རུ་ཉི་ཤུའི་སྨན་མར་ལ་བཟང་དྲུག་པི་ལིང་སྦྲང་སྨན་མར་སྦྱར།། གློ་མང་མི་འགོག་ཅུ་གང་བཞི་པཤིང་མངར་སྟར་བུ་རུ་རྟསབཅད།། ཅེས་གསུངས་སོ།། བདུད་རྩི་སྙིང་པོ་ཡན་ལག་བརྒྱད་པ་གསང་བ་མན་ངག་གི་རྒྱུད་ལས་གློ་ནད་བཅོས་པའི་ལེའུ་སྟེ་སོ་ལྔ་པའོ།། །།

X