//不能复制 // >
ཁྱེད་ཀྱི་གནས་ཡུལ། > གཙོ་ངོས། > ཡིག་ཚགས། > གསོ་རིག་རྒྱུད་བཞི། > མན་ངག་རྒྱུད། > ནང་དོན།

ལེའུ་སོ་དྲུག་པ། མཆིན་ནད་གསོ་བ།

ཇུས་འགོད་པ། zhuomacao རྩོམ་སྒྲིག་པ། དུས་ཚོད། 2016-05-26 14:53:38 ཀློག་གྲངས། 7 

      དེ་ནས་ཡང་དྲང་སྲོང་རིག་པའི་ཡེ་ཤེས་ཀྱིས་འདི་སྐད་ཅེས་གསུངས་སོ།། ཀྱེ་དྲང་སྲོང་ཆེན་པོ་ཉོན་ཅིག། བཙུན་མོ་ལྟ་བུ་མཆིན་པའི་གསོ་ཐབས་ལ།། རྒྱུ་དང་དབྱེ་བ་རྟགས་དང་བཅོས་ཐབས་བཞི།།རྒྱུ་ནི་ཚ་སྐྱུར་ཟས་དང་དྲག་ཤུལ་སྐྱེད།།དབྱེ་བ་ལེ་བརྒན་རྒྱས་དང་ལྡེམ་བུ་དང་།། དུག་ཐབས་ཆུ་ཤོར་རྐུན་བུ་འོར་ལྷུང་དང་།། ཁ་ལུད་གཞུང་རེངས་མཆིན་གྲུམ་ནག་པོ་དང་།། མཆིན་ནད་ཧལ་སྐེམ་མཆིན་དྲི་དཀར་ནག་དང་།། གནད་མཆིན་རྩ་བྱེར་མཆིན་རླུང་མཆིན་རྒུད་དང་།། རླན་གྲངས་གླང་དགུར་གྲང་སྦོས་བཅོ་བརྒྱད་དོ།། དེ་རྟགས་མཆིན་ནད་ལེ་བརྒན་རྒྱས་པ་དེ།། མཆིན་སྟེང་རྩིབ་ཐུང་གཡས་གཡོན་སྦོ་ཞིང་ན།། ལུས་དང་མཚོགས་མ་ལྕི་ཞིང་རོ་སྟོད་གཟེར།། སྟེང་བཏོན་རྡིབ་སྙམ་འོག་བཅུག་འབུགས་སྙམ་བྱེད།། ཙོག་པུར་འདུག་ན་ཐུར་ལ་འཐེན་པ་འདྲ།། ཤ་སེར་མཁལ་རྐེད་མི་བདེ་སྒྱིད་པ་འཁུམས།། མཆིན་ནད་ལྡེམ་བུ་ན་བ་མི་ཚོར་བར།། གཉིད་མེད་ཁོང་སྙོམ་ལུས་ལྕི་ཟས་མི་འདོད།། ཁྲག་འབྲོས་ཤ་དང་རུས་པ་ཁད་ཀྱིས་སྐམ།།དུག་ཐབས་མིག་དམར་གདོང་སྔོ་རྩིབ་སྟེང་ཟུག། ཕོ་མཆིན་གང་སྙམ་འཇུ་དཀའ་ཟོས་ཚེ་ན།། བྲུན་སྐམ་བོལ་གཡོ་མུར་གོང་མཐིལ་བཞི་སེར།། གཞུག་ཏུ་མཆིན་པ་རུལ་ནས་དུད་ཁུར་ལུ།། ཆུ་ཤོར་ཁོང་སྦོ་རོ་སྟོད་བརྫིས་ན་ཕན།། སྒལ་རེངས་མཆིན་པ་འཕྱོངས་ཤིང་གཡལ་མི་ཐོན།། ཕོ་མཆིན་སྟོངས་སྙམ་དྲོས་དྲགས་མགོ་བོ་ན།། རྐུན་བུ་རྐང་པ་གྲང་ལ་རོ་སྟོད་གཟེར།། མིག་གིས་ཡས་ལྕིབས་མི་ཐེགས་ཉམ་ཆུང་སྙ།། སྟོད་གང་དཔུང་མགོ་གཟེར་ལ་སྐེ་རྩ་རེངས།། ཁ་ཟས་ཟོས་ན་བག་རེ་ཕན་སྙམ་བྱེད།། འོར་ལྷུང་གཉིས་ལས་མཆིན་ཁྲག་རྐེད་པར་ལྷུང་།། རྐེད་པ་འཁོར་ཞིང་འགུལ་ན་ཟུག་ཆེ་གཟེར།། རྐང་པར་ལྷུང་ན་དཔྱི་སྦྲིད་སྐམ་ཁོལ་བྱེད།། རྐེད་པ་ཚ་ལ་ཆུ་རྒྱུས་ན་བར་འོང་།། ཁ་ལུད་གློ་དང་ཕོ་བར་ལུད་པ་གཉིས།། གློར་ལུད་སྟོད་རྫིངས་མིག་དམར་མཆན་འོག་གཟེར།། ཁྲག་ཏུ་ལུ་ཞིང་སྐབས་སུ་རྣག་ཁྲག་འཛག། ཕོ་བར་ལུད་ན་བསྡམས་ཤིང་གཟེར་ནས་ན།། དགྱེ་དགུ་མི་ཤེས་ཚ་ཙེག་སྒྲེག་པ་འོང་།། ལྡང་དུབ་ཆེ་ལ་གསུས་པ་ལྟར་མི་མངོན།། གཞུང་རེངས་རྐང་ལག་རེངས་ལ་ལྷུ་ཚིགས་ན།། དགྱེ་དགུ་མི་ཤེས་སྟོད་གཟེར་ལྟག་པ་དགྱེ།། མཆིན་གྲུམ་ནག་པོ་ལུས་ཀུན་བརྡུངས་སྙམ་བྱེད།། རྐང་བཤལ་འགུལ་ན་མི་བཟོད་སྒུར་པོར་འགྲོ།། ཧལ་སྐེམས་ལུས་པོ་ཟ་འདར་གཞོགས་གཡས་ལྕི།། མིག་མདངས་ཆུང་ཞིང་འཛུར་ལ་སྐོམ་དད་ཆེ།། མཆིན་དྲི་དཀར་པོ་ལྷེན་སྣ་གཡས་གཡོན་ན།། གཉིད་ཆེ་ཁ་སྐམ་རྩིབ་ལོགས་གཟེར་ནས་ན།། མཆིན་དྲི་ནག་པོ་སྲོག་རྩ་སྙིང་མི་བདེ།། ཁོང་པ་སྟོང་སྦོས་ལྷེན་སྣར་འདྲིལ་ནས་ན།། གནད་མཆིན་རྩ་བྱེར་སྟོད་གཟེར་ཐལ་གོང་ན།། སྟོད་གང་ཕོ་མཆིན་མི་བདེ་རྩེ་ཆུང་རེངས།། གློ་བྱུང་མཆིན་པ་འཕྱོངས་ལ་བཟོད་ཐབས་མེད།། བྱད་སྨུག་སྣ་ཁྲག་འཛག་ཅིང་ཅི་ཟོས་གནོད།། མཆིན་རླུང་གཡལ་བྱུང་རྗེས་ལ་མཆི་མ་འཛག། ཕོ་མཆིན་འདྲེས་སྙམ་བྱེད་ཅིང་ན་ལ་འཕྱོངས།། དགོངས་དང་ཐོ་རངས་ན་ཞིང་གྲངས་ན་སྐྱིག། མཆིན་རྒུད་ཟས་ཟོས་རྗེས་ལ་མཆིན་པ་ན།། ཉམ་ཆུང་ཆུ་དྲོན་སྐྱུག་ལ་གཡལ་མི་ཕྱིན།། མཆིན་པ་རླན་གྲངས་པུས་མོ་གྲང་ཞིང་ཟ།། སྟོད་གང་གློ་སྐམ་ལུ་ཞིང་དགྱེ་དགུ་དཀའ།། གླང་དགུར་ལུས་སྐྲངས་བྱད་སྦོས་ལྕེ་མཆུ་སྐྱ།། མགོ་འཁོར་སྐྲ་སྨིན་ཟ་ལ་སྣ་ཤུ་འབྱུང་།། གྲང་སྦོས་ཁོང་པ་གྲང་ལ་བྱད་ཤ་སྦོས།།བཅོས་ཐབས་མཆིན་ནད་ལེ་བརྒན་རྒྱས་པ་ལ།། གི་ཝཾ་སྐྱུ་རུ་ར་ཡི་ཐང་བཏང་ལ།། ར་ས་ཡ་ནདོང་ག་དུར་བྱིད་ཧོང་ལེན་ཁྲོན་བུ་ལྕུམ་རྩ་ཐར་ནུ་རེ་ལྕག་སྐྱེར་པ་ཨ་རུའི་བཤལ་བཏང་རུ་ཐུང་གཏར།། མཁྲིས་ཆེན་དོམ་མཁྲིས་བྲག་ཞུན་ཨ་རུ་མར་གསརསྦྱོར་བ་རྒུན་འབྲུམ་ཐང་གིས་དབུལ།། ཚ་བ་ཞེན་ཆེ་ག་པུར་བདུན་པ་སྦྱར།། ཉལ་བའི་སྔས་སྨད་ཁ་ཟས་བསིལ་དུ་བསྟེན།། མཆིན་ནད་ལྡེམ་བུ་ཨ་རུབར་སྐྱུར་སླེ་ཏྲེས་ཏིག་ཏ་བོང་ང་ཧོང་ལེན་ལྕུམ་རྩ་དོང་ག་དུར་བྱིད་སྦྱར་བའི་ཐང་ཁྲུས་བྱ།། གཡུ་རྙིང་ཅུར་ནིས་ག་པུར་ལི་ཤི་ཙན་དན་དོམ་མཁྲིས་གླ་རྩི་རྒུན་འབྲུམ་གསེར་མེབྲག་ཞུན་གུར་ཀུམ་བ་ལེ་ཨ་རུ་པྲི་ཡངྐུ་ལྔ་པ་སྦྱར།། དུག་ཐབས་སྨྱུང་བྱས་གསེར་ཕུད་བསྡུས་ཁུར་བུལ་ཏོག་བཏབ་པའིསྐྱུགས་ཀྱིས་དྲང་།། གཡུ་རྙིང་གུར་ཀུམ་ལི་ཤི་ཨུཏྦལ་གེ་སར་གསུམབདུན་པ་སྙི་བའི་མེ་ཏོག་སུམ་ཅུ་ཏིག་སེང་ལྡེང་ཤིང་ཚའིཐང་གིས་དབུལ།། རྗེས་གཅོད་གི་ཝཾ་ཙན་དན་དཀར་དམར་རེ་རལ་སྔོན་བུ་མཚལ་བཅད་འབྱོར་གཉིས་དང་བརྒྱད་པ་བ་འོས་དེད།། མཆིན་པ་ཆུ་ཤོར་རྭ་གསུམ་བ་ལེའི་ཐང་།། རུ་ཐུང་རྩེ་ཆུང་མཆིན་མཁྲིས་འདོམ་རྩ་གཏར།། གློ་དང་བསྡོངས་ན་ཅུ་གང་ལྡེ་གུ་སྦྱར།། རྗེས་ལ་ཚིགས་པ་ལྔ་དང་དགུ་པ་བསྲེག། མཆིན་ནད་རྐུན་བུ་ཨ་སོ་གཉིས་ལ་གཏར།། བ་ལེ་ཀ་སླེ་ཏྲེས་ཨ་རུ་རྒུན་འབྲུམ་བོང་ང་ཧོང་ལེན་ཏིག་ཏ་གླ་སྒང་དུག་ཉུང་ཀྱི་ལྕེ་དུར་བྱིད་ཁྲོན་བུཡི་བཤལ་བཏང་ཕྲན་བུ་གཏར།། མཆིན་པ་འོར་དུ་ལྷུང་བ་གཉིས་ཀ་ལ།། འབྲས་བུ་གསུམ་གྱི་དུར་བྱིད་ཧོང་ལེན་ཁྲོན་བུབཤལ་བཏང་བྱིན་ལོང་གཏར།། དམར་གསུམ་ཕྱེ་མ་དར་ཡ་གན་མི་དོམ་མཁྲིས་བྲག་ཞུན་གྱིཐང་བཏང་།། མཆིན་ཁྲག་གློ་ལ་ལུད་ན་བ་ལེ་ཀ་ཨ་རུ་སྐྱུ་རུ་ལྕུམ་རྩ་དུར་བྱིད་དོང་ག་ཐང་ཁྲུས་བྱ།། གློ་རྩ་རུ་ཐུང་གཏར་ཞིང་བསིལ་སྨན་བཏང་།། ཕོ་བར་ལུད་ན་རུ་ཐུང་འདོམ་རྩ་གཏར།། ར་གསུམ་དུར་བྱིད་ཧོང་ལེན་གྱིབཤལ་དང་བ་ལེ་ཀ་གླ་སྒང་རྒུན་འབྲུམ་ཧོང་ལེན་ཨ་བི་ཥ་ཐང་བཏང་།། མཆིན་པ་གཞུང་རེངས་དུར་ལྕགས་ཐང་དུ་བཏང་།། རུ་ཐུང་དྲུག་འགོ་ཕོ་གདུང་གཏར་བར་བྱ།། བྱ་བྲུན་སྦང་སྐམ་དུགས་ཀྱིས་གཞུང་བཤུལ་བདུག། བ་ལེ་ཀ་ཐང་བྲག་ཞུན་ཅུར་ནིས་བཏང་།། མཆིན་གྲུམ་ནག་པོ་འབྲས་བུ་གསུམ་ཐང་བཏང་།། རྔུལ་དབྱུང་རྩེ་ཆུང་གཏར་ཞིང་སྔོན་བུས་ཨ་རུ་ཟངས་རྩི་རྒུན་འབྲུམ་གྱིསྦྱང་།། མར་གསར་སོ་མ་ར་ཛབསིལ་གསུམ་ཨ་རུ་འདམ་བུ་ཤིང་མངར་ལྕགས་ཕྱེ་སྦྲང་དང་སྦྱར་བའི་ལྡེ་གུ་བཏང་།། རྗེས་ལ་ཤ་སྲུབས་ཚིགས་དམིགས་གར་བབས་བསྲེག། མཆིན་ནད་ཧལ་སྐེམ་ཨ་བི་ཥ་པར་པ་ཏ་ཀྱི་ལྕེཡི་ཐང་།། སྔོན་བུའི་བཤལ་བཏང་རུ་ཐུང་ཕྲན་བུ་གཏར།། ལུམས་རྗེས་སྨན་མར་སྦྱར་ལ་དགུ་པ་བསྲེག། མཆིན་དྲི་དཀར་པོ་མཆིན་མཁྲིས་འདོམ་རྩ་གཏར།། བ་ལེ་ཀ་དང་ཀྱི་ལྕེའི་གྲང་ཐང་བཏང་།། གུར་ཀུམ་ལི་ཤི་སུག་སྨེལ་ཀ་ཀོ་ལ་ད་བྱིད་པར་པ་ཏ་སྤང་སྤོས་ཤུ་མོ་ཟ་སྦྲང་སྟེབརྒྱད་པའི་ལྡེ་གུ་སྦྱར་བར་བྱ།། མཆིན་དྲི་ནག་པོ་བྲག་ཞུན་ཐང་བཏང་ལ།། རུ་ཐུང་གཏར་ཞིང་རྗེས་ལ་བརྒྱད་པ་བསྲེག། གནད་མཆིན་རྩ་བྱེར་རུ་ཐུང་རྩེ་ཆུང་གཏར།། འདོམ་རྩ་ཨ་སོ་བྱིན་གཞུག་ལོང་རྩ་གཏར།། བ་ལེའི་ཐང་བཏང་འབྲས་བུ་གསུམ་གྱིས་སྦྱང་།། དེ་ལྟར་མཆིན་ནད་ཚ་བ་དེ་རྣམས་ལ།། ཁ་ཟས་བསིལ་བསྟེན་རུལ་སྐྱུར་དྲོད་བག་སྤང་།། ཚ་བ་ཆོམས་ན་གསར་བཅུད་དྲོད་ལ་དབབ།། རྗེས་ལ་ཚིགས་པ་བརྒྱད་དགུ་གར་བབས་བསྲེག། མཆིན་རླུང་ཐོང་ཚེར་མཆིན་པ་སྤོད་བྲན་བཏང་།། བུར་དཀར་མར་གསར་ཏིང་ཁྲོལ་སྤོད་ལྡན་མུར།། ར་གསུམ་མར་སྦྱར་དགུ་པ་ཁ་གསུམ་བསྲེག། མཆིན་རྒུད་དེ་འདྲ་སེ་འབྲུ་ད་ལིས་བཏང་།། ཨ་རུ་འབྲི་རྐང་གཟེ་མའི་སྨན་མར་སྦྱར།། མཆིན་ནད་རླན་གྲངས་དེ་བཞིན་མཆིན་གསང་བསྲེག། མཆིན་པ་གླང་དགུར་འབྲས་བུའི་རྒྱུན་བཤལ་བཏང་།། སེ་འབྲུ་ལྔ་པ་སྐེམས་སྨན་སྦྱར་བ་བསྟེན།། ཁ་ཟས་ཁྲེའུ་རྗེས་ལ་མེ་ཡིས་བཅད།། མཆིན་པ་གྲང་སྦོས་ད་ལིས་སེ་འབྲུ་སྦྱར།། ལྔ་དང་དྲུག་པ་ལྷེན་སྣ་ཁ་གསུམ་བསྲེག། དེ་ལྟར་མཆིན་ནད་གྲང་བ་དྲོད་ཀྱིས་བཅོས།། གསར་འཇམ་ལུག་ཤ་ལ་སོགས་དྲོད་ལ་བསྒོར།། ཞེས་གསུངས་སོ།། བདུད་རྩི་སྙིང་པོ་ཡན་ལག་བརྒྱད་པ་གསང་བ་མན་ངག་གི་རྒྱུད་ལས་མཆིན་ནད་གསོ་བའི་ལེའུ་སྟེ་སོ་དྲུག་པའོ།། །།

X