//不能复制 // >
ཁྱེད་ཀྱི་གནས་ཡུལ། > གཙོ་ངོས། > ཡིག་ཚགས། > གསོ་རིག་རྒྱུད་བཞི། > མན་ངག་རྒྱུད། > ནང་དོན།

ལེའུ་རེ་དགུ་པ། རྐང་བམ་གྱི་ནད་གསོ་བ།

ཇུས་འགོད་པ། zhuomacao རྩོམ་སྒྲིག་པ། དུས་ཚོད། 2016-05-26 17:05:35 ཀློག་གྲངས། 8 

      དེ་ནས་ཡང་དྲང་སྲོང་རིག་པའི་ཡེ་ཤེས་ཀྱིས་འདི་སྐད་ཅེས་གསུངས་སོ།། ཀྱེ་དྲང་སྲོང་ཆེན་པོ་ཉོན་ཅིག། རྐང་བམ་ནད་ལ་རྒྱུ་རྐྱེན་དབྱེ་བ་དང་།། རྟགས་དང་བཅོས་ཐབས་རྣམ་པ་བཞི་ཡིས་བསྟན།། རྒྱུ་རྐྱེན་ཟས་སྤྱོད་གདོན་གྱིས་བད་ཀན་ཁྲག། འཕེལ་བས་ཤ་རུས་ཁད་ཀྱིས་ཏྲེབ་ཅན་སྐྲངས།། ན་བའི་ཟུག་གཟེར་ཆུང་བས་རྐང་བམ་ཡིན།། རྐང་ལག་རྣ་བ་མཆུ་དང་སྣ་ལ་མང་།། དེ་ཡང་རླན་ཅན་ཡུན་དུ་འབྱུང་བ་ཡིན།། དབྱེ་བ་རླུང་དང་མཁྲིས་པ་བད་ཀན་གསུམ།། དེ་རྟགས་རླུང་གྱུར་རྩུབ་ཅིང་སྐྲངས་མདོག་ནག། མཁྲིས་གྱུར་མདོག་སེར་ཚ་ལ་རིམས་ཀྱིས་འདེབས།། བད་ཀན་ལྕི་ལ་ཟུག་ཆུང་ཤ་མཛེར་ཁྱབ།། བཅོས་ཐབས་རླུང་གྱུར་དུགས་གཏར་རྒྱུན་སྦྱོངས་བྱ།། མཁྲིས་པ་ལས་གྱུར་གཏར་དང་བསིལ་བས་བྱུག། བད་གྱུར་པི་པི་ལིང་དང་ཨ་རུའི་ཐང་།། འུ་སུ་བྲྀ་ཧ་ཏི་དང་ཡུངས་ཀར་བྱུག། ཀུན་ལ་འབྲུ་རྙིང་ཟན་དང་སྦྲང་རྩི་བཟའ།། ཞེས་གསུངས་སོ།། བདུད་རྩི་སྙིང་པོ་ཡན་ལག་བརྒྱད་པ་གསང་བ་མན་ངག་གི་རྒྱུད་ལས་རྐང་བམ་གྱི་ནད་བཅོས་པའི་ལེའུ་སྟེ་དྲུག་ཅུ་རྩ་དགུ་པའོ།། །།

X