//不能复制 // >
ཁྱེད་ཀྱི་གནས་ཡུལ། > གཙོ་ངོས། > ཡིག་ཚགས། > གསོ་རིག་རྒྱུད་བཞི། > མན་ངག་རྒྱུད། > ནང་དོན།

ལེའུ་གྱ་གཅིག་པ། གདུག་པ་ཀླུའི་གདོན་ནད་གསོ་བ།

ཇུས་འགོད་པ། zhuomacao རྩོམ་སྒྲིག་པ། དུས་ཚོད། 2016-05-27 9:35:55 ཀློག་གྲངས། 14 

      དེ་ནས་ཡང་དྲང་སྲོང་རིག་པའི་ཡེ་ཤེས་ཀྱིས་འདི་སྐད་ཅེས་གསུངས་སོ།། ཀྱེ་དྲང་སྲོང་ཆེན་པོ་ཉོན་ཅིག། ལན་ཅིག་ལྔ་བརྒྱ་ཐ་མའི་དུས་ཚོད་དུ།། བསྐལ་པའི་ཆ་ཉམས་འབྱུང་བའི་བཅུད་ཤོར་བས།། མི་རྣམས་ཟ་ཐང་བྲི་ནས་དབུལ་པོར་འགྱུར།། ས་གཉན་རློག་ནས་སྤང་ཐ་ཞིང་དུ་འདྲུ།། ཆུ་གཉན་དཀྲུགས་ནས་ནེའུ་གསིང་རྫིང་དུ་བསྐྱིལ།། ཤིང་གཉན་གཅོད་ཅིང་རྡོ་གཉན་རྩ་བ་འདེགས།། མི་གཙང་འཐབ་གཞོབ་ཤན་དམར་འཇོལ་ཉོག་སྤྱོད།། བན་བོན་ནུས་པ་སྒྲུབ་པའི་ལོང་མེད་ནས།། གཉན་ས་དཀྲུགས་པས་དགྲ་རྣམས་ཐུལ་ལ་རེ།། དེ་ཚེ་ཀླུ་གཉན་ས་བདག་ལྷ་སྲིན་འཁྲུགས།། རེག་མཐོང་ཁ་རླངས་བསམ་པའི་དུག་འཕྲོས་པས།། ཙི་ཏི་ཛྭ་ལ་འབར་བའི་བསྐལ་པ་དར།། མཐོང་བས་སྐྱུག་བྲོ་བསམས་པས་སྐྱི་འཇིགས་ཤིང་།། ཐོས་ན་ཡ་ང་རང་རོ་རང་གིས་མཐོང་།། ཚེ་འདིའི་གཉེན་འདུན་ཀུན་དང་གསོན་འབྲལ་བྱེད།། དེ་འདྲའི་ནད་ཀྱི་གསོ་ཐབས་ངས་བསྟན་གྱིས།། དྲང་སྲོང་ཆེན་པོ་མ་ཡེངས་གུས་པས་ཉོན།། འདི་ལ་རྒྱུ་རྐྱེན་མཚན་ཉིད་དབྱེ་བ་དང་།། རྟགས་དང་བཅོས་ཐབས་ལྔ་རུ་ཤེས་པར་བྱ།། རྒྱུ་ནི་ལུས་ལ་གནས་པའི་ཆུ་སེར་ལ།། དེ་རྐྱེན་སྔོན་གྱི་ལས་ཀྱི་རྣམ་སྨིན་པ།། འཕྲལ་དུ་གདོན་དང་ཕོག་ཐུག་བྱུང་བ་འམ།། ཟས་སྤྱོད་དབང་གིས་འདུ་བ་འཁྲུགས་གྱུར་པས།། ཆུ་སེར་ནག་པོ་ལུས་ལ་རྒྱས་པ་ཡིན།། མཚན་ཉིད་ཤ་ལྤགས་རུས་ཚིགས་རྩ་ཁྲག་དོན།། ཆུ་སེར་བསྲུལ་བས་ལུས་ཀུན་མ་རུངས་བྱེད།། མི་བཟོད་གསོ་དཀའ་མཛེ་ཡི་ནད་དུ་བཤད།། དབྱེ་བ་གནས་དང་རིགས་ཀྱིས་བཅོ་བརྒྱད་འགྱུར།། ཞུགས་ཚུལ་གནས་ཀྱིས་དབྱེ་ན་སྐྱི་ལྤགས་རྩི།། མདོག་སྟོབས་ཤ་ཚིལ་ཆུ་བ་རྩ་དང་ཁྲག། ཆུ་སེར་རུས་ཚིགས་ལྷ་བ་ཀླད་རྐང་ཁུ།། དོན་ལ་ཞུགས་པས་དབྱེ་བ་བཅུ་དང་བརྒྱད།། རིགས་ཀྱིས་དབྱེ་བ་རྐྱང་པ་ལྡན་འདུས་བདུན།། ཐོད་འདྲ་ཟླུམ་པོ་གླང་ཤུ་ཨུ་དུམ་ཝར།། རི་ཤའི་ལྕེ་དང་ལྤགས་མཛེ་གཅིག་པུ་དང་།། འབྲུམ་ཕྲན་ཤ་བཀྲ་འབྲས་བྱེར་སེར་ག་དང་།། ཤུ་བ་ཁ་བརྒྱ་པདྨ་དཀར་པོ་དང་།། འབྲུམ་བུ་གཡན་པ་པགས་པ་མྱགས་པ་དང་། འོལ་སེ་འདྲ་དང་སུམ་ཅུ་རྩ་དྲུག་གོ། བརྟག་ཐབས་དང་པོ་ནད་ངོས་བཟུང་བ་དང་།། གསོ་ཚེ་སྤང་བླང་མུ་བཞིར་བརྟག་པ་འོ།། ངོས་བཟུང་རྟགས་ལ་སྤྱི་དང་བྱེ་བྲག་གཉིས།། སྤྱི་ལ་ཕྱི་ནང་གསང་བ་གསུམ་གྱིས་བརྟག། ཕྱི་ལ་མངོན་ཚུལ་རྨི་ལམ་བརྟག་པ་དང་།། མཚན་ཉིད་ལུས་ངག་ཡིད་ལ་བརྟག་པ་འོ།། རྨི་ལམ་ཆུ་དང་ཤིང་དང་ནིའུ་ནེའུགསིང་དང་།། སྦལ་ལྗོང་ཉ་སྦྲུལ་འབུ་སྦྲང་སྡིག་སྡོམ་སོགས།། ལུས་ལ་འབྱར་དང་གསེབ་ན་འདུག་པ་དང་།། གཡག་མཛོ་གཅན་གཟན་རྣམས་ཀྱིས་དེད་པ་དང་།། མི་ཤོང་སྒོ་འཕྲང་འཛུལ་དང་གཡང་ལ་ལྷུང་།། ཉི་ནུབ་ས་སྲོས་སེར་བ་བབས་པ་དང་།། མདའ་དང་སྒོ་ང་ལྷ་ཁང་ལྡེར་བཟོ་འགུལ།། བུད་མེད་དག་གིས་ལུས་ཟུངས་འབྱིན་པ་རྨི།། ལྷས་ཚོར་དུས་ཏེ་གདོན་གྱིས་འདེབས་པའི་རྟགས།། ལུས་ལ་བརྟག་པ་བཞིན་ལ་འགྱུར་ལྡོག་བྱེད།། བཀྲག་ཕྲོགས་པ་འམ་ཡང་ན་སྐྱེས་པ་དང་།། དོན་མེད་ཁྲག་སྐྱེ་སྣ་ཁྲག་འཛག་པ་དང་།། པགས་པ་རེས་འགས་རེས་རྩུབ་ཚ་འམ་གྲང་།། གཡའ་ཞིང་ཕྲུག་འདོད་ཤུ་ཐོར་ཆུ་བུར་འོང་།། འགུལ་འཕྲིག་ཕོ་མཆིན་མི་བདེ་རུས་རྐང་ན།། ལྤགས་ཚིགས་བསྣད་པའི་རྨ་རྣམས་ཡུན་རིང་གནས།། ངག་ལ་བརྟག་པ་འགྱུར་ལྡོག་མང་བ་སྟེ།། ཡིད་ལ་བརྟག་པ་སྙིང་འཆུ་མི་དགའ་འཕྱོ།། ཁྲོ་ཚིག་འགྲོ་འདོད་གོང་རྟགས་གསང་བར་ཐུབ།། རང་ཚོར་དུས་ཡིན་གདོན་གྱིས་ཐེབས་པར་ངེས།། ནང་གི་བརྟག་པ་རྣམ་རྟོག་ཅི་འདྲ་ཡང་།། བཞིན་ཉིད་མེ་ལོང་འདྲ་སྟེ་བཀྲུས་ལ་བརྟག། མེ་ཏོག་ཡོད་སར་ཆུ་མི་འཆགས་པར་སྐམ།། སྐྱ་སྨུག་དམར་སོགས་ཤ་མདོག་འགྱུར་བ་ལ།། ཤ་ལྤགས་བཏེག་ནས་མཐེ་བོས་མནན་རྗེས་འོང་།། སྣ་གོང་མཁུར་ཚོས་སྨིན་དབྲག་རྣམས་སུ་མང་།། མེ་ཏོག་སྐམས་ན་དུས་ལས་འདས་ཞེས་བྱ།། གསལ་བར་སྟོན་པ་དབང་པོ་མིག་ཡིན་ཏེ།། མི་གནོད་པ་ཡི་རྩ་དང་གནོད་པའི་རྩ།། གདོན་རིགས་འཇུག་ཚུལ་ལུས་ཀྱི་ཞུགས་ས་དང་།། ཐུབ་དང་མི་ཐུབ་ལོ་གྲངས་བརྟག་པར་བྱ།། གསང་བ་སྨན་གྱི་སྒོ་ནས་བརྟག་པ་སྟེ།། མུ་ཟི་གུ་གུལ་ཤུ་དག་གླ་རྩི་བཞི།། སྲུབ་ཀ་ལོ་མར་མཉམ་ལ་རས་སུ་ཕུར།། དྲི་ཆུར་སྦངས་ལ་ཞག་གསུམ་སྐོམ་དུ་བཏང་།། དྲི་ཆུ་ཁྲག་དང་ཆུ་སེར་སྣ་ཚོགས་དང་།། རང་གི་མདོག་ལས་གནོད་དང་མི་གནོད་བརྟག། བྱེ་བྲག་བརྟག་པ་དུག་དང་གདོན་རིགས་དང་།། ཞུགས་ཚུལ་བབས་ས་ཉེས་པའི་རིགས་ཀྱིས་བརྟག། དང་པོ་དུག་གི་སྒོ་ནས་བརྟག་པ་ནི།། ལྕི་འཐིབས་ས་དུག་ཡང་ཞིང་གཡོ་བ་རླུང་། ཚ་སྲེག་མེ་དུག་གྲང་ཞིང་བསིལ་བ་ཆུ།། གདོན་རིགས་དབྱེ་བ་རྩ་བ་ཡན་ལག་གཉིས།། ཡན་ལག་ཐེ་བྲང་འགོང་པོ་སྐྱི་ལ་འབབ།། དམ་སྲི་པགས་པ་ས་བདག་ཤ་ལ་འཛིན།། གཉན་རྩ་བ་སྤུ་རིགས་དྲུག་ཆུ་རྒྱུས་འཛིན།། རྩ་གདོན་རྒྱལ་རིགས་ཡིད་དུག་གཙུག་ནས་འཇུག། རྗེ་རིགས་མཐོང་བའི་དུག་སྟེ་རྩ་ནས་འཇུག། བྲམ་ཟེ་ཁ་རླངས་དུག་སྟེ་ལག་པ་གཡོན།། དམངས་རིགས་རེག་དུག་རྐང་པ་གཡས་ནས་འཇུག། གདོལ་པ་མཆེ་བའི་དུག་ཅན་རྐང་པ་གཡོན།། མཇུག་ཏུ་ཀླུ་ཡི་རྒྱལ་པོ་དོན་ལ་འབབ།། འཇུག་ཚུལ་རྣམ་པ་ལྔ་ཡི་སྒོ་ནས་འཇུག། ཀུ་རེ་ཀྱལ་ཀའི་ཚུལ་དུ་ཞུགས་པ་དང་།། ལོངས་སྤྱོད་རེ་

X