//不能复制 // >
ཁྱེད་ཀྱི་གནས་ཡུལ། > གཙོ་ངོས། > ཡིག་ཚགས། > གསོ་རིག་རྒྱུད་བཞི། > མན་ངག་རྒྱུད། > ནང་དོན།

ལེའུ་གྱ་ལྔ་པ། བྱང་ཁོག་སྟོད་སྨད་གསོ་བ།

ཇུས་འགོད་པ། zhuomacao རྩོམ་སྒྲིག་པ། དུས་ཚོད། 2016-05-27 10:16:56 ཀློག་གྲངས། 68 

      དེ་ནས་ཡང་དྲང་སྲོང་ཡིད་ལས་སྐྱེས་ཀྱིས་འདི་སྐད་ཅེས་ཞུས་སོ།། ཀྱེ་དྲང་སྲོང་ཆེན་པོ་རིག་པའི་ཡེ་ཤེས་ལགས།། བྱང་ཁོག་སྟོད་སྨད་གཉིས་ལ་མཚོན་ཕོག་ན།། དེ་ལ་རྟགས་དང་བཅོས་ཐབས་ཅི་ལྟར་བགྱི།། འཚོ་མཛད་སྨན་པའི་རྒྱལ་པོས་བཤད་དུ་གསོལ།། ཞེས་ཞུས་པ་དང་། དྲང་སྲོང་རིག་པའི་ཡེ་ཤེས་ཀྱིས་འདི་སྐད་ཅེས་གསུངས་སོ།། ཀྱེ་དྲང་སྲོང་ཆེན་པོ་ཉོན་ཅིག། འགྲོ་བ་མི་ལུས་བྱང་ཁོག་སྟོད་སྨད་ལ།། གནས་ལུགས་རྟགས་དང་གསོ་ཐབས་རྗེས་བཅད་བཞི།། དང་པོ་བྱང་ཁོག་གནས་ལུགས་རྣམ་དྲུག་སྟེ།། བརྟེན་པ་རུས་པའི་གནས་ལུགས་བསྟན་པ་དང་།། གཡོགས་པ་ཤ་ལྤགས་གནས་ལུགས་བསྟན་པ་དང་།། གཉན་པ་དོན་སྣོད་གནས་ལུགས་བསྟན་པ་དང་།། ས་བཅད་ཡུལ་གྱི་གནས་ལུགས་བསྟན་པ་དང་།། འབྲེལ་བ་རྩ་ཡི་གནས་ལུགས་བསྟན་པ་དང་།། རྒྱ་སྐར་གསེང་གི་གནས་ལུགས་བསྟན་པའོ།། དང་པོ་བརྟེན་པ་རུས་པའི་གནས་ལུགས་ནི།། སྒལ་ཚིགས་བྲང་རུས་རྩིབ་མ་ལྷ་རུ་ཙེ།། སྒྲོག་རུས་དཔྱི་དང་སོགས་པ་གཞུག་ཆུང་བརྒྱད།། ཚིགས་ལ་མཁར་དང་མཁར་མཚམས་བྱ་འདབས་གསུམ།། དེ་དག་ལུས་ཀྱི་གཞི་རྟེན་གུར་ཕུབ་འདྲ།། དེ་ལ་གཡོགས་པ་ཤ་ཡི་གནས་ལུགས་ནི།། སྒལ་འདབས་བཤུལ་ཤ་ནག་པོ་ཕྱི་ནང་གཉིས།། བྲང་གི་ནུ་ཤ་སྟ་ཟུར་རྟ་ཤ་གཉིས།། མཆན་ཁུང་བཞག་ཤ་དཀར་ནག་རྣམ་པ་གཉིས།། ཐལ་གོང་གཉའ་ཤ་གཉའ་འཁོར་འདར་ཤ་དང་།། སོགས་མཐིལ་འབྲོས་ཤ་དེ་ལྟར་ཤ་རིགས་དགུ།། བྱེར་ཞིང་སྐྲངས་པའི་གནད་དུ་བསྟན་པ་ཡིན།། གཉན་པ་དོན་ལྔ་སྣོད་དྲུག་གནས་ལུགས་ནི།། སྙིང་ནི་རྒྱལ་པོ་ཚེ་སྲོག་སེམས་ཀྱི་རྟེན།། བུ་ལྔ་རྒྱལ་སྲས་མ་ལྔ་བློན་གྱི་ཚུལ།། གློ་མའི་ཕང་དུ་སྙིང་ནི་བུ་ཐོགས་འདྲ།། མཆིན་དྲི་དཀར་པོ་དར་དཀར་ཡོལ་བ་འདྲ།། མཆིན་པ་བྲག་གཡང་གཟར་འདྲ་གྱེན་དུ་བསླང་།། མཆེར་པ་མཐའ་མཐུག་དཀྱིལ་སྲབ་མཁུར་བ་འདྲ།། མཁལ་མ་གཡས་གཡོན་གྱད་ཀྱི་གདུང་འདེགས་འདྲ།། ཕོ་བ་ཟས་སྣོད་ལ་ཕུག་སུལ་བཞི་འདྲ།། མཁྲིས་པ་མཆིན་འདབས་གསེར་རྐྱལ་བཀལ་བ་འདྲ།། ལོང་ག་གསུམ་ཁྱོག་གསེར་སྦྲུལ་ལྕག་བྲབས་འདྲ།། རྒྱུ་མ་སྟོད་སྨད་ཡུར་བ་ཆུས་བཀང་འདྲ།། གཉེ་མ་ལོང་འབྲེལ་གཡང་བཞག་བསྐོར་བ་འདྲ།། ཚིལ་ཤུབས་དཀར་ནག་ལྕགས་སྦྲུལ་དཀྱུས་པ་འདྲ།། ལྒང་ཕུག་ཁ་ནི་ཐུར་བལྟས་ཆུ་རྐྱལ་འདྲ།། བསམ་སེ་རྩ་ཡི་མདུད་པ་ཤ་རྨེན་འདྲ།། དེ་དག་གཉན་པས་འཆི་བའི་གནད་དུ་བསྟན།། བགོ་སྐལ་ས་བཅད་ཡུལ་གྱི་གནས་ལུགས་ནི།། བྱང་ཁོག་སྟོད་སྨད་མཆིན་དྲིས་དབྱེ་བ་སྟེ།། ལྷེན་རུས་འབྲེལ་མཚམས་ཚིགས་པ་བཅུ་གསུམ་པར།། ཆུ་བབས་ཐིག་གདབ་མཆིན་དྲི་ནག་པོའི་ཡུལ།། ཚིགས་པ་བརྒྱད་ནས་རྩིབ་རིང་གྱེན་མཚོན་གང་།། ཡོལ་གྱིས་བཅད་པ་མཆིན་དྲི་དཀར་པོའི་ཡུལ།། མཆིན་དྲི་ཁུག་པ་བརྒྱད་དང་བཅུ་གསུམ་པར།། རྩིབ་སྟེང་དཀར་ནག་མཚམས་ཏེ་ཁྲ་བོར་འདོད།། སྟོད་སྨད་དོན་སྣོད་ཡུལ་སྐལ་ཐིག་གིས་བཙལ།། ཁད་སྙམ་སྟན་ལ་ལུས་བསྲང་སྐྱིལ་ཀྲུང་འདུག། མདུན་རྒྱབ་དཔུང་འཛུམ་གཉིས་སུ་གནམ་ཐིག་གདབ།། ཨན་སྟོང་གཞུག་ཆུང་སྐེ་སྟོང་མཚན་མའི་སྟེང་།། མདུན་རྒྱབ་གཉིས་སུ་མ་འདྲུས་གཞུང་ཐིག་གདབ།། སྟོད་ན་གློ་བ་མ་བུ་སྙིང་དང་གསུམ།། གློ་མ་རྒྱབ་ལ་སྙིང་དང་བུ་རྣམས་མདུན།། ཚིགས་པ་བཞི་ནས་གྱེན་གསེགས་ཆག་གང་ས།། བརྒྱད་ནས་ཐུར་གསེགས་མཛུབ་གང་བཅལ་བའི་སར།། གྲུ་བཞིར་ཐིག་གདབ་དེ་ཡི་གྲ་བཞིར་བཅད།། དབུས་མ་སུམ་ཆ་སུམ་གཉིས་དེ་དབུས་བཅལ།། སྟག་མགོ་སྒང་རྩིབས་གཤམ་དང་ཟགས་སྣ་ལྔ།། གློ་བ་མ་ལྔའི་ཡུལ་དུ་འདོད་པ་ཡིན།། ནུ་མ་གཉིས་ནས་སྐེ་སྟོང་སོར་བཞིའི་འོག། གྲུ་གསུམ་ཐིག་གདབ་དབུས་ན་རྒྱལ་པོ་སྙིང་།། མཛོ་སྣ་དང་ནི་བྱ་སྒབ་ཐུགས་ཁབ་དང་།། རྟེ་མིག་དགྲ་ལྕེ་བུ་ལྔ་སྙིང་ལ་བསྐོར།། གློ་བུ་སྙིང་གི་ཡུལ་དུ་འདོད་པ་ཡིན།། ནུ་མ་གཉིས་ནས་ཕྱིར་ལ་སོར་གཉིས་བཅལ།། དེ་ནས་སྐེ་སྟོང་ཅ་ར་ཁུང་དུ་གདབ།། གློ་བ་མ་ཡི་མཐའ་ཆག་གནས་པ་ཡིན།། ཡུལ་ཐིག་དེ་ཡི་སྟེང་འོག་སྟོང་པར་གནས།། ནུ་མ་བྲང་དཀྱིལ་ཐིག་ཚད་ལྷེན་སྣ་ནས།། ཕོ་བའི་ཟུར་འཐེན་དེ་ནས་ལྟེ་བར་གདབ།། དཔངས་སུ་སོར་བརྒྱད་ཞེང་སོར་བཅུ་གཉིས་ཏེ།། ཟས་སྣོད་ཕོ་བའི་ཡུལ་དུ་བཤད་པ་ཡིན།། ལྷེན་རུས་ཚིགས་པ་བརྒྱད་ནས་གཡས་ངོས་སུ།། མཚོན་གང་གྲེ་མོས་གར་སླེབ་མཆིན་པའི་ཡུལ།། རྩིབ་ཐུང་གཡོན་ནས་ཕོ་ཟུར་མཛུབ་བཅལ་བའི།། དཔངས་སུ་སོར་ལྔ་མཆེར་པའི་ཡུལ་དུ་འདོད།། ཕོ་གསང་དབུས་ནས་གཡས་སུ་སོར་བདུན་ན།། དཀྱུས་སུ་སོར་དྲུག་ཞེང་གསུམ་མཁྲིས་པའི་ཡུལ།། ལྟེ་བའི་གོང་འོག་མཚོན་རེ་དཀྱུས་མཚོན་བརྒྱད།། ལོང་གི་ཡུལ་ཡིན་ཁྲག་ལོང་གཡས་ན་གནས།། སྲིན་ལོང་གཡོན་ལ་རྩམ་ལོང་དབུས་ན་གནས།། དེ་འོག་མཚོན་དོ་རྒྱུ་སྟོད་རྒྱུ་སྨད་ཡུལ།། དེ་འོག་ལྒང་པ་མདུན་ལ་གཉེ་མ་རྒྱབ།། ཚིགས་པ་བཅུ་བཞིའི་གཡས་གཡོན་སོར་བདུན་དང་།། དཔངས་སུ་སོར་ལྔ་མཁལ་མའི་ཡུལ་སྐལ་ཡིན།། བསམ་སེ་ཚིགས་པ་བཅུ་གསུམ་འོག་ན་གནས།། དེ་ལྟར་ཡུལ་གྱི་ཐབ་ཐོབསྐལ་སོ་སོར་བསྟན།། འབྲེལ་བ་རྩ་ཡི་གནས་ལུགས་ཕྱི་ནང་གཉིས།། ནང་རྩ་སྲོག་རྩ་དཀར་ནག་སྡོང་པོ་སྟེ།། སྒལ་པའི་ནང་གཞུང་ཐང་ཤིང་བསླང་བ་འདྲ།། དེ་ལས་ཡལ་གའི་རྩ་ཕྲན་ཀུན་ཏུ་གྱེས།། ཚིགས་པ་གསུམ་ནས་རྩ་གསུམ་མདུན་དུ་བྱུང་།། དབུས་ཀྱི་རྩ་ལས་སྙིང་ནི་འབྲས་བུའི་ཚུལ།། སུལ་གསུམ་ནང་ན་རྩ་ལྔ་རླུང་རྩ་དབུས།། རླུང་ཁྲག་འདྲེས་པའི་རྩ་བཞི་ཕྱོགས་བཞིར་གནས།། གཡས་གཡོན་རྩ་ནི་གློ་བུ་གཉིས་ལ་ཟུག། གློ་ཡི་ནང་རྩ་སོག་ཕོན་ལྤགས་གཡོགས་འདྲ།། གསོབ་པས་འཇུག་སླ་མང་བས་ནད་གདོན་དཀའ།། སྲོག་རྩའི་ཡལ་ག་རྣམ་གཉིས་ལག་པར་རྒྱུ།། རྩེ་ནག་གཉིད་ལོག་རྩ་གཉིས་མགོ་ལ་གྱེས།། ཚིགས་པ་དགུ་ནས་རྩ་གཅིག་མཆིན་པར་ཟུག། མཆིན་པའི་ལུང་ཆེན་མཆིན་དྲི་ནག་པོར་འབྲེལ།། དེ་བཞིན་མཆེར་པ་མཁལ་མ་བསམ་སེར་འབྲེལ།། བཅུ་བཞི་པ་ནས་སྲོག་རྩ་གཉིས་སུ་གྱེས།། སྣེ་སར་དོན་ནས་རྐང་པ་གཉིས་ལ་རྒྱུ།། དེ་ལས་གྱེས་པའི་དོན་སྣོད་ནང་རྩ་རྣམས།། འབྲལ་འབྲེལ་མང་བས་ཐག་པ་འཛིངས་པ་འདྲ།། ཕྱི་རྩ་བྱང་ཁོག་སྟོད་ལ་སྙིང་རྩ་དྲུག། བྲང་རུས་གཡས་གཡོན་ནུ་མདུན་མཚོན་དོ་ན།། སྙིང་རྩ་ཕྲ་ཁབ་ཐོང་གར་ཁབ་བཙུགས་འདྲ།། སྒྲོག་རུས་དཀྱིལ་ནས་ཐུར་དུ་མཚོན་གང་ན།། སྙིང་རྩ་དངུལ་གྱི་འབུ་རུ་གཟེར་བཏབ་འདྲ།། ནུ་མའི་སྟེང་འོག་མཚོན་རེ་བུ་རྩ་ཡོད།། གློ་བ་མ་བུའི་ཕྱི་

X