//不能复制 // >
ཁྱེད་ཀྱི་གནས་ཡུལ། > གཙོ་ངོས། > ཡིག་ཚགས། > གསོ་རིག་རྒྱུད་བཞི། > ཕྱི་མ་རྒྱུད། > ནང་དོན།

ལེའུ་བཅུ་བདུན་པ། ལས་ལྔ་འཇམ་རྩིའི་སྐོར།

ཇུས་འགོད་པ། zhuomacao རྩོམ་སྒྲིག་པ། དུས་ཚོད། 2016-05-27 16:11:32 ཀློག་གྲངས། 19 

དེ་ནས་ཡང་དྲང་སྲོང་རིག་པའི་ཡེ་ཤེས་ཀྱིས་འདི་སྐད་ཅེས་གསུངས་སོ།། ཀྱེ་དྲང་སྲོང་ཆེན་པོ་ཉོན་ཅིགལས་ལྔ་འཇམ་རྩི་རུང་དང་མི་རུང་དང་།། སྦྱོར་བ་བཏང་ཐབས་ཕན་ཡོན་ཉེས་དམིགས་སོ།། རུང་བ་རླུང་སྐྲན་ལྟོ་སྦོས་རྩམ་པ་འཁྲུ།། ཁུ་བ་ཟད་དང་ཟླ་མཚན་འབྱམས་པ་དང་།། རྒྱུ་ལོང་མཁལ་རྐེད་གྲང་བ་རྒྱས་པ་དང་།། སྟོབས་ཆུང་སྨད་སྲིན་རླུང་ནད་ཀུན་ལ་བཏང་།།མི་རུང་དམུ་འོར་ནད་དང་ཡི་ག་འཆུས།། དུག་ནད་མཆིན་པ་རྒྱུ་ལོང་སྣོད་ཚད་དང་།། ཚིལ་ཆེས་མ་ཞུ་བད་ཀན་རྒྱས་ལ་སྤང་།། སྦྱོར་བ་སླེ་འཇམ་བཀྲུ་འཇམ་བཀྲུ་མ་སླེན།། རླུང་རྐྱང་མཁྲིས་པ་བད་ཀན་ལྡན་ལ་སྦྱར།། དང་པོ་ལུག་ཤ་འབྲི་ཡི་འོ་མ་མར།། རུ་རྟ་དེ་བ་དཱ་རུ་པི་པི་ལིང་།། རྒྱམ་ཚ་ཨ་རུ་ར་སྦྱར་སླེ་འཇམ་ཡིན།། གཉིས་པ་ཆུར་གནས་ཤ་ཁུ་བ་འོ་མར།། གོང་སྨན་དུར་བྱིད་སྦྱར་བ་བཀྲུ་འཇམ་མོ།། གསུམ་པ་སྐམ་སའི་ཤ་ཁུ་ར་འོ་མར།། གོང་སྨན་སོ་ཆ་སྦྱར་བ་བཀྲུ་མ་སླེན།། མར་རབ་ཤ་ཁུ་འབྲིང་ལ་འོ་མ་ཐ།། ཤ་གྲོགས་འོ་མ་འོ་གྲོགས་མར་ཉིད་གཅེས།། ཁ་འཛིན་རླུང་ལ་ཤིང་ཀུན་ཁ་རུ་ཚ།། བད་ཀན་ལྡན་ལ་སྒ་དང་པི་པི་ལིང་།། མཁྲིས་པར་ལྡན་ལ་སླེ་ཏྲེས་ཀྱི་ལྕེ་