//不能复制 // >
ཁྱེད་ཀྱི་གནས་ཡུལ། > གཙོ་ངོས། > ཡིག་ཚགས། > སྡེ་སྲིད་ཁོག་འབུབས། > ནང་དོན།

(1) སྟོན་པ་སངས་རྒྱས་པའི་ལུགས།

ཇུས་འགོད་པ། zhuomacao རྩོམ་སྒྲིག་པ། དུས་ཚོད། 2016-05-30 9:15:59 ཀློག་གྲངས། 33 

དཀའ་བ་སྤྱད་པ་ལོ་དྲུག་སྟེ།། ཉི་ཤུ་རྩ་དགུ་ཁབ་གནས་སུ།། རྒྱལ་བ་དེ་ལྟར་བརྒྱད་ཅུ་ལ།། ཐུབ་མཆོག་དམ་པ་མྱ་ངན་འདས།། ཞེས་པའི་ལུང་ཙམ་ཡིད་ལ་བཟུང་སྟེ་སྨྲ་ནའང་། དེ་ལྟར་དུ་བསྒྲུབ་ན། བཀའ་འགྱུར་རིན་པོ་ཆེ་རྒྱལ་རྩེ་ཐེམ་སྤང་མའི་རྒྱུད་ཐ་བར་བཞུགས་པ། ཞང་ཡེ་ཤེས་སྡེའི་འགྱུར་ལ་སླད་མར་ཇོ་བོ་རྗེ་དང་དགེ་སློང་ཚུལ་ཁྲིམས་རྒྱལ་བས་སྐད་གསར་བཅད་ཀྱིས་བཅོས་པ། དེ་བཞིན་གཤེགས་པའི་སྟོབས་བསྐྱེད་པ་བཻ་ཌཱུརྱའི་འོད་ཅེས་བྱ་བའི་གཟུངས་ཀྱི་གླེང་གཞིར། བཅོམ་ལྡན་འདས་སྨན་གྱི་གནས་ན། དགེ་སློང་གི་དགེ་འདུན་ཆེན་པོ་དང་། བྱང་ཆུབ་སེམས་དཔའི་དགེ་འདུན་ཆེན་པོ་དང་ཐབས་གཅིག་ཏུ་བཞུགས་ཏེ། དེའི་ཚེ་བཅོམ་ལྡན་འདས་ཀྱིས་སངས་རྒྱས་ཀྱི་ཞིང་བསྐུལ་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་བཞུགས་སོ།། དེ་མ་ཐག་ཏུ་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཐམས་ཅད་རབ་ཏུ་གཡོས་སོ།། ལྷའི་ཙན་དན་གྱི་ཕྱེ་མ་དང་མེ་ཏོག་གི་ཆར་དཔག་ཏུ་མེད་པ་བབ་བབསསོ།། དེ་བཞིན་གཤེགས་པ་བདུན་འཁོར་དང་བཅས་པ་ཡང་འཇིག་རྟེན་ཁམས་འདིར་གཤེགས་ཏེ། དེ་བཞིན་གཤེགས་པའི་སྔོན་གྱི་དགེ་བའི་རྩ་བ་ལས་བྱུང་བའི་སེང་གེའི་ཁྲི་ལ་བཞུགས་ཤིང་། བྱང་ཆུབ་སེམས་དཔའ་ཐམས་ཅད་ཀྱིས་ནི་བསྐོར། ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མིའམ་ཅི་དང་། ལྟོ་འཕྱེ་ཆེན་པོ་དང་། རྒྱལ་པོ་དང་། བློན་པོ་དང་། བྲམ་ཟེ་དང་། ཁྱིམ་བདག་རྣམས་ཀྱིས་ཡོངས་སུ་བསྐོར་པར་གྱུར་ཏོ།། དེ་ནས་སངས་རྒྱས་ཀྱི་མཐུས་འཇམ་དཔལ་གཞོན་ནུར་གྱུར་པ་སྟན་ལས་ལངས་ཏེ། ཐལ་མོ་སྦྱར་ནས་འདི་སྐད་ཅེས་གསོལ་ཏོ།། དེ་བཞིན་གཤེགས་པ་ཐམས་ཅད་དགོངས་སུ་གསོལ། སེམས་ཅན་ཐམས་ཅད་ཀྱི་སྡིག་པ་ཐམས་ཅད་སྦྱང་བ་དང་། ནད་ཐམས་ཅད་བསལ་པ་དང་། རེ་བ་ཐམས་ཅད་བསྐང་དུ་གསོལ། ཞེས་གསོལ་པར་བདག་ཅག་གི་སྟོན་པས་དེ་བཞིན་གཤེགས་པ་བརྒྱད། ཡུམ་ཆེན་མོ། འཇམ་དཔལ་ལ་སོགས་པ་བྱང་ཆུབ་སེམས་དཔའ་བཅུ་དྲུག མཆོག་ཟུང་། ཚངས་པ། བརྒྱ་བྱིན། རྒྱལ་ཆེན་བཞི། ཀླུའི་དགེ་བསྙེན། གནོད་སྦྱིན་གྱི་སྡེ་དཔོན་བཅུ་གཉིས་རྣམས་ལ་ཕྱག་འཚལ་བ་གསུངས་པའི་རྗེས་ཐོགས་སུ། སྨན་བླ་མཆེད་བདུན་བདག་ཅག་གི་སྟོན་པ་བཅས་གསུང་དབྱངས་གཅིག་གིས་གཟུངས་ཀྱི་ཚིག་བཀའ་བསྩལ་པ། དེའི་དུས་སུ་རྒྱུད་གསུངས་བྱས་ན་ལུང་གོང་གསལ་ལས་བཙན་པ་ཙམ་མཆིས་ཏེ། རྒྱུད་རང་གི་དངོས་བསྟན་ལྟར་ན། དྲང་སྲོང་གི་གནས་སྨན་གྱི་གྲོང་ཁྱེར་ལྟ་ན་སྡུག ཅེས་བྱུང་བ་གཞོན་ནུ་དོན་ཐམས་ཅད་གྲུབ་པ་བལྟམས་ནས་ཡུན་མི་རིང་བ་ན། རྒྱ་ཆེ་རོལ་པར་རིའི་རྒྱལ་པོ་གངས་རིའི་ངོས་ནས་དྲང་སྲོང་ནག་པོས་མཚན་བརྟགས་པ་དང་། ཕྲན་ཚེགས་ལྟར་ནི་ར་ཀི་སྐིན་ད་ན་ནས་དྲང་སྲོང་མི་དཀར་བས་མཚན་བརྟགས་པ། འདུལ་བ་གཞི་དང་མངོན་འབྱུང་མཐུན་པ་ལྟར་ན་རི་བོ་ཀུན་འཛིན་ཞེས་བྱ་བར་གནས་པའི་དྲང་སྲོང་ཉོན་མོངས་མེད་འཁོར་དང་བཅས་པ་སེར་སྐྱར་འོངས་ཏེ། རྒྱལ་བུའི་མཚན་བལྟས་ནས། ས་བདག་རྟོག་པ་བོ་རྣམས་བློ་འཁྲུལ་ཏེ། རྩོད་པའི་དུས་ན་འཁོར་ལོ་བསྒྱུར་མི་འབྱུང་། ཞེས་སོགས་མངོན་པར་རྫོགས་པར་འཚང་རྒྱ་བར་ལུང་བསྟན་པ་དང་། གྲོང་ཁྱེར་སེར་སྐྱ་དང་དཔག་ཚད་བཅུ་གཉིས་ཀྱིས་བར་ཆོད་པ་ན་དྲང་སྲོང་ངན་སྤོང་གི་གནས་མེ་ཏོག་དང་འབྲས་བུ་ལ་སོགས་པ་ཕུན་སུམ་ཚོགས་པ་ཞིག་ཡོད་པ་དེར་ཤིང་ཏ་ལ་རྣམས་ལོ་བཅུ་གཉིས་ཀྱི་བར་གསེར་གྱི་མེ་ཏོག་དང་འབྲས་བུར་ལྡན་པར་གྱུར་པ་གཞོན་ནུ་དོན་གྲུབ་རབ་ཏུ་བྱུང་བའི་ཉིན་མོ་ནས་ཤིང་ཕལ་བར་གྱུར་པ། དཀའ་བ་སྤྱོད་པའི་བྱ་རྒོད་ཕུང་བོའི་རི་དང་ཧ་ཅང་མི་རིང་བ་དྲང་སྲོང་རྣམས་ཀྱི་བསྟི་གནས་སུ་གཤེགས་ཏེ། རྐང་པ་ཡ་གཅིག་འགྲེང་བ་དང་། མེ་ལྔས་གདུང་བ་སོགས་དཀའ་བ་ཉིས་འགྱུར་དུ་མཛད་པ། ཆོ་འཕྲུལ་ཆེན་པོ་བསྟན་པའི་ཚེ་ནགས་ཚལ་ཞིག་ན་དྲང་སྲོང་ལྔ་བརྒྱ་ཡོད་པ་མུ་སྟེགས་སྟོན་པ་དྲུག་གིས་གྲོགས་སུ་སྦྲན་པ་བདེན་པ་མཐོང་བ། མཉན་ཡོད་དང་ཉེ་བའི་ནགས་ཁྲོད་གཅིག་ན་དྲང་སྲོང་ལྔ་བརྒྱ་གནས་པ་སྦྱིན་སྲེག་བྱེད་པའི་ཚེ། སྟོན་པས་དེ་དག་གི་ཐབ་ནང་དུ་ཞབས་རྗེས་རེ་སྤྲུལ་ཅིང་མེ་སྤོར་མི་ནུས་པར་བྱིན་གྱིས་བརླབས་པ། ཁྱིམ་བདག་གདངས་གདེངསཅན་གྱི་ལོ་རྒྱུས་སྐབས་ལྷོ་ཕྱོགས་ནས་དྲང་སྲོང་ལྔ་བརྒྱ་ཡུལ་དབུས་སུ་མགོན་མེད་ཟས་སྦྱིན་གྱི་སར་འོངས་པ་བཅོམ་ལྡན་འདས་ལ་ཚུར་ཤོག་གི་བསྙེན་པར་རྫོགས་པ། སྟོན་པའི་སྐུ་ཚེའི་སྨད་བསྟན་པ་འོད་སྲུང་ལ་གཏོད་པར་ཉེ་བའི་དུས་ཨུ་དུམ་པའི་ནགས་སུ་བཞུགས་ཏེ་ཉིན་པར་རྫིང་བུ་དལ་འབབ་ཀྱི་འགྲམ་ན་ཕེབས་པ་དང་། དྲང་སྲོང་ཀེ་ནའི་བུ་འཁོར་དང་བཅས་པ་དེར་གནས་པས་ཆོས་ཉན་ནས་ཕྱིར་མི་འོང་བ་ཐོབ་པ་དང་། དྲང་སྲོང་རི་བོ་འཁོར་ལྔ་བརྒྱ་དང་བཅས་པ་མཆོག་ཏུ་དད་དེ་བསྙེན་པར་རྫོགས་པ་སོགས་བདག་ཅག་གི་སྟོན་པའི་སྐུ་རིང་ལ་འཕགས་ཡུལ་དུ་དྲང་སྲོང་གི་གནས་མང་དུ་ཡོད་ཅིང་འཁོར་ཡང་ཇི་སྙེད་ཅིག་འདུས་པར་གསུངས་པར་མ་ཟད། སངས་རྒྱས་ཀྱི་བཀའ་རྒྱ་མཚོ་ལྟ་བུ་ནས་ཆུ་ཐིགས་ཙམ་གངས་ཅན་དུ་འགྱུར་བར་ཡང་དྲང་སྲོང་རྒྱས་པས་ཞུས་པའི་མདོ་ཡོད་པ་སོགས་ནས་དྲང་སྲོང་ལྷུང་བ་རི་དྭགས་ཀྱི་ནགས་སམ་ཨུ་དུམ་པའི་ནགས་སོགས་དྲང་སྲོང་གི་གནས་སུ་སྟོན་པ་ཤཱཀྱ་ཐུབ་པ་སྨན་བླར་བཞེངས་ཏེ་རི་དང་གྲོང་ཁྱེར་གཞལ་མེད་ཁང་སོགས་དེར་འདུས་ཀྱི་འཁོར་གྱི་སྣང་ངོར་གསར་དུ་སྤྲུལ་ནས་གསུངས་སོ་ཞེས་སྨྲས་ཀྱང་ཀླན་ཀ་འཇུག་པའི་ཡུལ་མིན་པ་དང་། བློན་པོ་བཀའ་ཐང་གི་ལེའུ་ཉེར་བཞི་པར། ནད་ཀྱིས་ཟིན་པ་སྨན་གྱིས་གསོ་བ་ལཿ སངས་རྒྱས་སྨན་བླ་འཚོ་བྱེད་གཞོན་ནུ་ཡིསཿ རྒྱ་གར་པདྨ་ཅན་གྱི་ཡུལ་ཁམས་ནསཿ བདུད་རྩི་སྙིང་པོའི་རྒྱུད་དང་མན་ངག་རྒྱུདཿ ཅེས་འཕགས་ཡུལ་པདྨ་ཅན་དུ་བཤད་པའང་ཡོད་མོད། འོན་ཏེ་བདག་གི་བླ་མ་ངེས་པ་དོན་གྱི་ཐམས་ཅད་མཁྱེན་པ་ངག་དབང་བློ་བཟང་རྒྱ་མཚོའི་གསན་ཡིག་གངྒཱའི་ཆུ་རྒྱུན་དང་། བཅའ་བསྐོ། དཀར་ཆག་རྣམས་སུ་ཨོ་རྒྱན་གྱི་ཡུལ་ཁོ་ནར་བཞེད་ཅིང་། ཟུར་མཁར་བློ་གྲོས་རྒྱལ་པོས། ཨོ་རྒྱན་གྱི་ཡུལ་དུ་འདོད་པ་ནི་གཞུང་འདི་གསང་སྔགས་ཀྱི་རྒྱུད་དུ་བཟུང་བས་ནོངས་པ་ཡིན་ཏེ་རྒྱུད་ཕལ་ཆེར་གསུངས་པའི་གནས་ཨོ་རྒྱན་ཡིན་པར་བསམས་པའི་ཕྱིར་རོ།། ཞེས་པ་ནི་སྒྲུབ་བྱེད་མ་དགོངས་པར་དགག་པ་མཛད་པ་སྟེ། རྒྱུད་གསུངས་སར་ངེས་པ་ཅི་ཡོད། རྣམ་སྣང་མངོན་བྱང་ལྟ་བུ་རི་རབ་ཀྱི་རྩེ་དང་དུས་འཁོར་དུ་རྒྱུད་ཐམས་ཅད་དཔལ་ལྡན་འབྲས་སྤུངས་ཀྱི་མཆོད་རྟེན་དུ་གསུངས་པར་བཤད་པས་མཐའ་མ་བཀག་ཅིང་། གསོ་བ་རིག་པའི་རྒྱུད་འདི་ཉིད་སྡེ་སྣོད་དུ་བསྡུ་དུས་མདོ་སྡེའི་སྡེ་སྣོད་དུ་བསྡུ་བར་བཞེད་པ་དང་། སྨན་མདོ་བརྒྱད་བརྒྱ་བ་བྱ་རྒྱུད་ཡིན་པས་བྱ་རྒྱུད་དུ་བཞེད་པ་དེ་དག་ལ་བདག་བསྐྱེད་ཀྱི་སྐོར་དགག་བཞག་དུ་མ་ཞིག་ཡོད་མོད་དེ། རྗེ་བླ་མས་བཅའ་བསྐོར། ཟབ་མོ་སྙིང་ཏིག་དང་འབྲེལ་བ་སོགས་བྱ་རྒྱུད་དུ་འགྲེལ་བའི་ངལ་བ་མི་དགོས་པར་བསྐྱེད་པ་མཧཱ་ཡོ་གའི་སྒྲུབ་སྡེ་བརྒྱད་ཀྱི་ནང་ནས་ཆེ་མཆོག་བདུད་རྩིའི་རྒྱུད་ཀྱི་སྡེ་ཚན་དུ་བཞུགས་ཞེས་བཀའ་བསྩལ་པ་ལྟར་གོང་དུ་བརྗོད་པ་བཞིན་ཨོ་རྒྱན་གྱི་ཡུལ་ཁོ་ན་ཡིན་ལ། དུས་ཀྱང་གསེར་འོད་དམ་པའི་ལེའུ་ཉེར་བཞི་པར་སྔོན་སངས་རྒྱས་རིན་ཆེན་གཙུག་ཏོར་ཅན་གྱི་བསྟན་པ་ལ། ཤཱཀྱ་ལག་ན་བེ་ཅོན་རྒྱལ་པོ་ལྷའི་དབང་ཕྱུག་འོད་དང་། ཡབ་ཟས་སྲསགཙང་མ་ཚོང་དཔོན་རལ་བ་འཛིན་ཞེས་བྱ་བ་སྨན་པ་གསོ་བར་བྱེད་པ་ཁམས་ལ་མཆོག་ཏུ་མཁས་པ། ཚེའི་རིག་བྱེད་ཡན་ལག་བརྒྱད་ཀྱི་རྒྱུད་དང་ལྡན་པ་དང་། བདག་ཅག་གི་སྟོན་པ་ཚོང་དཔོན་དེའི་སྲས་ཁྱེའུ་ཆུ་འབེབས་རྣམས་སུ་གྱུར་པའི་ཚེ། ཡུལ་དེའི་སེམས་ཅན་རྣམས་ལ་རིམས་ནད་དྲག་པོ་བྱུང་བས་ཁྱེའུ་ཆུ་འབེབས་

X