//不能复制 // >
ཁྱེད་ཀྱི་གནས་ཡུལ། > གཙོ་ངོས། > ཡིག་ཚགས། > སྡེ་སྲིད་ཁོག་འབུབས། > ནང་དོན།

(1) སྟོན་པ་སངས་རྒྱས་པའི་ལུགས།

ཇུས་འགོད་པ། zhuomacao རྩོམ་སྒྲིག་པ། དུས་ཚོད། 2016-05-30 9:15:59 ཀློག་གྲངས། 33 

ཀྱིས་ཡབ་ཚོང་དཔོན་རལ་བ་འཛིན་ལ་སྨན་དཔྱད་རྣམས་གསན་པའི་སྔོན་བྱུང་བྱ་རྒོད་ཕུང་བོའི་རིར་རིགས་ཀྱི་ལྷ་མོ་བྱང་ཆུབ་ཡང་དག་པར་བསྡུས་པ་ལ་གསུངས་པའི་སྔ་ཕྱི་ཙམ་དུ་ཡིན་ལ། དེ་ཡང་གླེང་གཞིར་བྱང་ཆུབ་སེམས་དཔའ་མཛེས་པའི་ཏོག་བཅོམ་ལྡན་འདས་ཤཱཀྱ་ཐུབ་པ་དགུང་ལོ་བརྒྱད་ཅུ་ཞིག་ཐུབ་སྟེ་འདི་ལྟར་སྐུ་ཚེ་ཐུང་སྙམ་པའི་རྟོག་པ་སྐྱེས་པ་དང་། སློབ་དཔོན་ལུང་སྟོན་པ་བྲམ་ཟེ་ཀོའུ་དི་ནྱ་ཞེས་བྱ་བས་དེ་བཞིན་གཤེགས་པ་ཡོངས་སུ་མྱ་ངན་ལས་འདའ་བའི་སྒྲ་ཐོས་ནས་ཡུངས་འབྲུ་ཙམ་གྱི་རིང་བསྲེལ་སྩོལ་པར་གསོལ་བ་སོགས་སྣང་གཤིས་མཆོག་ཟུང་མྱ་ངན་ལས་མ་འདས་པའི་གོང་ཙམ་སྟོན་པའི་སྐུ་ཚེའི་སྨད་ཆར། དཔལ་ཨྃ་ཌཱ་ཡ་ནའི་ཡུལ་དྲང་སྲོང་གི་གནས་སྨན་གྱི་ནགས་དེའི་དབུས་རི་བོ་ངོས་བཞི་པ་རྒྱར་དཔག་ཚད་བརྒྱད་དང་དཔངས་སུ་གསུམ་དང་ལྡན་པའི་རི་དེ་དག་གི་རྩེ་མོར་སྟོན་པས་གསར་དུ་སྤྲུལ་པའི་གནས་ལག་མཐིལ་ལྟར་མཉམ་པ་གསེག་མ་ལ་སོགས་པ་མ་དག་པའི་རྫས་མེད་པ་ཁྱོན་ཡངས་ཤིང་ཐ་གྲུ་མཉམ་པ་རྣམ་པ་ཀུན་ཏུ་འོད་དང་འོད་ཟེར་འཕྲོ་བ་ཉིན་མཚན་གྱི་སྣང་བ་མེད་པ་ས་གཞི་དེ་ཉིད་མནན་ན་ནེམ་ནེམ་ཞིང་བཏེག་ན་འཕར་བ། བདུག་སྤོས་ཀྱི་དྲི་མངར་ངདཔ། དེའི་དབུས་ན་སྨན་གྱི་གྲོང་ཁྱེར་ལྟ་ན་སྡུག་ཅེས་བྱ་བ་མིའི་རིན་པོ་ཆེ་གསེར་དང་དངུལ་མུ་ཏིག་དཀར་དམར་བཻ་ཌཱུཪྻ་སོགས་ཡིད་བཞིན་གྱི་ནོར་བུ་རིན་པོ་ཆེ་སྣ་ལྔ་ལས་ཡོངས་སུ་གྲུབ་པའི་གཞལ་ཡས་ཁང་གྲུ་བཞི་སྒོ་བཞི་པ་རྒྱན་རྩིག་པ་རིམ་པ་ལྔ་དང་ལྡན་པ་སྒོ་རེ་ན་རྒྱལ་ཆེན་རེ་ཡོད་དེ་གཞལ་ཡས་ཁང་དེའི་རྒྱན་ནི་སྨན་གྱི་ནོར་བུ་རིན་པོ་ཆེ་རྣམ་པ་སྣ་ཚོགས་པས་བརྒྱན་པ་སྟེ་མདའ་ཡབ་པུ་ཤུ་ལྷའི་རིན་པོ་ཆེ་སྣ་ལྔས་དྲ་བ་དྲ་ཕྱེད་མིག་མངས་རིས་སུ་བྱས་པ། བྱང་ཆུབ་སེམས་དཔའི་རིན་པོ་ཆེ་སྣ་ལྔས་ཐོག་གི་རྒྱལ་མཚན་དང་གྷ་ཊ་རྣམས་ཀྱི་ཏོག་ལ་སོགས་པ་བྱས་པ་འོད་དང་འོད་ཟེར་དུས་ཀུན་ཏུ་འཕྲོ་བ་ཕྱི་བལྟས་ནང་གསལ་བ་དང་ནང་བལྟས་ཕྱི་གསལ་བ་སྟེ་དཔལ་མགོན་འཕགས་པ་ཀླུ་སྒྲུབ་ཀྱིས། མིའི་ནོར་བུ་རིན་པོ་ཆེ་ནི་ཡོངས་སུ་དག་པའི་ཁ་དོག་དང་ལྡན་པས་དུག་དང་གདོན་དང་མུན་པ་དང་སྐྲངས་པ་དང་ཚ་བ་ལ་སོགས་པའི་སྡུག་བསྔལ་སེལ་པར་བྱེད་པས་ན་ཡོན་ཏན་གྱི་ཁྱད་པར་བདུན་དང་ལྡན་པ། ལྷའི་ནོར་བུ་རིན་པོ་ཆེ་ལ་ཡོན་ཏན་སྔ་མ་རྣམས་ཀྱི་སྟེང་དུ་རྟག་པར་ལྷའི་ལུས་ཀྱི་རྗེས་སུ་འབྲང་བ་དང་། ཡང་དག་པ་དང་། སྨྲ་བར་རུང་བ་དང་། ཡང་ཞིང་མི་ལྕི་བ་སྟེ་ཡོན་ཏན་བཅུ་གཅིག་དང་ལྡན་ཞིང་། བྱང་ཆུབ་སེམས་དཔའི་ནོར་བུ་རིན་པོ་ཆེ་དེ་ལ་ནི། སྔ་མའི་ཡོན་ཏན་བཅུ་གཅིག་གི་སྟེང་དུ། སེམས་ཅན་རྣམས་ཀྱི་འཆི་འཕོ་བ་རྟོགས་པ་དང་། སྐྱེ་བའི་མཐའ་ཤེས་པ་དང་ཆོས་ཀྱི་སྒྲ་སྐད་སྣ་ཚོགས་པ་འབྱུང་བ་སྟེ་ཡོན་ཏན་གྱི་ཁྱད་པར་བཅུ་བཞི་དང་ལྡན་པའོ།། ཞེས་གསུངས་པ་ལྟར་ནོར་བུའམ་རིན་པོ་ཆེ་དེ་རྣམས་ཀྱི་མཐུ་དང་ནུས་པ་དེས་ནི་རླུང་གི་ནད་དང་མཁྲིས་པའི་ནད་དང་བད་ཀན་གྱི་ནད་དང་ལྡན་པའི་ནད་དང་འདུས་པའི་ནད་ལས་གྱུར་པའི་ནད་བཞི་བརྒྱ་རྩ་བཞི་ཐམས་ཅད་སེལ་པར་བྱེད་པ་སྟེ། དེ་ཡང་ཚ་བའི་ནད་རྣམས་ལ་དེའི་ནུས་པ་བསིལ་དུ་གྱུར་པ་ནས་ཚ་བ་སེལ་པ། གྲང་བའི་ནད་རྣམས་ལ་དེའི་ནུས་པ་དྲོད་དུ་གྱུར་པ་ནས་གྲང་བ་སེལ་པ། ལུས་དང་བསམ་པ་ལ་བར་དུ་གཅོད་པའི་བགེགས་རིགས་སྟོང་ཕྲག་བརྒྱད་ཅུ་ཞི་བར་བྱེད་པ་སོགས་མི་མཐུན་པ་མཐའ་དག་ལས་སྲུང་ཞིང་སྐྱོབ་པ་དང་། མཐུན་པའི་རྐྱེན་རང་རང་གི་ཡིད་ལ་ཇི་ལྟར་བསམས་པའི་དགོས་འདོད་ཐམས་ཅད་ཡིད་བཞིན་དུ་འགྲུབ་པར་བྱེད་པའི་རིན་པོ་ཆེའི་གཞལ་ཡས་ཁང་མཆོག་ཏུ་གྱུར་པ་དག་ཡོད་དོ།།གྲོང་ཁྱེར་གྱི་ལྷོ་ན་ཉི་མའི་སྟོབས་ལྡན་རི་ལ་གྲང་ནད་སེལ་བའི་དྲོད་སྨན་གྱི་རིགས་དང་། བྱང་ཕྱོགས་ན་ཚད་ནད་སེལ་བའི་བསིལ་སྨན་གྱི་རིགས། ཤར་དུ་ཨ་རུ་རྣམ་པ་ལྔའམ་བདུན། ནུབ་ཏུ་བཟང་པོ་དྲུག་ཅོང་ཞི་དང་བྲག་ཞུན་སོགས་ཆུ་ཚན་དང་སྨན་ཆུ་རིགས་ལྔ། སྨན་གྱི་ལྗོན་ཤིང་གི་རྩེ་ན་སྐད་སྙན་པར་སྒྲོག་པའི་བྱ་དང་། རྩ་བ་ན་གླང་བོ་ཆེ་དང་དོམ་གླ་བ་སོགས་སྨན་བཟང་པོ་ལུས་ལ་ཡོད་པའི་སྲོག་ཆགས་དང་ལྡན་པའི་ནགས་ཚལ་གྱིས་བསྐོར་པའི་དབུས་སུ་གཞལ་ཡས་ཁང་མཚན་ཉིད་དང་ལྡན་པ་དེའི་ནང་ན་ནོར་བུ་སྣ་ཚོགས་དང་། བཻ་ཌཱུརྱ་དཀར་སེར་སྔོའི་ཁྲི་སེང་གེ་དང་གླང་བོ་ཆེ་རྟ་མཆོག་ཁྱུང་དང་རྨ་བྱས་བཏེག་པའི་སྟེང་དུ་ལྷའི་གོས་རིན་ཐང་མེད་པའི་གདན་ལ་ཆོས་གསུང་བའི་སྟོན་པ་ནི། སྤྱིར་སྨན་བླ་ཞེས་པ་ལ་སྨན་མདོ་བརྒྱད་བརྒྱ་བ་ཆེ་ཆུང་གཉིས་སུ། འཇམ་དཔལ་སངས་རྒྱས་ཀྱི་ཞིང་འདི་ནས་ཤར་ཕྱོགས་སུ་སངས་རྒྱས་ཀྱི་ཞིང་གངྒཱའི་ཀླུང་གི་བྱེ་མ་སྙེད་འདས་པ་ན། ཞེས་པ་ནས། ལྷ་དང་མི་རྣམས་ཀྱི་སྟོན་པ་སངས་རྒྱས་བཅོམ་ལྡན་འདས་བཻ་ཌཱུརྱ་འོད་ཀྱི་རྒྱལ་པོ་ཞེས་བྱ་བ་བཞུགས། ཞེས་པའི་བདེ་གཤེགས་བདུན་གྱི་གཙོ་བོའི་སྨན་བླ་དང་། བསྐལ་བཟང་གི་སངས་རྒྱས་སྟོང་གི་ནང་ཚན་གྱི་སྨན་བླ་དང་འཇམ་དཔལ་སྒྱུ་འཕྲུལ་དྲ་བ་ལས་བཤད་པའི་སྨན་བླ། བདག་ཅག་གི་སྟོན་པ་ཟས་གཙང་གི་སྲས་པོ་སྨན་བླར་བཞེད་མིན། དེ་དག་སྤྲུལ་ལོངས་ཀྱི་ཁྱད་པར། སྐུ་མདོག་བཻ་ཌཱུརྱ་སྟེ་སྔོན་པོར་བཟུང་བ་མཚན་དཔེ་ཚང་མི་ཚང་སོགས་དོགས་གཞི་དང་བཤད་ཁུངས་མང་ཙམ་སྣང་སྟེ་འདིར་ཚོགས་ཆེ་བས་གཞན་དུ་སྨྲས་ལ། ངེས་པའི་དོན་དུ་མདོ་དཀོན་ཅོག་འབྱུང་གནས་ཀྱི་བམ་པོ་བདུན་པ་ལས། འཇམ་དཔལ་དེ་ལྟ་བུའི་རྣམ་གྲངས་སུ་གང་སངས་རྒྱས་ཀྱི་ཞིང་ཐ་དད་པ་རྣམས་སུ་སངས་རྒྱས་ཀྱི་བྱ་བ་བྱེད་པའི་ཚེ། ང་ལ་སེམས་ཅན་རྣམས་ཀྱིས་མིང་ཐ་དད་པར་ཤེས་པ་ནི་བསྐལ་བར་སྨྲས་ཀྱང་ཤར་གྱི་ཕྱོགས་ཆའི་སངས་རྒྱས་ཀྱི་ཞིང་གི་མཐའ་རྟོགས་པར་མི་ནུས་སོ།། དེ་བཞིན་དུ་ཕྱོགས་ཆ་གཞན་ཐམས་ཅད་ཀྱི་སངས་རྒྱས་ཀྱི་ཞིང་དུ་ང་ལ་སེམས་ཅན་རྣམས་ཀྱིས་མིང་ཐ་དད་པའི་དེ་བཞིན་གཤེགས་པར་ཤེས་པ་ཡང་བརྗོད་དུ་མེད་པའི་བསྐལ་བར་སྨྲས་ཀྱང་སངས་རྒྱས་ཀྱི་ཞིང་ཐ་དད་པའི་མཐའ་བདེ་བར་མི་རིག་གོ། ཞེས་དང་། དཔའ་བར་འགྲོ་བའི་ཏིང་ངེ་འཛིན་གྱི་མདོའི་བམ་པོ་བཞི་པ་ལས། སངས་རྒྱས་ཀྱི་ཞིང་འདི་ནས་སངས་རྒྱས་ཀྱི་ཞིང་གངྒཱའི་ཀླུང་གི་བྱེ་མ་སྙེད་དྲུག་ཅུ་འདས་པའི་སྟེང་གི་ཕྱོགས་སུ་འཇིག་རྟེན་གྱི་ཁམས་སྒྲོན་མ་གཅིག་པ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམ་པར་འཕྲུལ་པའི་རྒྱལ་པོ་བཞུགས་པའི་རྒྱུ་མཚན་འཇམ་དབྱངས་ཀྱིས་བདག་ཅག་གི་སྟོན་པར་ཞུས་པས། སངས་རྒྱས་བཅོམ་ལྡན་འདས་རྣམས་ཀྱི་སངས་རྒྱས་ཀྱི་གནས་པ་ཡང་བསམ་གྱིས་མི་ཁྱབ་སྟེ། སངས་རྒྱས་དེ་ནི་ང་ཉིད་ཡིན་ནོ།། འཇམ་དཔལ་དེ་ལྟར་ན་སངས་རྒྱས་ཀྱི་ཞིང་བྱེ་བ་ཁྲག་ཁྲིག་བརྒྱ་སྟོང་དུ་ངའི་ཡུལ་འཇུག་གོ། དེར་ནི་ཉན་ཐོས་དང་རང་སངས་རྒྱས་ཐམས་ཅད་ཀྱིས་མི་ཆུད་དོ།། ཞེས་དང་། བམ་པོ་ལྔ་པར། ཤར་ཕྱོགས་སུ་སངས་རྒྱས་ཀྱི་ཞིང་འདི་ནས་སངས་རྒྱས་ཀྱི་ཞིང་སུམ་ཁྲི་ཉིས་སྟོང་འདས་པ་ན། འཇིག་རྟེན་གྱི་ཁམས་རྣམ་པར་སྤུད་པ་ཞེས་བྱ་བར་དེ་བཞིན་གཤེགས་པ་རྣམ་པར་སྣང་མཛད་འོད་ཟེར་གྱིས་བརྒྱན་པ་ཞེས་བྱ་བ་བཞུགས་པ་དེ་ཡང་ང་ཉིད་ཡིན་ནོ།། ཞེས་སོགས་ཐེག་ཆེན་གྱི་མདོ་སྡེ་ཕལ་ཆེར་ལས་ཕྱོགས་མཚུངས་སུ་གསུངས་པ་དང་། ཕ་རྒྱུད་འདུས་པའི་འགྲེལ་བ་ཟླ་བ་གྲགས་པས་མཛད་པའི་སྒྲོན་གསལ་དུ་གསང་བ་རྣལ་འབྱོར་ཆེན་པོའི་ལུང་དྲངས་པ་ལས། འདི་ལྟ་སྟེ། འཇམ་དཔལ་ནི་རྒྱལ་པོ་ཟས་གཙང་མ། ཞེས་སོགས་ནས། རྣམ་པར་སྣང་མཛད་ཆེན་པོ་ནི་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པར་གྱུར་ཏོ།། ཞེས་གཞི་དང་སྙིང་པོ་མེ་ཏོག་གིས་བརྒྱན་པའི་ཞིང་ཁམས་རྒྱ་མཚོ་ཞེས་བྱ་བ་དེའི་ནང་དུ་མ་འཐུས་པའི་སངས་རྒྱས་ཀྱི་ཞིང་གི་རྣམ་གཞག་མེད་ཅིང་། དེ་དག་ཐམས་ཅད་དུ་བཞུགས་པའི་སྐུའི་བཀོད་པ་མཐའ་ཡས་པ་རྣམས་ནི་ལོངས་སྤྱོད་རྫོགས་སྐུ་གཅིག་པུ་དེ་ལས་འཕྲོས་པའི་ཕྱིར་སྟོན་པ་ཉིད་ཀྱི་རྣམ་པར་འཕྲུལ་

X