//不能复制 // >
ཁྱེད་ཀྱི་གནས་ཡུལ། > གཙོ་ངོས། > ཡིག་ཚགས། > སྡེ་སྲིད་ཁོག་འབུབས། > ནང་དོན།

(1) སྟོན་པ་སངས་རྒྱས་པའི་ལུགས།

ཇུས་འགོད་པ། zhuomacao རྩོམ་སྒྲིག་པ། དུས་ཚོད། 2016-05-30 9:15:59 ཀློག་གྲངས། 33 

བ་འབའ་ཞིག་ནས། མཆེད་བདུན་པོ་སྨན་བླ་ཡིན་མིན་དང་། སྨན་བླ་ཞེས་གཅིག་ལ་དམིགས་ཀྱིས་བསལ་ནས་བཤད་ཁུངས་གཞན་རྣམས་ཀྱི་སྨན་བླ་དང་གཅིག་མི་གཅིག་སོགས་ཀྱི་དོགས་པ་མ་དགོས་ཤིང་། སྣང་ཚུལ་གྱི་དབང་ཡང་། སྟོང་ཆེན་རབ་འཇོམས་ཀྱི་མདོ་ལས། རྫོགས་སངས་རྣམ་པར་སངས་རྒྱས་ཚེ།། འཇིག་རྟེན་སྐྱོང་བའི་ཕྱོགས་བཞི་ནས།། སྣོད་བཞི་དག་ནི་བླངས་ནས་སུ།། བདེ་བར་གཤེགས་ལ་ཕུལ་པ་དང་།། མཐུ་ཡིས་གཅིག་ཏུ་སྤྲུལ་མཛད་པ།། ལྷ་ཡི་སྣོད་མཆོག་དེ་དང་ནི།། བདུད་རྩི་འདྲ་བའི་སྨན་གྱི་མཆོག། སྟོན་པའི་ཕྱག་ན་བསྣམས་གྱུར་པ།། བདེན་པའི་ཚིག་ནི་དེ་དག་གིས།། སྨན་རྣམས་བདུད་རྩིར་འགྱུར་བར་ཤོག། དེ་བཞིན་ལྷ་མོ་འཕྲོག་མ་ཡིས།། ལྷ་རྫས་དགེ་བ་ཨ་རུ་ར།། བླངས་ནས་སྟོན་ལ་རབ་ཕུལ་པ།། བདུད་རྩི་འདྲ་བའི་སྨན་མཆོག་བསྣམས།། བདེན་པའི་ཚིག་ནི་དེ་དག་གིས།། ནད་པ་རྣམས་ཀྱི་ནད་གསོས་ཤིང་།། ཉེས་པ་ཐམས་ཅད་འཕྲོག་བྱེད་པ།། སྨན་རྣམས་བདུད་རྩིར་འགྱུར་བར་ཤོག། ཅེས་སྨན་བླར་དངོས་སུ་བསྟན་པ་དང་། སྒྱུ་མ་ལྟ་བུའི་ཏིང་ངེ་འཛིན་གྱི་མདོ་ལས། འདུལ་བའི་དོན་དུ་གཟུགས་ཀྱི་རྣམ་པ་མཐའ་ཡས་སྟོན།། ཅེས་དང་། ཟུང་གི་མདོ་ལས། ཀུན་ཏུ་དཔའ་བ་ངས་སེམས་ཅན་རྣམས་ཇི་ལྟ་བུའི་གཟུགས་ཀྱི་འདུལ་བ་དེ་དང་དེ་ལྟ་བུའི་ཆོས་བསྟན་ཏེ། ཞེས་དང་། འཇམ་དཔལ་གྱིས་དྲིས་པའི་མདོ་ལས། དེ་བཞིན་གཤེགས་པ་ནི་སྐུས་འཇིག་རྟེན་ཐམས་ཅད་ཁྱབ་པ་ཡིན་ཏེ། ཁ་དོག་དང་། དབྱིབས་དང་། སྤྱོད་པའི་བྱེ་བྲག་གང་དང་གང་གིས་འདུལ་སེམས་ཅན་རྣམས་འདུལ་པར་འགྱུར་བའི་ཁ་དོག་དང་དབྱིབས་དང་སྤྱོད་པའི་བྱེ་བྲག་དེ་དང་དེ་ལྟ་བུར་དེ་བཞིན་གཤེགས་པ་སེམས་ཅན་རྣམས་ཀྱིས་མཐོང་ངོ་།། ཞེས་དང་། རྗེ་བཙུན་བྱམས་པས་ཐེག་པ་ཆེན་པོའི་བསྟན་བཅོས་མངོན་རྟོགས་རྒྱན་གྱི་སྐབས་བརྒྱད་པ་ལས། རྒྱུ་ནི་ཡོངས་སུ་སྨིན་གྱུར་ནས།། གང་དང་གང་ལ་གང་དང་ནི།། གང་ཚེ་བྱ་བ་ཕན་གྱུར་པ།། དེ་དང་དེ་ལ་དེ་སྣང་ངོ་།། ཞེས་དང་། མཉམ་སྦྱོར་ལེའུ་ལྔ་པ་ལས། སེམས་ཅན་རྣམས་ནི་འབུལ་པ་དང་།། བདེ་བ་ཐམས་ཅད་འགྲུབ་པའི་ཕྱིར།། བཅོམ་ལྡན་རྣལ་འབྱོར་དེ་ཉིད་ནི།། སངས་རྒྱས་ཐམས་ཅད་རྣམ་འཕྲུལ་བ།། ཞེས་དང་། ཡང་དག་སྒྲུབ་པ་གཅིག་པུ་ཉིད།། ཇི་ལྟར་འདོད་པ་བཞིན་དུ་སྣང་།། ཞེས་དང་། མངོན་བརྗོད་བླ་མའི་ལེའུ་སུམ་ཅུ་རྩ་ལྔ་པར། ཐམས་ཅད་མཁྱེན་ཅིང་ཐམས་ཅད་པ།། ཇི་ལྟར་འདོད་པའི་སྐུ་ལུས་འཆང་།། ཞེས་དང་། ཁྲོ་བོ་གཏུམ་པོའི་རྒྱུད་ཀྱི་རིམ་པར་ཕྱེ་བ་བཅུ་གཅིག་པ་ལས། གང་དང་གང་གི་གཟུགས་ཀྱི་ནི།། སེམས་ཅན་གདུལ་བྱར་ང་ཉིད་འཇུག། ཞེས་གང་ལ་གང་འདུལ་དེར་སྟོན་པར་མཛད་པ་ནི་དེ་བཞིན་གཤེགས་པའི་ཐབས་ལ་མཁས་པའི་ཡེ་ཤེས་ཀྱི་ཁྱད་པར་ཉིད་ཡིན་པར་གསུངས་སོ།། དེ་ལྟར་མ་ཡིན་ན་བསྟན་པ་གཅིག་ལ་སྟོན་པ་གཉིས་མི་འབྱུང་བ་དང་། གཞན་གྱི་འཁོར་དུ་ཀུན་དགའ་བོ་དང་འཚོ་བྱེད་གཞོན་ནུས་གསོས་སོགས་འཁོར་བཞི་འགལ་མེད་དུ་སྒྲུབ་པ་ལ་ཚེགས་ཆེ་བ་སོགས་ནས་བདག་ཅག་གི་སྟོན་པ་ཟས་གཙང་སྲས་པོ་བཅོམ་ལྡན་འདས་འཚོ་མཛད་སྨན་གྱི་བླ་བཻ་ཌཱུཪྻ་འོད་ཀྱི་རྒྱལ་པོ་ཞེས་བྱ་བའི་སྐུར་བཞེངས་ཏེ་སྐྱེ་རྒུའི་བདག་པོ་སོགས་ལྷའི་འཁོར་དང་། རྒྱུན་ཤེས་ཀྱི་བུ་སོགས་དྲང་སྲོང་གི་འཁོར། ཚངས་པ་སོགས་ཕྱི་བའི་འཁོར། སྤྱན་རས་གཟིགས་སོགས་ནང་པའི་འཁོར་མང་པོ་དང་བཅས་བཞུགས་པའི་དུས་སུ་སྐུ་གསུང་ཐུགས་ཡོན་ཏན་འཕྲིན་ལས་ལྔ་ནས་ཡེ་ཤེས་ལྔའི་རང་གདངས་མདངསཀྱི་སྤྲུལ་པའི་དྲང་སྲོང་མཆེད་ལྔ་འཕྲོས་ཏེ་གསུང་སྤྲུལ་གྱི་ཞུ་པ་བོ་དང་། གཞན་བཞིས་འཆད་པའི་ཚུལ་དུ་གསུངས་པ་རང་རང་གི་ལུགས་སུ་ལྷ་རྣམས་ཀྱིས་གསོ་དཔྱད་འབུམ་པར་གོ། དྲང་སྲོང་རྣམས་ཀྱིས་ཙ་ར་ཀ་སྡེ་བརྒྱད་དུ། ཕྱི་བ་རྣམས་ཀྱིས་དབང་ཕྱུག་ནག་པོའི་རྒྱུད་དུ་གོ། ནང་པ་རྣམས་ཀྱིས་རིགས་གསུམ་མགོན་པོའི་སྐོར་དུ་གོ་བ་མཇུག་དོན་ཡོངས་གཏད་ལས། བདེ་གཤེགས་རྣམས་ཀྱི་སྤྲུལ་པས་འགྲོ་དོན་དུ།། རྒྱ་གར་ཡུལ་དུ་སྨན་གྱི་སྦྱོར་བ་གསུངས།། རྒྱ་ནག་ཡུལ་དུ་མེ་བཙའ་རྩ་སྦྱོངས་གསུངས།། དོལ་བོའི་ཡུལ་དུ་གཏར་ཁ་གཙོ་བོར་བསྟན།། བོད་ཀྱི་ཡུལ་དུ་རྩ་ཆུའི་བརྟག་པ་བསྟན།། ལྷ་ཡི་འཁོར་ལ་གསོ་དཔྱད་འབུམ་པ་གསུངས།། དྲང་སྲོང་འཁོར་ལ་ཙ་ར་ཀ་སྡེ་བརྒྱད།། མུ་སྟེགས་འཁོར་ལ་དབང་ཕྱུག་ནག་པོའི་རྒྱུད།། ནང་པའི་འཁོར་ལ་རིགས་གསུམ་མགོན་པོའི་སྐོར།། གསོ་དཔྱད་རྒྱུད་འདིར་ཐམས་ཅད་འདུས་པར་བསྟན།། འདིར་མ་འདུས་པའི་གསོ་དཔྱད་གཞན་མེད་དེ།། འཕགས་པའི་ཐུགས་རྗེ་ཕྱོགས་རིས་མེད་མོད་ཀྱང་།། གང་ཟག་མོས་པའི་མཐོང་སྣང་སོ་སོར་ཤར།། དཔེར་ན་མཁའ་ལ་ཟླ་བ་གཅིག་ཤར་ན།། ཆུ་ཡི་སྐྱོགས་རེར་ཟླ་བ་རེ་རེ་བཞིན།། གཅིག་ཏུ་གསུངས་ཀྱང་སོ་སོས་དུ་མར་གོ། ཞེས་པ་ལྟར་དང་། སྣང་མཐའི་རང་གཟུགས་གསུང་སྤྲུལ་དྲང་སྲོང་ཡིད་ལས་སྐྱེས་ཉིད་ཀྱི་གོ་བར་བདུད་རྩི་སྙིང་པོ་ཡན་ལག་བརྒྱད་པ་གསང་བ་མན་ངག་རྒྱུད་ཅེས་པའི་བཤད་རྒྱུད་ཕལ་ཆེར་དང་རྩ་རྒྱུད་ཐོ་ལོང་ལེརཕྱི་མ་མན་རྒྱུད་ཀྱི་ཆ་ཙམ་དང་བཅས་པའི་རྒྱུད་བཞི། ཡན་ལག་བརྒྱད། གནས་བཅུ་གཅིག སྐབས་བཅོ་ལྔ། མདོ་བཞི། ལེའུ་བརྒྱ་དང་ལྔ་བཅུ་རྩ་དྲུག་དང་། ཤློ་ཀ་ལྔ་སྟོང་དགུ་བརྒྱ་ལྷག་བཅས་རྣམས་ཡོད་པར་གྲགས་པའི་ཚིག་དོན་འདི་ལྟ་བུར་གོ་བ་གསེར་ལྗང་བརྡུངས་ཀྱི་སྤང་ལེབ་ལ་བཻ་ཌཱུརྱས་བྲིས་པའི་གླེགས་བམ་དངོས་ཨོ་རྒྱན་མཁའ་འགྲོའི་གླིང་ན་བཞུགས་སྐད། སྔ་འགྱུར་གུ་རུ་ཆོས་ཀྱི་དབང་ཕྱུག་གི་གཏེར་བྱོན་ལ། སྟོན་པ་བདེ་བར་གཤེགས་པའི་ཐུགས་ཚད་མེད་བཞིའི་དགོངས་པ་གབ་པའི་གཏེར་མངོན་དུ་ཕྱུངས་པ་སྨན་གྱི་བླ་བཻ་ཌཱུཪྻ་འོད་ཀྱི་རྒྱལ་པོར་བྱོན། གསོ་བྱེད་སྨན་གྱི་རྒྱུད་ཐུགས་ལ་གབ་གཏེར་བཀའ་རུ་བྱོན་ཏེ། རྒྱུད་ཆེན་པོ་ཙ་ར་ཀ་སྡེ་བརྒྱད། ཡན་ལག་བརྒྱད་པའི་རྒྱུད། བདུད་རྩི་ཐིགས་པའི་རྒྱུད་བཅོ་བརྒྱད་ལ་སོགས་པ་བཀའ་བསྩལ་པ་ལས། དྲང་སྲོང་ཆེན་པོ་དུང་གི་ཐོར་ཚུགས་ཅན་ལ་སོགས་པ་ཉི་ཤུ་རྩ་གཅིག ཁྱེའུ་ཆུང་ཀུན་སྤོང་ཡིད་ལས་སྐྱེས་ལ་སོགས་པས་བཀའ་བསྡུས། བསྟན་པ་དར་ཞིང་རྒྱས་ནས་མཐའ་བཙན་པར་བྱ་བའི་ཕྱིར་རྒྱ་གར་རྡོ་རྗེ་གདན་གྱི་ནགས་གླིང་དང་། ཨོ་རྒྱན་བཻ་ཌཱུརྱའི་མཆོད་རྟེན། ཨ་སུ་ར་གསང་བའི་བྲག་ཕུག བལ་ཡུལ་འཕགས་པ་ཤིང་ཀུན། རྒྱ་ནག་གཽ་དེ་ཤན་ཕུག་ལ་སོགས་པར་བསེ་སྒྲོམ་དུ་གཏེར་ལ་སྦས་པ། སློབ་དཔོན་པདྨ། ཀླུ་སྒྲུབ་སྙིང་པོ། མུ་སྟེགས་ཐུབ་རྒྱལ་ལ་སོགས་པས་གཏེར་ཕྱུངས་ཏེ་ཆིག་བརྒྱུད་དུ་འགྲོ་དོན་མཛད་པར་ཡང་གྲགས། བྲང་ཏིའི་ཁོག་འབུབས་ཤེས་བྱ་རབ་གསལ་ལྟར་ན། འཁོར་ལོ་ཐ་མའི་ཚེ། གནོད་སྦྱིན་ལག་ན་རྡོ་རྗེའི་གནས་སུ་དེ་བཞིན་གཤེགས་པ་འཁོར་ལ་ཆོས་སྟོན་པའི་ཚེ། གཞན་འཕྲུལ་དབང་བྱེད་ལ་སོགས་པ་བདུད་ཀྱི་ཚོགས་ལྷགས་ཏེ་སྒྱོགས་ནག་པོ་མགོ་དགུ་པ་འཕངས་པ་ན། བཅོམ་ལྡན་འདས་ལ་བ་ཀུ་ལ་དང་ཛམྦྷ་ལས་གབ་པས། བ་ཀུ་ལ་ཚེའི་དུས་བྱས། ཛམྦྷ་ལའི་ལུས་ཟུག་རྔུར་གྱུར་པའི་དུས་བཅོམ་ལྡན་འདས་ཀྱི་མཛོད་སྤུ་ནས་འོད་ཟེར་བདུད་རྩི་ལྔ་ལྡན་ཞེས་བྱ་བ་བྱུང་སྟེ་ཛམྦྷ་ལའི་ཟུག་རྔུ་ཞི་བར་མཛད། ཚངས་པ་ལ་སོགས་པའི་ལྷ་དང་། འཚོ་བྱེད་གཞོན་ནུ་ལ་སོགས་པ་མིའི་དྲང་སྲོང་གི་ཚོགས་ལ་སྨན་གྱི་རྒྱུད་ཤེལ་གྱི་མེ་ལོང་ལེའུ་ལྔ་བཅུ་པ་གསུངས་ཞེས་བཤད། རྩྭ་མཆོག་ཏུ་གསུངས་པའི་མྱང་འདས་ཆེན་པོ་རྒྱ་ནག་འགྱུར་བམ་པོ་གཉིས་པ་ལས། གྲོང་ཁྱེར་རྩྭ་མཆོག་གི་ཤིང་མཁན་གྱི་བུ་དགེ་བསྙེན་ཙུན་ད་ཞེས་བྱ་བ་རིས་མཐུན་པའི་འཁོར་ལྔ་བཅུ་རྩ་གཅིག་དང་བཅས་པས་བཤོས་ཕུལ་པའི་ཚེ་དགེ་སློང་རྣམས་ཀྱིས་བཅོམ་ལྡན་འདས་ཀྱི་སྔར་ཆོས་ཐམས་ཅད་བདག་མེད་ཀྱི་ཀྱིསཁྱེད་དེ་ལྟ་བུའི་ཚུལ་ནན་ཏན་གྱིས་ཤིག་ནས། ང་རྒྱལ་དང་བྲལ་ན་མྱ་ངན་ལས་འདའོ།། ཞེས་གསུངས་པའི་དོན་ཇི་ལྟ་

X