//不能复制 // >
ཁྱེད་ཀྱི་གནས་ཡུལ། > གཙོ་ངོས། > ཡིག་ཚགས། > སྡེ་སྲིད་ཁོག་འབུབས། > ནང་དོན།

(1) སྟོན་པ་སངས་རྒྱས་པའི་ལུགས།

ཇུས་འགོད་པ། zhuomacao རྩོམ་སྒྲིག་པ། དུས་ཚོད། 2016-05-30 9:15:59 ཀློག་གྲངས། 33 

ནི་ལྒའི་ཁུ་བ་བླུད་དོ།། དེ་ལྟར་ནད་ཀྱི་མཚན་ཉིད་ཤེས་ནས་སྨན་བྱིན་ཏེ་བསོས་གསོསཔར་གྱུར་པས་སྨན་པ་མཁས་པ་ཞེས་བྱའོ།། ཞེས་དང་། བམ་པོ་ཞེ་གཅིག་པ་ལས། འཇིག་རྟེན་གྱི་ནད་ནི་གསུམ་སྟེ། མཁྲིས་པ་དང་། རླུང་དང་། བད་ཀན་ནོ།། ནད་རྣམ་པ་གསུམ་ལ་ཡང་སྨན་རྣམ་པ་གསུམ་གྱིས་འཚོ་སྟེ། མཁྲིས་པའི་ནད་ལ་ནི་མར་གྱིས་འཚོའོ།། རླུང་ལ་ནི་འབྲུ་མར་ཕན་ནོ།། བད་ཀན་ལ་ནི་སྦྲང་རྩི་ཕན་ནོ།། ཞེས་པ་ལ་སོགས་ཏེ་གསོག་ལྡང་ཞི་གསུམ་དཔེའི་སྒོ་ནས་མང་དུ་བསྟན་ནོ།། གཞན་ཡང་ཡན་ལག་བརྒྱད་པ་བམ་པོ་སྟོང་རྩ་གཉིས་ཡོད་པ་ཞིག་གསུངས་པར་ཡང་གྲགས། མ་རྒྱུད་རྡོ་རྗེ་མཁའ་འགྲོའི་རིམ་པར་ཕྱེ་བ་ཞེ་དགུ་པ་ལས། འདས་པའི་དུས་སུ་སྔོན་བྱུང་བ།། བསྐལ་བ་དང་པོ་བདེ་བ་ཆེ།། དེར་ནི་རྡོ་རྗེ་སེམས་དཔའ་ཆེ།། ལྷག་པ་ཡི་ནི་ལྷ་གཅིག་བཞུགས།། ལྷ་མིན་གྲུབ་པ་སོགས་མཐོང་སྟེ།། ལྷ་ཡི་ཚོགས་ནི་སྐྲག་གྱུར་ནས།། སངས་རྒྱས་ཐམས་ཅད་འདུས་ནས་ནི།། མྱུར་དུ་ང་ལ་བསྐུལ་པར་བྱེད།། ཐིག་ལེར་ཞུ་ལས་ལྷ་མོ་ཆེ།། བདུད་ཀྱིས་ཀུན་ཏུ་གཏོར་བ་ནི།། ཐམས་ཅད་རྨོངས་པས་བྱེད་པ་ཡི།། དངུལ་ཆུ་ཞེས་ནི་བྱ་བར་གྲགས།། ཆུ་གཏིང་ལས་བྱུང་དམན་པ་སྟེ།། དེ་བཞིན་རི་ལས་སྐྱེས་པ་མཆོག། ཅེས་དང་། ཨ་རུ་ར་ནི་འབིགས་བྱེད་ཀྱི།། ནགས་དང་རི་བོ་དབང་ཆེན་སྐྱེས།། ནར་མ་ད་ཡི་ཆུ་སྐྱེས་མཆོག། གཞན་དག་དམན་དང་འབྲིང་པོ་ཡིན།། སྨྱུང་སྙུངཔོ་དང་ནི་འཇིགས་མེད་དང་།། འཚོ་དང་དེ་བཞིན་བདུད་རྩི་སྟེ།། གཙང་མ་དང་ནི་འཕེལ་བ་དང་།། རྣམ་པར་རྒྱལ་བ་བདུན་དུ་བརྗོད།། རི་མོ་གསུམ་པ་སྨྱུང་སྙུངཔོ་སྟེ།། འཇིགས་མེད་རི་མོ་ལྔ་པ་ཡིན།། ཚོ་བ་གསེར་མདོག་ཤེས་པར་བྱ།། བདུད་རྩི་ཤ་ཆེན་ཞེས་བྱ་སྟེ།། དེ་བཞིན་གཙང་མ་ཤ་མེད་ཡིན།། སེར་སྐྱ་འཕེལ་བ་ཞེས་བྱ་སྟེ།། ཀུ་བ་ལྟ་བུ་རྣམ་པར་རྒྱལ།། སྐྱུ་རུ་ར་ནི་ཤ་ཆེ་ཞིང་།། རུས་པ་ཆུང་དང་རོ་དང་ལྡན།། རྡོ་བ་ཅན་གྱི་རི་ལས་སྐྱེས།། ཤིན་ཏུ་སྨིན་པ་མཆོག་ཏུ་བཤད།། བ་རུ་ར་ནི་ཐ་མལ་བའི།། རི་ལས་སྐྱེས་པའམ་གཞན་ཡང་རུང་།། ཞེས་སྨན་རགས་རིམ་གྱི་སྐྱེ་གནས་དང་རིགས་བཟང་ངན་སོགས་དང་། གསེར་གྱིས་མདོག་ནི་བཟང་པོར་འགྱུར། དངུལ་གྱིས་སོ་ནི་བཟང་པོར་འགྱུར།། མུ་ཏིག་གིས་ནི་དག་པར་འགྱུར།། མུ་མེན་སྐྲ་དང་སྤུ་ལ་ཕན།། རྡོ་རྗེས་ཐོག་ནི་བཟློག་འགྱུར་ཏེ།། ལྕགས་ཀྱིས་ཆུ་དང་མཚོན་རྣམས་བཟློག། ཅེས་བཅངས་པའི་ཡོན་ཏན་དང་།།པི་པི་ལིང་དང་གུར་ཀུམ་ནི།། ཆ་ནི་མཉམ་པོར་བྱས་ནས་སུ།།སོས་ཀའི་དུས་སུ་བཟའ་བར་བྱ།། དེ་རྗེས་གཅི་བ་དྲོ་འཐུངས་ན།། ཁ་ཟས་ཡི་གར་འོང་ཞིང་འཇུ།། ནིར་གུཎྜི་ཡི་ཁུ་བ་དང་།།གཅི་བར་བཅས་པ་སྣ་སྨན་སྦྱིན།། བད་ཀན་ལས་གྱུར་ནད་རྣམས་འཕྲོག། དེ་ཉིད་པདྨའི་དྲི་མ་དང་།། བཅས་པར་བྱུགས་ན་གླང་ཤུ་སེལ།། མར་ག་ད་ཡི་རྩ་བ་དང་།། སོ་དང་སེན་མོའི་རྡུལ་དུ་བསྲེ།། རྨ་ནི་དང་པོ་མར་གྱིས་བཀྲུ།། དེ་རྗེས་སྨན་དེས་བྱུགས་ན་ནི།། རྨ་ནི་འདྲུབ་པར་བྱེད་པའི་མཆོག། སོ་ཕག་རྡུལ་དང་སུག་སྨེལ་ཆེ།། གི་རི་ཀར་ནའི་ཁུ་བ་རུ།། མཉེས་ཏེ་མིག་ལ་བྱུགས་ན་ནི།། རབ་རིབ་དག་ནི་འཇོམས་པའི་མཆོག། ཅེས་དངུལ་ཆུ་སོགས་བཅུད་ལེན་གྱི་སྦྱོར་བ་དང་། གཞན་ཡང་གསོག་ལྡང་ཞི་གསུམ་རགས་པ་ཙམ་གསུངས། དཔལ་མཁའ་འགྲོ་རྒྱ་མཚོའི་རྒྱུད་ཀྱི་ལེའུ་སུམ་ཅུ་རྩ་བརྒྱད་པར། རྡུལ་ཅན་མ་དང་ཡུང་བ་གཉིས།། ཡོངས་བཟུང་བ་ཡི་དར་བ་དང་།། བྲེ་དོ་བསྡུ་བར་བྱ་བ་སྟེ།། བྲེ་གང་མ་གྱུར་པར་དུའོ།། དེ་ལྟར་འཐུངས་པས་ཉིན་བདུན་ན།། བཅུད་ལེན་རྫོགས་པར་བྱེད་པ་ཡིན།། ཞེས་སོགས་བཅུད་ལེན་གྱི་རྣམ་པ་དུ་མ་དང་། སྡོམ་འབྱུང་རྒྱུད་ཀྱི་རིམ་པར་དབྱེ་བ་གཉིས་པར། དང་པོའི་རྣམ་པ་ནུར་ནུར་བོ།། མེར་མེར་བོ་ནི་གཉིས་པ་ཡིན།། ལྟར་ལྟར་བོར་སྐྱེས་གསུམ་པ་སྟེ།། དེ་བཞིན་བཞི་པ་གོར་གོར་བོ།། ཞེས་ལུས་གནས་ཆགས་ཚུལ་དང་། རིམ་པར་དབྱེ་བ་བཅུ་དགུ་པར། བཤང་དང་གཅི་བའི་དུས་དག་ཏུ།། དུས་མཚུངས་སྦྲིད་པ་བྱུང་གྱུར་ན།། ལོ་གཅིག་ན་དུས་དེ་ཉིད་ཀྱི།། དུས་ཚོད་ལ་ནི་འཆི་ཞིང་བརླག། ཅེས་འཆི་ལྟས་ཀྱི་རིམ་པ་དུ་མ་དང་། མན་ངག་ཇི་བཞིན་ལྡན་པ་ཡིས།། འཆི་བ་བླུ་བར་འགྱུར་བ་སྟེ།། ཞེས་འཆི་བ་བླུ། རིམ་པར་དབྱེ་བ་ཉེར་ལྔ་པར། སོ་ཕག་ཚོས་འགྱུར་མདག་གུ་དང་།། ནིར་གུན་ཐི་དང་བལ་གུན་ནེ།། སྨྱོ་བྱེད་མདའ་དང་ནི་ཏྱ་པ།། གླ་རྩི་ཙན་དན་ལྡན་པ་དང་།། བཱ་ལི་ཀ་དང་ཙོ་རར་ལྡན།། རང་གི་ལུས་ནི་དྲིལ་བྱས་ན།། ནད་རྣམས་ཀུན་ལས་རྣམ་གྲོལ་ཞིང་།། དུག་མེད་མདངས་དང་ལྡན་པར་འགྱུར།། འབྲས་བུ་གསུམ་དང་ཙན་དན་གྱི།། ཕྱེ་མར་བཅས་དང་གླ་རྩི་ནི།། བསིལ་དང་ལྷན་ཅིག་ལོ་གཅིག་འཐུངས།། ནད་མེད་རྒས་པའང་མེད་པར་འགྱུར།། ཞེས་ནད་འཇོམས་རྒས་གསོ་ལ་སོགས་པའི་རྣམ་གྲངས་མང་པ་དང་། དམ་པ་དང་པོའི་སངས་རྒྱས་ཀྱིས་བསྡུས་པའི་རྒྱུད་ཀྱི་ནང་ལེར། ལུས་འདི་ལ་ནི་ཁམས་ཀྱི་ཚོགས་རྣམས་མཐའ་དག་རོ་དྲུག་ཟོས་ཤིང་འཐུངས་པ་དག་ལས་འགྱུར་བ་སྟེ། རོ་དྲུག་རྣམས་ཀྱང་འབྱུང་བ་ལས་ཏེ་རབ་གསལ་ངེས་པར་འབྱུང་བའི་ཚོགས་ཀྱང་ནམ་མཁའི་ཁམས་ལའོ།། ཞེས་སོགས་ལུས་ཆགས་ཚུལ་དང་། དང་པོར་མཐའ་དག་རྒྱལ་བའི་ལུས་ནི་དངོས་གྲུབ་རྒྱུ་རུ་སྔགས་པ་དག་གིས་ཡང་དག་བསྲུང་བར་བྱ།། ལུས་མེད་ན་ནི་དངོས་གྲུབ་མེད་ཅིང་སྐྱེ་བ་འདི་ལ་མཆོག་གི་བདེ་བ་ཐོབ་པར་འགྱུར་བའང་མེད།། དེ་ཕྱིར་ལུས་ཀྱི་དོན་གྱི་རྒྱུར་ནི་ཉིན་ཞག་སོ་སོའི་དུས་སུ་རྩའི་སྦྱོར་བ་བསྒོམ་པར་བྱ།། ལུས་ནི་གྲུབ་ན་གཞན་པའི་དངོས་གྲུབ་སྲིད་པ་གསུམ་གྱི་གནས་སུ་མངག་གཞུག་ཉིད་དུ་རབ་ཏུ་འགྱུར།། ཞེས་སོགས་འཇིག་རྟེན་དང་འཇིག་རྟེན་ལས་འདས་པའི་དངོས་གྲུབ་ཀྱི་རྒྱུར་ལུས་བསྲུང་བའི་མན་ངག་མང་པ་དང་། ཉི་མ་ཟླ་བ་འགོག་པ་མཉམ་དང་མི་མཉམ་བགྲོད་པ་ལ་སྟེ་དབུ་མ་མེ་ལ་རབ་ཏུ་ཞུགས། སྲོག་དང་ཐུར་སེལ་གཉིས་པོ་དག་ཀྱང་ཉིན་ཞག་དང་པོ་སོང་ན་དུས་མིན་འཆི་བ་བླུ་བ་སྟེ། ཞེས་སོགས་དུས་མ་ཡིན་པའི་འཆི་བ་བླུ་བ། ཐུར་སེལ་བསྐུམ་ན་འདོད་པར་འགྱུར་ཏེ་ལུས་མཆོག་དག་ལ་རླུང་གི་ནད་ནི་མ་ལུས་དག་ལའོ།། སྲོག་རྩོལ་དག་ནི་བད་ཀན་ལ་འགྱུར་སླར་ཡང་དེ་དག་གཏོང་བ་མཁྲིས་པ་དག་གི་སྐྱོན་ལའོ།། སྟེང་དང་འོག་ན་ཡང་དག་འགོག་པ་བདེ་བར་འགྱུར་ཏེ་འདུས་པ་དག་དང་རིམས་ལའོ།། ལྟེ་བའི་སྟེང་དུ་སྲོག་གི་རླུང་ནི་མཐའ་དག་ནད་འཕྲོག་ལྟེ་བའི་རྩ་བར་གཞན་པ་དག་ཀྱང་ངོ་།། ཞེས་ཐུར་སེལ་ལ་སོགས་པས་རླུང་མཁྲིས་བད་ཀན་དང་འདུས་པའི་ནད་ཞི་བར་བྱེད་པ། བསྐུམ་སྟེ་ཐུར་སེལ་རླུང་ནི་རྣམ་པ་གསུམ་གྱི་ལམ་དུ་བགྲོད་པ་དག་དང་སྲོག་ཉིད་སྟེང་ནས་ཀྱང་། ཇི་སྲིད་ཡང་དག་ཕྲད་དེ་མེ་ནི་སྟོབས་དང་ལྡན་ཞིང་ལུས་ཀུན་ལ་ནི་ཁྱབ་པར་རབ་འགྱུར་བ། དམུ་ཆུ་སྐྲན་དང་གཞང་འབྲུམ་ནད་རྣམས་དག་ཀྱང་ལྟོ་བར་སོན་པ་ཟླ་བའི་སྦྱོར་པས་འཇོམས་པར་ཏེ། དབུགས་ལུད་དང་ནི་གློ་དང་རྣམ་པ་གསུམ་གྱི་དུག་དང་མིག་གི་ནད་ལས་སོགས་པ་དག་ཀྱང་ངོ་།། ཞེས་སོགས་ལྟོ་བའི་ནད་ཉེ་བར་ཞི་བའི་རླུང་སྦྱོར། རྡོ་རྗེ་སྐྱིལ་ཀྲུང་དུ་གནས་རྐང་པ་བཟུང་བ་ལག་པའི་པད་མོ་དག་ནི་རྒྱབ་ཀྱི་ཟུག་རྔུ་འཇོམས། སྟེང་དང་རྐང་པ་དག་དང་འོག་ཏུ་མགོ་བོ་ལུས་ལ་བད་ཀན་ནད་རྣམས་མཐའ་དག་འཕྲོག་པར་བྱེད། སྲོག་འགོག་པ་ལས་ཉིན་ཞག་འགའ་ཞིག་གིས་ནི་རབ་འཁྲུ་གཅི་བའི་ནད་དག་ངེས་པར་འཇོམས་པར་བྱེད། ཐོ་རངས་མིང་མེད་དག་གིས་ཆུ་དང་བྲལ་བའི་ཁར་ནི་སོའི་ཕྲེང་བ་དག་ལ་རབ་འདར་བ། མིག་རྣམས་དག་གི་མིག་སྨན་དུ་འགྱུར་སླར་ཡང་ནད་ནི་འཕྲོག་པ་ཆུ་ཡིས་གཏོར་བ་དག་ཀྱང་ངོ་།། ཞེས་སོགས་རྒྱབ་ཀྱི་ཟུག་རྔུ་འཇོམས་པར་བྱེད་པ། ལོ་ཕྱེད་ཀྱིས་ནི་སྔགས་པ་རྣམས་ཀྱི་མཆོག་གི་ལུས་ལ་དཀར་བའི་མཛེ་འཕྲོག་དེ་ལས་གཞན་ལྟ་ཅི། ཤེས་རབ་ལུས་ལ་རང་སེམས་ལྷུང་བ་དག་ཀྱང་རྟག་ཏུ་སྲོག་གི་རླུང་གིས་འགོག་པ་དག་ལས་ཏེ། བདུན་ཅུའི་ལོ་ཡི་རྒ་བ་སྐྲ་དཀར་བཅས་པ་དག་ཀྱང་ལོ་གཉིས་རབ་ཏུ་རྫོགས་ན་ངེས་པར་འཕྲོག ཉི་མ་འགའ་ཡིས་ལམ་དང་སེམས་ནི་རབ་ཏུ་འགྲོགས་པ་དག་ལས་དེ་སྟེང་ཕྱག་རྒྱའི་དངོས་གྲུབ་འགྱུར། ཞེས་སོགས་མཛེ་ནད་འཕྲོག་པ་དང་རྒྱས་པ་གསོ་བ། མི་བསྐྱོད་པ་ནི་ཅུང་ཟད་དྲོ་བ་ཁ་ནད་ཞི་བར་བྱེད་དེ་སོ་ཡི་ཟུག་རྔུ་ཉིད་ཀྱིས་ཡང་། ཐོ་རངས་མི་བསྐྱོད་བརྔུབས་པ་དག་ནི་མགོའི་ནད་འཕྲོག་དེ་བཞིན་ཉིད་དུ་ཆུ་ནི་རྔུབས་པས་སོ།། རྣ་བ་དག་དང་མིག་ཏུ་གཅིན་ནི་དྲོ་དང་གྲང་མོར་རབ་བླུགས་གཉིས་ཀ་དག་ནི་ནད་འཕྲོག་གོ། འབྱུང་བོས་གཟིར་ལ་ཚ་བ་གསུམ་བཅས་མི་བསྐྱོད་རྔུབས་ན་བདེ་བ་སྟེར་ཏེ་ཟོས་པ་ཉིད་ལ་ཡང་།། ཞེས་སོགས་ཀུན་སྤངས་རྣལ་འབྱོར་བའི་སྨན། བཤང་བ་གཅིན་དང་ཁུ་བ་ཁྲག་ནི་མི་ཡི་ཤ་དང་བཅས་པ་ཟོས་པས་ཚེ་ནི་སྟེར་བར་འགྱུར།། བསམ་གཏན་བཅས་པས་མེ་ཏོག་བརྔུབས་ནས་སྐྲ་དཀར་དང་བཅས་རྒ་བ་དང་ནི་ལུས་སྐྱེས་རྣམས་ཀྱང་འཕྲོག། སྒྲོན་མ་ལྔ་པོ་སྦྲང་བུའི་སྐྱུགས་པ་དག་དང་བསྲེས་པ་ཟོས་པས་མཐའ་དག་ནད་ནི་འཕྲོག་པ་སྟེ།། བུད་མེད་མེ་ཏོག་ཁུ་བ་དག་དང་བསྲེས་པ་ལོ་གཅིག་ཟོས་ན་རྒ་བ་ངེས་པར་སེལ་བར་བྱེད།། ཅེས་ཚེ་འཕེལ་བའི་དོན་དུ་བདུད་རྩི་ལྔའི་སྦྱོར་བ། བུད་མེད་ཀྱི་མེ་ཏོག་རྔུབ་པ། སྒྲོན་མ་ལྔས་ནད་རྣམས་སེལ་ཅིང་རྒན་པོ་གཞོན་ནུར་གྱུར་པ་སོགས་དང་། རླུང་འཇོམས་ལན་ཚྭ་སྐྱུར་བ་དག་ཏུ་རབ་ཏུ་འགྱུར་ཏུ་མངར་དང་བསྐ་བ་དང་ནི་མཁྲིས་པའི་དགྲ། བད་ཀན་འཇོམས་པ་ཁ་བ་ཀུན་དང་དེ་བཞིན་ཚ་བ་དག་ཀྱང་སྨན་རྣམས་སམ་ནི་ཁུ་བའམ།། བད་ཀན་འཇོམས་པ་རའི་འོ་མ་ཚ་བ་གསུམ་བཅས་དག་སྟེ་མ་ཧེའི་འོ་མ་མཁྲིས་པའི་དགྲ།། རླུང་འཇོམས་དག་ཀྱང་རྔ་མོའི་འོ་མ་རྣམ་འགྱུར་གསུམ་ནད་འཕྲོག་པ་ཡི་འོ་མ་དང་ནི་དེ་བཞིན་མར།། ཞེས་རླུང་མཁྲིས་བད་ཀན་གསུམ་གྱི་སྨན་དང་། ཛཱ་ཏི་བསྐོལ་བའི་ཆུ་ནི་དྲོ་བ་ཁ་ནད་ཞི་བར་བྱེད་དེ་སོ་ཡི་ཟུག་རྔུ་ཉིད་ཀྱང་ངོ་།། ཏིལ་མར་དངོས་པོའི་ཆུ་བསྐོལ་ཚ་བ་གསུམ་དང་ལན་ཚ་དག་གིས་རྣ་བ་ཡི་ནི་ནད་དག་འཇོམས།། མར་དང་འོ་མ་བསྐོལ་བར་གྱུར་པ་གླུ་དང་དམར་པོ་དག་གིས་རྟག་ཏུ་སྣའི་ནད་དག་འཇོམས།། ཀར་ཀོཊཱ་དང་ལང་ག་ལི་དང་ཨིན་ཏྲ་བོང་བུའི་ཆུར་བཅས་བྱུགས་པས་འབྲས་ཀྱི་འཕྲེང་བ་འཕྲོག། ཅེས་ཁ་ལ་སོགས་པའི་ནད་ཉེ་བར་ཞི་བའི་དོན་དུ་སྐོལ་བའི་སྨན་དང་། ལག་པ་དག་ནི་རབ་འཕྱང་རྐང་པའི་པད་མ་མཉམ་པ་དག་དང་སྲོག་གི་རླུང་ནི་འགོག་བྱ་སྟེ།། ཇི་སྲིད་ལུས་ནི་ས་ལ་རབ་ཏུ་ལྷུང་བར་མ་གྱུར་པ་དང་ཚ་བ་དག་ནི་གྲོལ་པར་ཡང་།། ཡང་དང་ཡང་དུ་ཏིང་འཛིན་ལའོ་འཆི་བའི་འཇིགས་པ་བྱེད་པའི་ཚེར་མ་ཅན་ནི་ངེས་འཇོམས་ཏེ།། སྙིང་ཁའི་པད་མར་ཟླ་བའི་གཟུགས་ཅན་དྲི་མེད་རི་བོང་ཅན་མཚུངས་སྣ་ཚོགས་ཡུམ་ནི་བསྒོམས་པས་སོ།། ཞེས་རྡོ་རྗེའི་ཚེར་མའམ་འབྲུམ་ནད་ཞི་བའི་ཕྱིར་རླུང་སྦྱོར་དང་སྣ་ཚོགས་ཡུམ་གྱི་བསྒོམས་བཟླས་གསུངས་པ་དང་། སྲན་ཆུང་བཏགས་ནས་འཐུངས་པས་ཚ་བས་རྣམ་པར་བསྣུན་པའི་མི་རྣམས་ཀྱི་ནི་ཚེར་མ་འཇོམས་པར་བྱེད།། ཚ་བ་མཐར་ནི་ཐོད་པ་བརྡར་བ་མི་བསྐྱོད་བསྲེས་པ་ཡིས་ཀྱང་འཇིགས་པར་བྱེད་པ་འཕྲོག་པ་སྟེ།། སྔགས་ཀྱང་ཆུ་མེ་རླུང་རྣམས་དག་གི་སྔོན་དུ་ཨོཾ་ཡིག་དང་ནི་བཛྲ་སྔ་མ་དག་གི་མིང་།། དེ་ཉིད་ཀྱིས་ནི་བསྲུང་བ་བྱ་སྟེ་མགོ་མགྲིན་སྙིང་ཁ་ལྟེ་བ་གསང་བ་ལ་སོགས་རྣམས་སུའོ།། ཞེས་འབྲུམ་ནད་ཀྱི་སྨན་དང་། སྔགས་དང་། སྲུང་བ་ལ་སོགས་པ་དང་། མཉམ་པ་བྷཱ་ཏྲི་ངྷཱ་ནྱ་དང་ནི་གཞན་ཡང་དེ་བཞིན་ཏིན་ཏི་རི་ཡི་འདབ་མའི་ཕྱེ་བ་དག། ཉི་ཟླ་རེག་པའི་ཆུ་ནི་ངེས་པར་དྲི་མ་བྲལ་བ་དག་ལ་རྐང་པའི་ལྷག་མར་བསྐོལ་པར་བྱ།། དེའི་ཁུ་བ་ཀ་ར་དང་བསྲེས་གཞན་པའི་ཉིན་ཞག་དག་ནས་ཞག་གསུམ་འཐུངས་པ་འདི་ཡིས་ནི།། སོ་ག་ཉི་མའི་འོད་ཟེར་དག་གིས་སྲེགས་པ་འཆི་སྟེར་འཕྲོག་སྟེ་ཁམས་བདུན་སོང་བ་དག་ཀྱང་ངོ་།། ཞེས་སོ་ག་ལ་སོགས་པ་ཉི་མའི་གདུང་བས་བསྲེགས་པ་དང་། དེ་ལས་བྱུང་བའི་ཚ་བའི་ནད་ཞི་བའི་སྨན་དང་། གསེར་ལ་ཉི་མ་ཁབ་ལེན་ལྕགས་དང་པ་ཊ་ལ་སྐྱེས་ལྕགས་ནི་མ་ཀྵི་ཀ་ཡིས་གདབ་པར་བྱ།། ས་བོན་ཕྱེད་ཀྱིས་ཀྱང་ནི་དྲི་མ་དག་དང་བྲལ་བའི་དངུལ་ཆུ་བསྒོངས་པ་སྲང་ནི་དྲུག་ཏུ་བྱ།། བའི་དར་བ་དྲག་པོའི་རྩེ་མོ་ཅན་གྱིས་བསད་ནས་འདིར་ནི་དྭངས་མ་གཟུང་བར་བྱ་བ་ཉིད།། དཔལ་ལྡན་གོང་བུ་ཁབ་ལེན་སྣོད་དུ་སླར་ཡང་བསྐོལ་བ་དག་ཀྱང་ཇི་སྲིད་ཕྱེད་ཀྱི་ཚད་དུའོ།། རབ་ཏུ་བླངས་ཏེ་དག་པའི་ཀ་ར་སྲང་བརྒྱད་ཡང་ན་དགུ་ནི་དེ་ལ་བསྲེ་བ་ཉིད་དུ་བྱ།། དེ་ནི་ཐམས་ཅད་དུས་སུ་བཟའ་བར་བྱ་སྟེ་ཁ་ཟས་རྣམས་སྤངས་བགྲོད་པ་ཇི་སྲིད་ཉིད་དུའོ།། ཟླ་བ་དྲུག་གི་ལྷ་ཡི་ལུས་ཏེ་སྐྲ་དཀར་གཉེར་མ་དང་བྲལ་འདི་ཡིས་འཆི་མེད་ཉིད་དུ་འགྱུར།། དེ་ཕྱིར་དེ་ཉིད་ཉི་མ་སོ་སོའི་དུས་སུ་བཟའ་བར་བྱ་སྟེ་འོན་ཀྱང་གོང་བུས་རྣམ་པར་དམན།། སྔར་བརྗོད་ས་བོན་རྒྱལ་པོ་མཉམ་པ་དག་སྟེ་གཞན་ཡང་དངུལ་ཆུ་ལ་ནི་བླུགས་པ་ཕྱེད་ཙམ་མོ།། ལན་ཚྭ་སྐྱུར་བོ་དག་གིས་མཉེས་ནས་རྣམ་པ་མང་པོའི་སྨན་གྱིས་ཇི་སྲིད་གཅིག་ཉིད་དུ་འགྱུར་བ།། མཁྲིས་པ་སྐྱུར་བོས་མུ་ཟི་སོགས་དང་ད་ར་ད་དང་ཤི་ལ་དག་ཀྱང་དངུལ་ཆུ་མཚུངས་པར་མཉེ།། དེ་ཡིས་དངུལ་གྱི་འདབ་མ་བྱུགས་པ་གསེར་ཉིད་དུ་འགྱུར་སྨིན་པ་དག་ཀྱང་ཕྱེད་དང་ལྡན་པས་སོ།། རྣོན་པོ་ནམ་མཁའ་ལས་སྐྱེས་ཨ་ལ་ལན་ཚྭ་ཡ་བཀྵ་ར་དང་ནི་པ་རྫ་རིམ་པ་ཡིས།། འཕེལ་བ་དག་ཀྱང་ཉི་མ་ཉིས་འགྱུར་རོ་མཉམ་བྱེད་པས་ཉི་མའི་ལྷག་མ་དག་ནི་བསྲེག་པར་བྱ།། སླར་ཡང་ལན་ཚྭས་དག་པ་དང་ནི་དེ་བཞིན་པ་ལས་བྱུང་བ་ལ་སོགས་ཀྱིས་བྲན་འཇམ་པར་འགྱུར།། དངུལ་ལ་སུམ་ཆ་བྱིན་ཞིང་བཀང་སྟེ་བསྣུན་པ་དག་ཀྱང་དག་པ་ཡི་ནི་མེ་ཏོག་ཉིད་དུ་འགྱུར།། ཞེས་བཅུད་ལེན་གྱི་སྦྱོར་བ་འབྲིང་པོ་དང་། ཨེ་ལ་ག་པུར་ཕྲེང་བ་དང་ནི་གཡོ་བ་ག་ན་འབྲས་བུ་ཅན་དང་བྱ་རོག་རི་སྐྱེས་དང་།། ཀ་ཀོ་ལ་དང་སིང་ཧ་མཱུ་ཏྲ་ཨུཏ་པལ་ཨུཏྦལའབྲས་བུ་རི་དྭགས་སྐྱེས་དམར་བཻཏྱཱ་པཱུ་ཏི་དང་།། ཀླུ་དང་བསིལ་བ་ར་ཎ་འདབ་མ་ས་ལ་ཆུ་དང་འཁྲིལ་ཤིང་ནམ་མཁའ་འཁྱོག་པོ་འདི་དག་ནི།། རྫས་ལྔ་དག་གིས་དྲི་མཛོད་རི་དྭགས་རི་བོང་ཅན་སོགས་བདུག་པ་མེ་ཏོག་ཆང་ལ་སོགས་པས་སོ།། ཞེས་སོགས་དཀོན་ཅོག་མཆོད་པའི་དོན་དུ་དྲི་དང་སྤོས་ལ་སོགས་པའི་སྦྱོར་བ་མང་བ་དང་། ས་འཛིན་ཉི་མ་ཟླ་བ་མ་ནུ་མིག་དང་འདོད་པ་ནོར་དང་དྲག་པོ་རྒྱལ་པོ་མེ་དག་དང་།། ཕྱོགས་དང་འབྱུང་བ་བུག་པ་དྲུག་དང་ཚེས་དང་ཆུ་གཏེར་དག་ནི་མཐའ་ཡི་རེ་མིག་ལ་བཞག་བྱ།། གྲངས་ནི་རེ་མིག་བཞི་ཡིས་ཆུ་ཡི་གཏེར་དང་རྩེ་མོ་ཅན་ཏེ་དཔལ་ལྡན་འཁོར་ལོ་མཐའ་དག་ནི།། ཆད་ཀྱི་རྒྱབ་ཏུ་བྲིས་ནས་རབ་ཏུ་བཙའ་བར་འགྱུར་བའི་དུས་སུ་སྦྲུམ་མ་རྣམས་ལ་བསྟན་པར་བྱ།།ཞེས་སྦྲུམ་མ་བདེ་བར་བཙའ་བའི་འཁྲུལ་འཁོར་དང་། རུ་རྟ་ཨུ་སི་ར་དང་ཀ་སེ་རུ་སྟེ་ཏ་ཀ་ར་དང་ཨུཏ་པལ་ཨུཏྦལའདམ་སྐྱེས་གེ་སར་ནི།། བསིལ་བའི་ཆུ་ཡིས་བཏགས་ཤིང་རྡོ་རྗེ་ཡིས་ནི་བསྔགས་པ་དག་ཀྱང་མངལ་གྱི་ཟུག་རྔུ་ལ་རབ་སྦྱིན།། མངལ་ནི་རེངས་ན་ན་ཀུ་ལ་དང་གཙུག་ཕུད་ཅན་གྱི་སྤུ་བརྒྱད་བཏགས་ནས་རབ་ཏུ་སྦྱིན་པར་བྱ།། ཞེས་སྦྲུམ་མའི་སྨན་ལ་སོགས་པ་དུ་མ་དང་། བླ་གནས་ཀྱི་འཕོ་ཚུལ་ལ་སོགས་པ་འདོད་པའི་བསྟན་བཅོས། རོ་བརྗོད་པའི་གཞུང་། སྲིད་བསྲུངས་སོགས་རིག་བྱེད་རྣམས་དང་སྒོ་བསྟུན་ནས་གསུངས་པ་སོགས་ལ་སྔོན་གྱི་མཁས་པས་སྟོན་པ་སངས་རྒྱས་པའི་ལུགས་ཞེས་པའི་ཐ་སྙད་མཛད།

X