//不能复制 // >
ཁྱེད་ཀྱི་གནས་ཡུལ། > གཙོ་ངོས། > ཡིག་ཚགས། > སྡེ་སྲིད་ཁོག་འབུབས། > ནང་དོན།

(2) བསྟན་བཅོས་ཀྱི་ངེས་ཚིག

ཇུས་འགོད་པ། zhuomacao རྩོམ་སྒྲིག་པ། དུས་ཚོད། 2016-05-30 9:56:45 ཀློག་གྲངས། 32 

གཉིས་པ་ངེས་ཚིག་ནི་བྱིངས་སྒྲུབ་ཀྱི་དབང་སོང་ན། ཤཱསུ་རྗེས་སུ་སྟོན་པ་ལའོའི་བྱིངས་ལ་ཨི་མན་ཏྲ་ཨསུཀའོ་ཨ་སུ་ཀའོཞེས་པའི་ཏྲ་བྱིན་བྱིངས་མཐའི་ཨུ་བརྗོད་དོན་གྱིས་དྲངས་པས་ཤཱསྟྲ་བསྟན་བཅོས་སུ་བཤད་པ་ཡོད་དེ། སྐབས་དོན་ཤཱསུ་རྗེས་སུ་སྟོན་པའི་བྱིངས་ལ། ཡུཊ྄་དག་གོས་ཡུ་བྱིན། ཡུ་བུ་དག་གི་ཨན་ཨ་ཀ་དག་གོས་ཡུ་ཨི་ནར་བསྒྱུར། སུའི་ཨུ་རྗེས་འབྲེལ་ཕྱིས་དྲངས་པས་ཤཱས་ན་སྟེ་བསྟན་པའམ་འཆོས་པ་སྟེ་ཉོན་མོངས་བ་དུག་གསུམ་ལས་བསླབ་པ་གསུམ་ལྡན་དུ་འཆོས་པ་དང་། ཏྲ་ཡ་སྐྱོབ་པར་བཤད་པའང་ཡོད་དེ་ཏྲི་རྐྱལ་བ་དང་སྒྲོལ་བ་ལའོའི་བྱིངས་ལའང་བཤད་མ་ཁད་པའི་ཡུ་བྱིན་པ་དེ་ཨ་ནར་བསྒྱུར། ཡོན་ཏན་ནོས་རྀ་ཡོན་ཏན་གྱི་ཏར་ཨན་དང་མཚམས་སྦྱར། ཥ་ར་རྀ་ལས་མཐའ་མ་ཡིན་པའི་ནའི་ཎའོས་ན་ཎར་བསྒྱུར་པས་ཏརཎ་སྟེ་འབྲས་བུ་སྲིད་པའི་སྡུག་བསྔལ་བས་ལསསྒྲོལ་མའམ་སྐྱོབས་པས་དེ་དག་རྣམས། ལྷག་མ་འཇིག་རྟེན་ལས་གྲུབ་པ་འདིར་བཤད་པར་བྱ་དང་། གཞན་ཡང་གཉིས་ཏེ་ཡི་གེ་རྣམ་འགྱུར་ཉམས་སོགས་ཀྱི་བྱིངས་མཐའ་སོགས་དབྱངས་རྣམས་དང་ཎི་ཕྱིས་སྲོག་ཨ་བཞག ཤསྱོ་ཏྲརུ་ཨ་ཞེས་གནས་པར་དབྱངས་ཀྱིས་དམན་པ་ཕ་རོལ་ཏུ་ཡང་དག་པར་སྦྱར་རོ་ཞེས་རིམ་པར་དྲངས་པས་ཤཱསྟྲ་ཞེས་འགྲུབ། རྣམ་བཤད་རིག་པའི་ལེའུ་ལྔ་པར། སངས་རྒྱས་ཀྱི་གསུང་བསྟན་བཅོས་ཉིད་དུ་འཐད་དེ། ངེས་པའི་ཚིག་ཏུ་འཆོས་པ་དང་སྐྱོབ་པར་བྱེད་པས་དེའི་ཕྱིར་བསྟན་བཅོས་ཏེ། ཉོན་མོངས་དགྲ་རྣམས་མ་ལུས་འཆོས་པ་དང་། ངན་འགྲོ་སྲིད་ལས་སྐྱོབ་བྱེད་གང་ཡིན་པ།། འཆོས་སྐྱོབ་ཡོན་ཏན་ཕྱིར་ན་བསྟན་བཅོས་ཏེ།། གཉིས་པོ་འདི་དག་གཞན་གྱི་ལུགས་ལ་མེད།། དེ་ལྟ་བས་ན་སངས་རྒྱས་ཀྱི་གསུང་ཁོ་ན་དོན་དམ་པར་བསྟན་བཅོས་ཡིན་པས་འཆོས་པ་དང་སྐྱོབ་པའི་ཡོན་ཏན་གྱི་ཕྱིར་ཡང་དོན་བཟུང་བ་ལ་འབད་པ་དང་ལྡན་པར་བྱའོ།། ཞེས་འབྱུང་ཞིང་། ཕུང་བོ་ལྔའི་རྣམས་རྣམཔར་འགྲེལ་བ་དབྱིག་གཉེན་གྱི་སློབ་མ་འདུལ་བ་རང་ལས་མཁས་པ་ཡོན་ཏན་འོད་ཀྱིས་མཛད་པ་ཡེ་ཤེས་སྡེའི་འགྱུར་ལས། འདིར་བསྟན་བཅོས་སུ་འདོད་པ་གང་ཞེ་ན། དེའི་དོན་གྱི་ཡི་གེའི་རྣམ་པ་དང་། སྒྲའི་སྤྱི་སྟེ་མི་ལྡན་པའི་འདུ་བྱེད་དང་སྦྱར་རོ།། ངེས་པའི་ཚིག་གི་ཚུལ་དུ་ན་ཉོན་མོངས་པའི་དགྲ་འཆོས་པ་དང་། ངན་འགྲོ་དང་སྲིད་པའི་འཇིགས་པ་ལས་སྐྱོབ་པའི་ཕྱིར་བསྟན་བཅོས་ཏེ། དེ་ལྟ་ཡིན་པས་མངོན་པར་མཐོ་བ་དང་ངེས་པར་ལེགས་པ་རབ་ཏུ་བསྟན་པར་འགྱུར་རོ་ཞེས་བརྗོད་པར་འགྱུར་རོ།། ངན་འགྲོ་ལས་སྐྱོབ་པས་ནི་མངོན་པར་མཐོ་བ་རབ་ཏུ་བསྟན་པར་འགྱུར་རོ།།ཉོན་མོངས་པའི་དགྲ་འཆོས་པ་དང་སྲིད་པ་ལས་སྐྱོབ་པས་ནི་ངེས་པར་ལེགས་པ་རབ་ཏུ་བསྟན་པར་འགྱུར་ཏེ། སློབ་དཔོན་འཕགས་པ་ལྷས་ཀྱང་། ཉོན་མོངས་དགྲ་རྣམས་མ་ལུས་འཆོས་པ་དང་།། ངན་འགྲོ་སྲིད་ལས་སྐྱོབ་པ་གང་ཡིན་པ།། འཆོས་སྐྱོབ་ཡིན་ཡོནཏན་ཕྱིར་ཡང་བསྟན་བཅོས་ཏེ།། གཉིས་པོ་འདི་དག་གཞན་གྱི་ལུགས་ལ་མེད།། ཅེས་བརྗོད་པ་ལྟ་བུའོ།། ཞེས་རྣམ་བཤད་རིག་པའི་ལུང་དང་མཐུན་པ་འདུག་པ་དབྱིག་གཉེན་གྱིས་འཕགས་པ་ལྷའི་གསུང་འདྲེན་པ་མཛད་དམ། ཕྱི་མ་འདི་འགྱུར་དང་ཡི་གེའི་སྐྱོན་གང་རུང་ཡིན་ནམ་སྙམ་པ་ལྟར་བཀའ་དང་བསྟན་བཅོས་མི་འགལ་བར་བསྟན་པ་དང་།

X