//不能复制 // >
ཁྱེད་ཀྱི་གནས་ཡུལ། > གཙོ་ངོས། > ཡིག་ཚགས། > སྡེ་སྲིད་ཁོག་འབུབས། > ནང་དོན།

སློབ་མ་བརྟག་པ་དང་སློབ་མའི་མཚན་ཉིད།

ཇུས་འགོད་པ། zhuomacao རྩོམ་སྒྲིག་པ། དུས་ཚོད། 2016-05-30 10:20:24 ཀློག་གྲངས། 84 

སློབ་མ་བརྟག་པ་ནི། སྤྱིར་གསང་སྔགས་ལ། བླ་མ་ལྔ་བཅུ་པ་ལས། བླ་མ་དང་ནི་སློབ་མ་དག། མཚུངས་པར་དམ་ཚིག་ཉམས་འགྱུར་བས།། དཔའ་བོས་དང་པོར་སློབ་དཔོན་དང་།། སློབ་མའི་འབྲེལ་བ་བརྟག་པར་བྱ།། ཞེས་དང་། རྒྱུད་རྡོ་རྗེ་འཕྲེང་བ་ལས་ཀྱང་། ཇི་ལྟར་རིན་ཆེན་བརྡར་བ་དང་།། གསེར་ནི་བསྲེག་དང་བཅད་པས་བརྟག། དེ་བཞིན་དུ་ནི་སློབ་མ་ཡང་།། ལོ་ནི་བཅུ་གཉིས་པར་དུ་བརྟག། དེ་ཕྱིར་ཕན་ཚུན་དེ་ལྟ་བུས།། དུས་ཀུན་དུ་ནི་དེ་ལྟར་བརྟག། གཞན་དུ་བགེགས་ནི་འབྱུང་འགྱུར་ཏེ།། དངོས་གྲུབ་འཇོམས་ཤིང་སྡུག་བསྔལ་སྟེར།། ཞེས་དང་། ཇི་ལྟར་སེང་གེའི་འོ་མ་ནི།། ས་ཡི་སྣོད་དུ་བཞག་མི་བྱ།། དེ་བཞིན་རྣལ་འབྱོར་ཆེན་པོའི་རྒྱུད།། སྣོད་མིན་དག་ལ་སྦྱིན་མི་བྱ།། སློབ་མ་སྐད་ཅིག་དེ་ལ་འཆི།། འདི་དང་ཕ་རོལ་ཏུ་ནི་འཕུང་།། སྣོད་མིན་མན་ངག་རབ་བཤད་ན།། སློབ་དཔོན་དངོས་གྲུབ་ཉམས་པར་འགྱུར།། ཞེས་སོགས་ནན་ཏན་དུ་གསུངས་སོ།། ལོ་བཅུ་གཉིས་ཞེས་པ་ནི་བརྟགས་ཀྱང་མྱུར་དུ་མ་ཤེས་ན་རིང་མཐའ་དེ་ཙམ་ཞིག་གི་བར་དུ་རྟོག་པའི་དོན་ཡིན་གྱི་མྱུར་དུ་ཤེས་ན་མི་དགོས་སོ།། རྒྱུད་ནས་གསུངས་པའི་མཚན་ཉིད་དེ་དག་མ་ལུས་པར་ཚང་བ་ཅིག་ཀྱང་མ་རྙེད་ན་སྐྱོན་ཤས་ཆེ་བ་སྤངས་ནས་ཡན་ལག་གཙོ་བོ་རྣམས་ཚང་བའི་ཡོན་ཏན་ལྷག་པ་ལ་བརྟེན་པར་བྱ་སྟེ། བྱ་བའི་རྒྱུད་དཔུང་བཟང་གིས་ཞུས་པ་ལས། དེ་ལྟའི་ཡོན་ཏན་མ་ལུས་ལྡན་པ་དག། རྩོད་པའི་དུས་ན་ཤིན་ཏུ་དཀོན་པས་ན།། ཡོན་ཏན་ཕྱེད་དམ་བཞི་ཆ་བརྒྱད་ཆ་ཅན།། དེ་ལྟ་བུ་ནི་སྔགས་པའི་གྲོགས་པོར་བསྟེན།། ཞེས་སྣོད་རུང་མིན་ལེགས་པར་བརྟག་ཅིང་། དེ་ཡང་སློབ་མའི་སྐྱོན་ནི། རྡོ་རྗེ་མཁའ་འགྲོའི་རྒྱུད་ལས། ཁྲོ་དང་བཅས་ཤིང་རྟོག་གེར་གྱུར།། ན་སོ་དག་ནི་ཡོལ་བ་དང་།། གང་ཡང་དགེ་སློང་དངོས་གནས་དང་།། ཞེན་དང་ཆགས་པས་བཅིངས་པ་ལ།། རིན་ཐང་མེད་པའི་རིན་ཆེན་ནི།། དེ་ལ་བཤད་པར་མི་བྱའོ།། ཞེས་དང་། གསང་བ་སྤྱི་རྒྱུད་ལས། ངག་རྩུབ་པ་ལ་སྤྲོ་ཐུང་དང་།། གསོད་དང་རྐུ་བ་བྱེད་པ་དང་།། སྡིག་པའི་གྲོགས་པོ་སྤང་བར་བྱ།། ཞེས་དང་། གཉིས་སྦྱོང་བྱེད་ཅིང་ཚུལ་བཅོས་པ།། དད་དང་མི་ལྡན་བརྩོན་འགྲུས་ཆུང་།། བློ་ཞན་ངེས་མེད་འཆར་ལ་གཡེང་།། བླ་མ་སྤུན་ཟླར་སི་སྲིཞུ་ཆུང་།། དེ་ནི་དབང་གི་སྣོད་མིན་ནོ།། ཞེས་སོགས་རྒྱས་པར་འབྱུང་ལ།། འོ་ན་སློབ་མ་མཚན་ཉིད་ཚང་བ་ཇི་ལྟ་བུ་ཞེ་ན། རྡོ་རྗེ་མཁའ་འགྲོ་ལས། གང་ཡང་ང་རྒྱལ་མེད་པ་དང་།། སྒྱུ་མེད་བདག་ཏུ་མི་འཛིན་ཞེན།། དེ་བཞིན་ཆོས་ལ་མངོན་པར་དད།། དེ་ལ་མན་ངག་བྱིན་པར་བྱ།། གཞན་དུ་ན་ནི་ལྟུང་ཕྱིར་རོ།། ཞེས་དང་། དད་དང་ལྡན་ཞིང་བརྩོན་འགྲུས་ཆེ།། ཉན་ནམ་སློབ་ལ་མི་སྐྱོ་བ།། བླ་མ་སྤུན་ལ་བཀུར་སྟི་བྱེད།། དེ་ནི་དབང་གི་སྣོད་ཡིན་ནོ།། ཞེས་དང་། སྒྱུ་འཕྲུལ་དྲ་བའི་རྒྱུད་ལས།དེ་དག་སྒོམ་ལ་དགའ་བ་དང་།། རྟག་ཏུ་བླ་མ་ལ་གུས་དང་།། རྒྱུན་དུ་བླ་རྣམས་མཆོད་པ་ཡི།། ཡོན་ཏན་ལྡན་ལ་སློབ་མ་ཡིན།། ཞེས་དང་། མཧཱ་མ་ཡ་ལས། ཡིད་གཞུངས་སྤྲོ་ཆེ་བྱས་ལ་བཟོ།། རིགས་བཙུན་ང་རྒྱལ་མེད་པ་དང་།། གཟུགས་དང་ལང་ཚོ་ཁ་དོག་ལྡན།། ཞེས་དང་། གསང་བ་སྙིང་པོ་ལས། དད་བརྩོན་བརྟུལ་ཞུགས་རབ་རྟོགས་ན།། ཕན་པའི་དབང་བྱིན་ནུས་པའི་དབང་།། རིམ་པ་བཞིན་དུ་བྱིན་པར་བྱ།། ཞེས་དང་། རྡོ་རྗེ་རྩེ་མོ་ལས། དཀོན་ཅོག་གསུམ་ལ་དད་དང་ལྡན།། སྡིག་ལ་འཇིགས་ཤིང་ཤིན་ཏུ་བསྡམ།། དད་དང་དང་བ་ཕུན་སུམ་ཚོགས།། དེ་ལ་དམ་ཚིག་སྡོམ་པ་བྱིན།། ཞེས་དང་། བཞི་བརྒྱ་པར། གཟུར་གནས་དོན་གཉེར་བློ་ལྡན་པ།། ཉན་པོ་སྣོད་ཅེས་བྱ་བར་མཛོད།། སྨྲ་བོ་ཡོན་ཏན་རྣམ་གཞན་དུ།། མི་འགྱུར་ཉན་པ་བོ་ལའང་ཡིན།། ཞེས་བློ་གཟུ་བོར་གནས་པ་དང་། བློ་ཚད་པ། བློ་ཁོག་ཆེ་བ། བློ་བརྟན་པའོ།། དོན་གཉེར་ཆེ་བས་ཚིག་བཟུང་བ་དང་། དོན་བསམ་པ་དང་། འགལ་འཁྲུལ་སྡེབས་ཏེ་དྲི་བ་སོགས་བརྩོན་འགྲུས་ཀྱི་ལྕག་དང་ལྡན་ཞིང་ཆོས་དེ་ཉིད་ཀྱི་ཚིགས་རྟོགས་པར་ནུས་པའི་ཤེས་རབ་ཟབ་པ། གསལ་བ། མྱུར་བ། བདེ་བླག་ཏུ་རྟོགས་པ་སོགས་བློ་གྲོས་ཀྱི་མིག་དང་ལྡན་པའོ།། དེ་ཡང་རྟོགས་པར་ནུས་པའི་བློ་གྲོས། དོན་དུ་གཉེར་བའི་འདུན་པ། ང་རྒྱལ་མེད་པའི་གུས་པ་དང་ལྡན་པ་ཞིག་དང་། སྒོས་བསྟན་གསོ་བ་རིག་པའི་སློབ་མའི་མཚན་ཉིད་ནི། ཙ་ར་ཀ་ལས། བློ་ལྡན་གཏོང་མོས་བྱས་པ་བཟོ།། བརྩེ་ལྡན་ཆགས་བྲལ་དུལ་ལ་བརྩོན།། ཞེས་དང་། དཔའ་བོའི་ཡན་ལག་བརྒྱད་པར། སྦྱིན་དང་ཚུལ་ཁྲིམས་སྙིང་བརྩེར་ལྡན།། ཚངས་པར་སྤྱོད་ཅིང་བྱས་པ་བཟོ།། བྱམས་ལྡན་བཅུད་ཀྱི་ལེན་སྟོན་ན།། ཚེ་དང་བསོད་ནམས་འཕེལ་བའི་སྡེ།། ཞེས་གསུངས་པ་དང་ལྡན་པ་ནི་སློབ་མའི་མཚན་ཉིད་ཡིན་ལ། དེ་ལས་ལྡོག་པའི་སྣོད་དང་མི་ལྡན་པ་ནི་རྗེས་སུ་བཟུང་བར་མི་བྱ་སྟེ། ཙ་ར་ཀ་ལས། སྡིག་ཅན་བློ་གྲོས་ངན་པ་ཅན།། སྨན་པའི་གཟུགས་བརྙན་དེ་དག་དང་།། གཏམ་འབྲེལ་བར་ཡང་མི་བྱ་ན།། དངོས་སུ་སྟོན་པ་སྨོས་ཅི་དགོས།། ཞེས་དང་། རྟ་དབྱངས་ཀྱིས། སྣོད་ངན་གནས་ན་འཕྲལ་དུ་ནི།། ཧ་ལ་ཧ་ལར་གྱུར་པ་ཡིན།། ཞེས་དང་། ཡང་སྙིང་བསྡུས་པར། བསྟན་བཅོས་ངེས་པ་མི་ཤེས་ཤིང་།། ཚིག་ཙམ་ལ་ནི་རྗེས་གཞོལ་བའི།། གཤིན་རྗེའི་ཞགས་པ་ཐོགས་པ་བཞིན།། སྨན་པ་ངན་པ་རིང་དུ་སྤང་།། ཞེས་དང་། མན་ངག་ཁྲིགས་སྡེབས་གཏམ་རྒྱའི་སྐབས་སུ། སློབ་དཔོན་གསང་ཞིང་རང་ཆེ་འབྱིན་པ་དང་།། ཐབས་ཀྱིས་རྐུ་ཞིང་གཞོགས་སློང་བྱེད་པ་དང་།། གཡོ་སྒྱུས་འགྲོ་བའི་ནོར་ལ་འཇབ་པ་དང་།། ང་རྒྱལ་དྲེགས་དྲེགཔས་བཅིངས་དང་སྙིང་རྗེ་མེད།། ཅེས་སོགས་དང་། བྱ་བ་བྱེད་པ་སྨན་པའི་ལེའུར། དེ་ལྟར་མི་ལྡན་ཐ་མའི་སྤྱོནསྐྱོན།། རིགས་བརྒྱུད་མེད་པའི་སྨན་པ་ངོ་དེ།། ཝ་ཡིས་རྒྱལ་ས་བཟུང་བ་ལྟར།། ཀུན་གྱིས་སྤྱི་བོར་བཀུར་མི་འགྱུར།། གཞུང་དོན་མི་ཤེས་སྨན་པ་དེ།། དམུས་ལོང་དག་ལ་རྫས་བསྟན་བཞིན།། ནད་རིགས་བཅོས་ཐབས་ཤན་མི་ཕྱེད།། མཐོང་གོམས་མེད་པའི་སྨན་པ་དེ།། རྒྱུས་མེད་ལམ་དུ་ཞུགས་པ་བཞིན།། ནད་བརྟག་དཔྱད་ལ་ཐེ་ཚོམ་འགྱུར།། བརྟག་ཐབས་མི་ཤེས་སྨན་པ་དེ།། གཉེན་མེད་བྱེས་སུ་འཁྱམས་པ་འདྲ།། ནད་ངོ་ཤེས་པ་གཅིག་མི་འབྱུང་།། རྩ་ཆུ་མི་ཤེས་སྨན་པ་དེ།། བྱ་བས་བྱ་གཏོང་མི་ཤེས་འདྲ།། ཚ་གྲང་ནད་ཀྱི་སྐད་མི་སྟེར།། ཁ་སྨར་དམརམི་ཤེས་སྨན་པ་དེ།། གཙོ་བོས་སྨྲ་བ་མི་ཤེས་འདྲ།། རང་སྐྱེངས་གྲགས་པ་ངན་པ་འཕོག། བཅོས་ཚུལ་མི་ཤེས་སྨན་པ་དེ།། མུན་ཁུང་འབེམ་ལ་བརྡེག་པ་འདྲ།། གཉེན་པོ་ནད་ཐོག་འབབ་མི་འགྱུར།། ཟས་སྤྱོད་མི་ཤེས་སྨན་པ་དེ།། རང་སྲིད་དགྲ་ལ་ལོག་པ་འདྲ།། ནད་ཀྱི་སྟོབས་བསྐྱེད་ལུས་ཟུངས་འཇོམས།། ཞི་སྦྱོར་མི་ཤེས་སྨན་པ་དེ།། སོ་ནམ་མི་ཤེས་ཞིང་བ་འདྲ།། དམན་ལྷག་ལོག་པས་ནད་བསྐྱེད་འགྱུར།། སྦྱོང་བྱེད་མི་ཤེས་སྨན་པ་དེ།། བྱེ་མའི་རི་ལ་ཆུ་འབེབས་འདྲ།། ནད་དང་ལུས་ཟུངས་མ་རུངས་བྱེད།། ཆ་བྱད་སྨན་མེད་སྨན་པ་དེ།། གོ་མཚོན་མེད་པའི་དཔའ་བོ་འདྲ།། ནད་ཀྱི་དགྲ་དཔུང་ཆོམས་མི་འགྱུར།། གཏར་བསྲེག་མི་ཤེས་སྨན་པ་དེ།། ནང་ཡན་མེད་པའི་རྐུན་པོ་འདྲ།། ནད་དང་དཔྱད་དུ་འཛོལ་བར་འགྱུར།། དེ་ཕྱིར་སྨན་པ་ངན་པ་ནི།། ཅི་ཡང་ལོག་པར་རྟོགས་པ་ཡིས།། གསོ་བ་ལོག་པ་དག་ཏུ་འགྱུར།། བདུད་ཉིད་སྨན་པའི་ཆ་བྱད་ཅན།། གཤིན་རྗེའི་ཞགས་པ་ཐོགས་པས་ན།། སྲོག་གི་གཟུ་བ་ཡིན་པའི་ཕྱིར།། འབྲེལ་བ་མི་བྱ་འཁོར་རྣམས་འཕུང་།། ཞེས་དང་། དེ་ལྟར་སྐལ་མེད་སྣོད་དང་མི་ལྡན་ན།། ཆུ་སྲིན་གྲེ་བར་རིན་ཆེན་ཚུད་པ་བཞིན།། བསྐལ་བ་འཁྲུགས་ཀྱང་ཁ་རུ་མི་དབྱང་དབྱུངབས།། ཞེས་གསུངས་པ་ལྟར་གྱི་སྐྱོན་རྣམས་སྤངས།

X