//不能复制 // >
ཁྱེད་ཀྱི་གནས་ཡུལ། > གཙོ་ངོས། > ཡིག་ཚགས། > ཟིན་ཏིག་བདུད་རྩིའི་ཐིགས་པ། > ནང་དོན།

ལེའུ་བཅུ་གཉིས་པ། ལྷན་སྐྱེས་རྨ་གསོ་བའི་སྐོར།

ཇུས་འགོད་པ། zhuomacao རྩོམ་སྒྲིག་པ། དུས་ཚོད། 2016-05-30 16:24:38 ཀློག་གྲངས། 13 

ལྷན་སྐྱེས་རྨའི་ནང་ཚན་འབྲས་ནི་སྐྲངས་པ་སྲ་ཞིང་བརྟན་ལ་ན་ཟུག་ཆུང་། འབྱར་ལུམས་བྱུགས་པས་མི་ཞི་བ་དེ་ཡིན། རིགས་མང་ཡང་། སྤྱི་ལ་ཐོག་མར་གཉན་སྨན་གཏོང་ཞིང་གཉན་འབྱར་བྱ། གཉན་ཁ་ཆོག་ནས་འབྲི་གུང་གཅེས་བཏུས་སུ་བཤད་པའི་འབྲས་འདུལ་གྱི་འབྱར་བྱ། དེས་རྣག་ཏུ་འཁུགས་ནས་བརྟོལ་ལུགས་སོགས་ལྦ་བ་དང་འདྲ། རུས་འབྲས་ལ་གྲས་དྲསབཅོས་བྱ། གཞང་འབྲུམ་སོགས་འགའ་ཞིག་ཆེར་མི་འབྱུང་བས་དམིགས་བསལ་བཅོས་ཟབ་ཀྱི་ཞལ་རྒྱུན་མེད་ཅིང་། རྨེན་བུ་སོགས་ཉེར་མཁོ་ལའང་རྒྱུད་དང་ལྷན་ཐབས་རྣམས་སུ་མི་གསལ་བའི་བཅོས་ལུགས་གསལ་བར་མ་ཐོས།

རྐང་འབམ་མན་རྒྱུད་དུ་མདོ་ཙམ་ལས་མི་འབྱུང་ཡང་། དེང་སང་འདི་ཉིད་ཁོ་ན་དར་ཆེ་བས་བརྟག་བཅོས་འབྲི་ཁུང་ལུགས་ཀྱི་ཚེ་འཛིན་སྲོག་སྐྱོབ་དང་། ཤོག་དྲིལ་ཐེམ་སྤངས་མ་སོགས་ཟབ། མདོར་བསྡུས་ནད་འདིའི་རྒྱུ་ནི། འགྲོ་ཆེ་བ་དང་། སྡོད་ཆེ་བ་དང་། ཆང་རག་ཇ་ཁྲེབ་འཐུང་ཆེས་པ་སོགས་ཀྱིས་སྟོད་ནད་བྱུང་ནས་སྨད་དུ་བབས་པ་ཁྲག་རླུང་གི་བཅོས་བྱས་པས་འབམ་ལ་འགྱུར་བ་དང་། ཆུ་གཞི་འབམ་ལ་འགྱུར་བ་དང་། གཉན་འབམ། བརྡབ་འབམ་སོགས་རིགས་མང་ཡང་གྱེན་ལ་ཕྱུར་འཕྱུརབ་དང་མི་ཕྱུར་འཕྱུརབའི་རིགས་གཉིས་སུ་འདུ། ནད་འདིའི་རྟགས་ནི། སྟོད་ནས་རིམ་བཞིན་སྨད་དུ་བབས་པའམ། སྟོད་སྨད་རེས་མོས་བྱེད་ནས་ན། མིག་དམར། མཆུ་སྔོ་ནག་ཏུ་སྐྲངས། སོ་རྐན་རྒྱས། སོ་དང་མུར་འགྲམ། བྲང་དང་རོ་སྟོད་ན་བ་རྣམས་ཚང་མའམ་རེ་རེ་བྱུང་ན་ངེས་པ་ཡིན། དེ་ལ་ཁྲག་རླུང་ཤས་ཆེ་བ་གྱེན་དུ་ཕྱུར་འཕྱུརརྐྱེན་བྱེད་པས་སྨན་བཟི་ཁ་ཅན་གཏན་ནས་འགྲོ་མི་རུང་། སྟོད་ནས་རིམ་པར་བབས་པའི་སྐབས་སུའང་རྐང་པ་ལ་བབས་མ་ཚར་བར་བཟི་སྨན་མི་བཏང་བ་གདམས་ངག་ཡིན། དེའང་ཁྲག་རླུང་ཤས་ཆེ་བ་སོགས་ལ་ཨར་གླང་གསེར་གསུམ་ཚེ་བྷྲུྃ་བྷྲཱུྃཞལ་ཤེས་ལྟར་རྒྱུན་རིང་བཏང་བས་བབ་རྒྱུ་ཡོད་རིགས་ལ་བབ་སྨན་གཅིག་ཆོག་ཡིན། བབས་མ་ཐུབ་ཀྱང་ངན་ཁྲག་རང་བྱེར་འགྲོ་བས་ཟབ། གཏོར་སྨན་བཏང་བ་དེས་ནམ་ཕུགས་བཅོས་མེད་དུ་འགྲོ་བས་མི་ལེགས། འདིར་ཞལ་ཤེས་ནི་སོ་ལྔ་ནས་གཉན་སྨན་གཞི་བཞིགཏན་འཕྲི། རླུང་སྨན་ཆ་མཐོ། གསེར་ཐང་བཅོ་བརྒྱད་དང་། གླང་ཆེན་བཅོ་བརྒྱད་ནང་ནས་ཀྱང་བསིལ་སྨན་ཆ་ཆུང་། རླུང་སྨན་ཆ་ཆེ་བར་བྱ། སྨད་དུ་བབས་རིམ་བཞིན་སྦྱོར་ཚད་དེ་གོ་ལྡོག་པ་ཤེས་དགོས། བབ་སྨན་གསུམ་པོ་དེ་གཞིར་བཞག་ཐོག་ན་ཚུལ་དང་བསྟུན་པའི་མདེ་ཁ་སྒྱུར་ཚུལ་ནི་རོ་སྟོད་གཟེར་ཆེ་བ་ལ་ཕྱིའི་འབམ་ཐང་ཟབ། ལུ་བ་མང་ཞིང་ཁྲག་གཟེར་ཤས་ཆེ་བ་ལ་ཙནྡན་བཅོ་བརྒྱད་དང་། སྐབས་རེ་ཙམ་སྐྱུ་རུ་ཉེར་ལྔ། རླུང་ཤས་ཆེ་ན་གོང་གསལ་སོ་ལྔས་ཀྱང་མཐུས་འཐུསརུང་དམིགས་བསལ་དགོས་ཚེ་ཨ་གར་བཅོ་ལྔ། དྲང་སྲོང་ཨར་བརྒྱད། གྲེབ་གྲིབགདོན་ཤས་ཆེ་བ་ལ་ཨ་གར་བཅུ་དགུ་སོགས་བཏང་། ཆམས་ཆམརིམས་ཀྱིས་དཀྲུགས་ན་ཨ་གར་བཅོ་ལྔ། བསིལ་བཅུད་བཅོ་ལྔ། སྤྲིན་ཟླ། གཙོ་བརྒྱད། ཀོ་བྱི་ལྔ་ཐང་། ཆམས་ཆམཔས་སྲིན་དཀྲུགས་ན་གུར་གུམ་བཅུ་གསུམ། ཚངས་པ་དབུ་དབུལསེལ་དུད་འཐེན། མཁྲིས་ཤས་ཆེ་ན་ཏིག་བརྒྱད། འབྲིང་ན་གསེར་མདོག་ལྔ་པ། ཆུང་ན་རིལ་དཀར་པད་སྡོང་། མགོ་ན་བ་ལ་དཔའ་བོ་དྲུག་པ། བད་ཀན་ཤས་ཆེ་ན་སྨུག་པོའི་གཡུལ་རྒྱལ་དང་བདེ་བྱེད་ཀུན་ཕན་གང་འོས་དང་། བདུད་རྩི་སུམ་སྦྱོར། བད་ཁྲག་ཤས་ཆེ་བ་ལ་རྒྭ་ལོའམ། སྐྱུ་རུ་ཉེར་ལྔ། ཕོ་མཆིན་མི་བདེ་བའི་རིགས་ལ་མན་བསིལ་གི་ཝཾ་ཆ་མཐོ་ཅན་དང་། དྭངས་མ་གནས་འཇོག་སྟེང་རྩ་བ་ལྔ་བསྣན་པའམ། ཟླ་ཤེལ་རིགས་ནངས་མོར་བཏང་། བད་ཀན་སྨུག་པོ་དང་བསྡོངས་པ་ལ་གི་ཝང་དགུ་དང་མན་བསིལ་ལྟག་པ་སྤྲད། སྐབས་རེར་ཐང་ཆེན་ཉེར་ལྔའང་བསྟེན། གློ་ནད་བསྡོངས་པ་ལ་སྤྲིན་ཟླའི་སྟེང་སྲོ་ལོ་དཀར་པོ་དང་། རུ་རྟ་བསྣན་པ་བཏང་། ཟས་མི་ཞུ་བ་སོགས་ཕོ་ནད་ལ་གསེར་ཞི། བདེ་བྱེད་ཀུན་ཕན་སོགས། མཁལ་རྐེད་གྲང་ཁམས་དཀྲུགས་ན། ཨ་རུ་ཉེར་ལྔ། བསམ་འཕེལ་ནོར་སྦྱོར། ཨ་རུ་བཅུ་པ། གོ་ཡུ་དགུ་སྦྱོར། རྐེད་པ་ན་ཆེ་ཞིང་ཆུ་ཁ་སྲ་སྙི་བྱེད་པ་ལ་གཉེན་པོ་བཅོ་བརྒྱད་ཟབ། གུར་གུམ་བཅུ་གསུམ་ཡང་འཕྲོད། འབྲས་བུ་སྐྲངས་པ་ཡང་ཡོད་པས་དབའ་དཔའབརྒྱད་བཟི་ཆུང་ངུ་ཅན་བཏང་། སྨན་དེ་རྣམས་གང་བཏང་ཡང་ཆ་ཆེ་ཆུང་སྦྱོར་ཚད་གོང་སྨོས་ཀྱིས་རིགས་འགྲེ་ཐོན་ན་འཕྲད་འཕྲོདཆེ་ཞིང་འབམ་གཞི་ལ་མི་གནོད་པའི་སྨན་ཡིན། བབ་སྨན་རྒྱུན་རིང་བསྟེན་པས་བབས་པའི་རྟགས་ཁོག་སྟོད་ཀྱི་གཟེར་གཏན་ནས་མེད་ཅིང་བདེ་ན་ངེས་པ་ཡིན།རྐང་པ་ཞྭ་ཆེ་ཆུང་ཙམ་ལ་ངེས་པ་མེད། གང་ལྟར་རྐང་པའི་རྩ་དང་ཆུ་རྒྱུས་ལ་གཟེར་ཆེ། ཁྱད་པར་སྒྱིད་ཁུང་སོགས་འཐེན། རྐང་པ་གཡས་གཡོན་གང་རུང་ས་ལ་བཙུགས་མི་ཕོད་པ་བྱུང་དུས་འབམ་དངོས་གཞི་ཡིན། དེ་ལ་དཀར་ནག་ཁྲ་བོ་གསུམ་ཡོད་པའི། དཀར་པོ་རྩ་དལ་ལ་འཇམ། ཆུ་མདོག་དཀར་ཞིང་ལྦུ་བ་སངས་པ་སྐྱེན། སྒྱིད་ཁུག་སོགས་སུ་སྐྲངས་པ་སྐྱ་ལ་སོབ། གཟེར་ཟུག་ཆུང་ཞིང་སྐྲངས་པར་རེག་ཀྱང་ཟུག་མེད། ཁྲ་བོ་ནི་རྩ་བྲེལ་ཉམས་ཡོད། ཆུ་མདོག་དམར་སེར་མཐར་རྒྱ་ཤལ་བཤལཅན་ལྦུ་བ་ཅུང་མི་བརྟན། རྐང་པ་ཟུག་ཆེ་ཞིང་སྐྲངས་ལ་མེ་ལྕེ་འདྲ་བའི་དམར་ཐིག་འབྱུང་། འབམ་རྟགས་འདི་འབྱུང་བ་མང་། ནག་པོ་ནི། རྩ་ཆུ་སོགས་ལ་ཚད་རྟགས་ཆེ། ཁྱད་པར་རྩ་གྲིམས་ཤིང་འཁྲང་། ཆུ་ཁྲག་རུལ་འདྲ་བ་ལ་ལྦུ་བ་རྒོད། རྐང་པའི་སྐྲངས་ཤིན་ཏུ་སྲ་ཞིང་མདོག་སྔོ་དམར་འོང་། གཟེར་ཟུག་བཟོད་གླགས་མེད། དེའང་རླུང་ཤས་ཆེ་བ་འབམ་དཀར་ཡིན་པས་བཅོས་སླའང་བབས་དཀའ། རླུང་ཁྲག་འདྲེས་པ་ཁྲ་བོ་སྟེ་འབྲིང་། ཁྲག་མཁྲིས་གཉན་དང་བསྡོངས་པ་འབམ་ནག་ཡིན་པས་གློ་བུར་དུ་བབས་པའང་འབྱུང་ཞིང་བབ་སླ་ཡང་བཅོས་དཀའ། འདི་ལ་འཁྲུལ་སོ་ཆེར་མེད་ཀྱང་འབམ་སྐྲངས་ཡིན་མིན་ཐེ་ཚོམ་འབྱུང་སྐབས་ནད་པ་རང་གི་དྲི་ཆུའམ། མཛོ་སྔོ་ཁྲའི་གཅིན་གང་རུང་བར་སྣང་ལ་བཟེད་པས་བཀྲུས་ན་ཤ་མདོག་འགྱུར་ནས་དམར་ཐིག་ནག་ཐིག་སོགས་བྱུང་ན་ངེས། ཡང་ན་དཔའ་སེར་དང་སྒ་སྐྱ་མར་རྙིང་ལ་སྦྱར་ཏེ་བྱུག ཉི་མ་ལ་བསྟེན་པས་ཟུག་ཆེ་ན་འབམ། ཕན་སྙམ་བྱེད་ན་ཆུ་སེར་དུ་ཤེས་པར་བྱའོ། །

ཡང་ནད་ཕོག་མ་ཐག་ནས་རོ་སྟོད་གཟེར། རྐང་པ་བེམ་ཞིང་འབྲུམ་ཕྲན་འབྱུང་། དེ་ལ་ཐོག་མར་སྐྱུ་རུ་ར། ཧོང་ལེན་གཟེར་འཇོམས་གསུམ་གྱི་ཐང་ཡང་ཡང་བཏང་བའམ། ཐང་ཆེན་ཉེར་ལྔ་དང་། ནོར་བུ་བདུན་ཐང་ཞག་ཤས་བསྟེན། དེ་རྗེས་ཨ་གར་སོ་ལྔའི་ནང་གཉན་སྨན་བཞི་འཕྲི། གི་ཝང་། པྲི་ཡང་ཀུ། བྲག་ཤུན་ཞུནགསུམ་ཆ་ཆུང་རེ་བསྣན། ཀོ་བྱི་སྤུ་ལྡན། ནཱ་ག་གེ་སར། གཟེར་འཇོམས་རྣམས་འདབ་ལྡབའཕར་བྱས་པའི་སྙན་རྒྱུད་སོ་ལྔ་དང་།གླང་ཆེན་བཅོ་བརྒྱད་གི་ཝཾ་བུངས་བསྐྱེད་པ། རཏྣ་བརྒྱད་པ་བཅས་རྒྱུན་དུ་བསྟེན། བླ་གཉན་རིགས་བཅོས་ལུགས་དང་བབས་རྟགས་གོང་དང་མཚུངས། བབ་སྨན་འདིའང་ལུགས་ཟབ་མོ་གཅིག་ཡིན། བབ་སྨན་འཐུང་སྐབས་རྐང་པ་བརྐྱང་བསྐུམ་གཏན་ནས་མི་བྱེད་པར་སྡོད་དགོས། སྨད་དུ་བབས་ཀྱང་སླར་རོ་སྟོད་ན་བ་སོགས་བྱུང་ན་གསང་སྨན་ཆེན་མོའི་འབྱར་བྱ། རཏྣ་བརྒྱད་པ་དང་ཀོ་བྱི་ཨམྦྷཱིའི་ཐང་གིས་ཕུལ། རོ་སྟོད་ཀྱི་གཟེར་ནམ་ཡང་མེད་པའི་པརསྨད་དུ་བབས་ངེས་རྟགས་བྱུང་ནས། རླུང་འབམ་སོགས་བབ་སླའི་རིགས་ལ་ཞག་བཅོ་ལྔ་ཙམ་གྱི་མཚམས་སུ་ལ་ཕུག་བཏང་རན་པས། སྤོས་ཁྱུང་བཟི་ཆེར་མེད་པ། སེང་ལྡེང་ཉེར་ལྔ། སེ་སོལྔ་བཟི་ཡོད་ལྟ་བུ་ཐུན་རེ་ཟུང་གིས་གཉན་ཁ་བཅག་ནས་ལ་ཕུག་བཏང་། བབས་དཀའ་བའི་རིགས་དང་ཁྲག་འབམ་ལྟ་བུ་ལ། ཆུ་འཕྲལ་དུ་མི་དྭངས། རོ་སྟོད་གཟེར་ཡང་མེད་དཀའ་བས་ལ་ཕུག་བཏང་སྔ་གཏན་ནས་མི་རུང་ཞིང་། ཟླ་གཅིག་ཚུན་གོངས་གོངགསལ་བབས་རྟགས་ངེས་ཅན་མ་བྱུང་བར་དུ་བབ་སྨན་རྣམས་རྒྱུན་བསྲིང་། བབས་ངེས་པ་བྱུང་ནས་རྐང་པ་ལ་གཟེར་ཤིན་ཏུ་ཆེ་ན་གོང་གི་ཨར་གླང་གཉིས་ནངས་སྔ་དང་ཉིན་གུང་། དགོང་མོ་སོགས་ལ། ཀླུ་བདུད་བཅོ་བརྒྱད་སྟེང་དངུལ་ཆུ་ཚ་འདུལ་བསྣན་པ། དཔའ་བོ་བརྒྱད་པ། གནམ་ལྕགས་རིལ་བུ་སོགས་བཏང་། ཟུག་གཟེར་ཤིན་ཏུ་ཆེ་བ་ལ་སྤོས་ཁྱུང་བཅོ་ལྔ་ཟབ། དེ་རྗེས་ཞག་དྲུག་བདུན་མཚམས་ནད་ཟུག་རིམ་པར་ཆག སྒྱིད་ཁུག་གི་རྒྱུས་པ་འཁུམ། གོང་སྨོས་ཞག་ཟླ་འོས་མཚམས་འཚམསསོང་ནས་སྨན་དཀར་གཏོང་རན་མིན་བརྟག་པ་ནི། ལྕགས་སྣོད་དུ་དྲི་ཆུ་དཀར་ཡོལ་ཕྱེད་པ་གཉིས་བཞག གཅིག་གི་ནང་ལ་ཕུག་གྲི་གཞོག་གཅིག་བཅུག ལྕགས་སྣོད་ནང་དེར་ཆུ་དཀར་ཡོལ་གཉིས་ཕྱེད་ནུབ་ཙམ་བླུགས་ནས་བསྐོལ་ཏེ་བལྟས་པས་ལ་ཕུག་ཅན་དྭངས་ཞད་དད་དངམདོག་སྔོ་བ་བྱུང་ན་འཕྲོད་རྟགས་ཡིན་པས། ཚབས་ཆུང་རིགས་ལ་ལ་ཕུག་ཆ་གཅིག ཤ་གསར་ཆ་གསུམ་བྱས་པའི་ཐུག་པ་སླ་མོ་ཕོར་ཆུང་གང་དགོང་མོར་བཏང་། དེའི་ཕྱིར་ཕྱིནང་ཐུ་ཞད་མེད་པར་འཕྲོད་ན་ལ་ཕུག་དང་ཤ་གསར་ཆ་སྙོམས་པའི་ཐུག་པ་ཕོར་ཆུང་དོ་ཙམ་བཏང་། དེ་འཕྲོད་ན་ཕྱིར་ཕྱིཉིན་ལ་ཕུག་ཆ་མཐོ། ཤ་ཆ་ཆུང་བར་བྱས་པའི་ཐུག་པ་བཏང་། དེ་འཕྲོད་ན་ལ་ཕུག་བཏང་རན་པ་ཡིན་ཅིང་། ཐོག་མ་ནས་ལབ་ཁུ་མི་ལེན་པའི་རྟགས་བྱུང་ན་འཕྲོ་བཅད་ནས་གཉན་སྨན་བཏང་། གང་ལྟར་ལ་ཕུག་ཤུན་པ་བཤུས་ནས་ལབ་ལ་བརྡར་བ་དེ་རས་དཀར་དུ་བཏུམས་ལ་ཁུ་བ་ཕོར་གང་ཙམ་བཙིར། སྙིགས་མ་ཟུར་དུ་ཚགས་བྱ། ཁུ་བ་དེ་དཀྲུགས་ནས་ལྦུ་བ་ལན་ཉི་ཤུ་ཙམ་ཡར་བཅད་པའི་དྭངས་མ་དཀར་ཡོལ་ནང་དུ་བླུགས། དེ་སྣོད་གང་བདེའི་ནང་དུ་བཞག་ནས་ཁ་བཀབ་ལ་དབྱར་ཁ་བྱེ་མ་དང་། དགུན་ཁ་ནས་སོགས་ཀྱི་ནང་དུ་མ་རུལ་མ་ཁེངས་པར་ཞག་གཅིག་བཞག ཕྱིར་ཕྱིནངས་ཉི་དྲོས་དཀར་ཡོལ་ཆུ་ཚན་ནང་དུ་བསྲོས་ནས་དྲོད་འཐུང་བདེ་རེད་དུས་ཁྱིམ་བྱའི་སྒོང་ལྐོགས་སྐོགསདོ་ཙམ་གྱི་ཚོད་འཐུང་། ཡང་ལུགས་གཅིག་ལ་ལབ་ཁུ་དྭངས་མའི་ནང་། པྲི་ཡང་ཀུ་སོར་བཞི་ཙམ་དུས་བཏུས་པ་དང་། ཁྲག་སྐྲོད་པ་ཉི་མ་མ་ལྡོག་གོང་བཏུས་པ། གུར་གུམ། རྒྱ་ཚ་ཞད་ཙམ་བཅས་བཏབ་ནས་ཉུང་ངུ་ནས་ཆ་ཡིས་བསྐྱེད་ལ་ཁྱེའུ་གསོས་ཀྱི་ཚུལ་དུ་བསྟེན། གནས་གོས་སོགས་ཤིན་ཏུ་དྲོ་བར་བྱ། ལ་ཕུག་སྙིགས་མའི་ནང་ལྕུམ་རྩ། ཆུ་རྩ། བུལ་ཏོག སྔོ་ལྕགས་ཀྱུ། ཀླུ་བདུད་རྡོ་རྗེ་རྣམས་སྦྱར། འཛོམ་ན་ལབ་ཁུ་དང་མ་འཛོམ་ན་ཆུ་ཕྲན་བུ་སབས་གསབནས་གར་སླ་ཞོ་ཙམ་དུ་སྐྱོས། ཚོ་འཛིན་སྲན་ཕྱེའམ་བག་ཕྱེ་ཅུང་ཟད་བསྲེ། དྲོད་ཡོད་ཙམ་བསྲོས་ནས་རྐང་པའི་སྐྲངས་དང་གཟེར་ཡོད་སར་ཁྱབ་པར་བྱུག དེ་སྟེང་རས་ཀྱིས་དཀྲིས་ནས་བཞག ཡང་ཕྱིར་ཕྱིཉིན་བཏང་རྒྱུའི་ལབ་ཁུ་སྟ་གོན་བྱ་བ་སོགས་འཐུང་ལུགས་དང་འབྱར་བཅས་འདི་བཞིན་ཞག་བདུན་ཙམ་བྱ། དེ་ཚེ་སྤོས་ཁྱུང་དང་། སེང་ལྡེང་ཉེར་ལྔ་ཁོང་སྨན་བསྟེན། ཞག་གྲངས་ཁ་ཤས་མཚམས་ལབ་ཁུ་མི་འཇུ་བ་སོགས་བྱུང་ན་འཕྲོ་བཅད། ད་ལྟའི་ཕྱག་ལེན་དུ་བྱུག་པ་འདི་མི་བྱེད་པར་གཤམ་གསལ་ཁོ་ན་བྱེད་པ་ཡིན་ཀྱང་གཉན་ཁ་ཆུང་ན་གཉིས་ཀ་བྱས་ན་ལེགས་པ་ལས་འགལ་བ་མེད། གཉན་ཁ་ཆེ་ན་བྱུག་པ་སྐབས་འདིར་མི་བྱེད་པ་ལེགས། ལབ་བཅོས་བསྟེན་པའི་ཞག་གཅིག་མཚམས་ནས་འགུལ་བསྐྱོད་ཨི་ལོ་ལྟ་བ་གལ་ཆེ། དེའང་དང་པོ་དལ་བུས་བསླབ་པ་ལས་དྲག་ཤུལ་མི་རུང་། ཉིན་རེ་བཞིན་འགུལ་བསྐྱོད་འགྲོ་འདུག་གང་ནུས་ཇེ་དྲག་ཏུ་བཏང་བ་ལས་རང་བཞིན་འདུག་མི་རུང་། ལངས་འདུག་ཐུབ་མཚམས་ནས་གསེར་མཚོའི་བུལ་ཏོག ཞུ་མཁན། རྒྱ་སྐག ལྕུམ་རྩ་བཅས་བྱུག་པ་གསེར་བུལ་བཞི་པ་དང་ལབ་རོ། སྔོ་ཁྲག་སྐྲོད་པའི་ཁུ་བ་བསྲེས། ཚོ་འཛིན་བཅས་དྲོན་མོ་བྱས། སྐྲངས་པ་གར་ཡོད་ནད་པའི་གཅིན་གྱིས་བཀྲུས་པའི་སྟེང་སྲབ་མཐུག་བ་ཀོ་ཙམ་བྱུགས་པའི་འབྱར་བྱ། སྣམ་རས་གཙང་མས་དཀྲིས་ལ་ཉི་མར་བསྲོ། ཁོག་སྟོད་ལ་ཉི་མ་མ་ཕོག་པར་བྱ། གཉན་ཤས་ཆེ་ན་གོང་གི་སྟེང་། སྨན་ཆེན། རེ་ལྕགསལྕག སྔོ་ལྕགས་ཀྱུ། ཧོང་ལེན། ཐར་ནུ། སྟག་ཤ་རྣམས་བསྣན། སྐྲངས་པ་སྲ་ཞིང་མདོག་ནག་ན་རྡོ་སྨན་རིགས་ཚོགས་ཚད་བསྣན། སྐྲངས་པ་སྐྱ་སོབ་ལ་ཆུ་སེར་སྨན་གསུམ་བསྣན། རྡོ་སྨན་ལ་བྱང་ལྟའི་གཡམ་སྔོན་རུལ་པ་རྫ་མར་ཅུང་ཟད་བསྲེགས་ནས་བཏང་བ་མན་ངག་ཡིན། ཞྭ་ཤིན་ཏུ་རེངས་དཀའ་བའི་རིགས་ལ་བྱེ་རིང་ཕྱིར་མི་ལྡོག་པའི་བྱུག་པ་ཟབ། ཚབས་ཆེན་རིགས་ལ་རྗེས་གཅོད་གུ་གུལ་བཅུ་པའི་སྟེང་། ཁྱུང་ལྔ། ཀླུ་བདུད། སྡིག་པ་དཀར་ནག་རྣམས་བསྣན་པའི་རིལ་བུ་བཏང་། སྐྲངས་དང་གཟེར་གཏན་མེད་དུ་སོང་དུས། ལྷ་ལུང་མཁན་པོའི་ལུགས་སམ་འབྲི་ལུགས་ཕྱིར་མི་ལྡོག་པའི་བྱུག་པ་སྣུམ་ནག་གམ་མར་རྙིང་གང་རུང་དང་སྦྱར་ནས་ཡུན་རིང་དུ་བྱུགས་པས་ཕྱིས་མི་འཕར་བའི་གནད་ཟབ། རྗེས་གཅོད་ན་སོ་རྒས་པ་རླུང་དང་གྲང་གཞི་ཆེ་བ་ལ་ཆུ་ཚན་དང་སྨན་མར། གཞོན་དར་རིགས་ཁྲག་མཁྲིས་ཤས་ཆེ་བ་ལ་གཏར་ག དེའང་ངར་གདོང་ལ་བབས་པ་རྣམས་ཆུ་སེར་གདོང་རྩ། སྒྱིད་ཁུག་ལ་བབས་ན་བྱིན་གཞུག བྱིན་ཀྱོག ལོང་རྩ་གང་རུང་གཏར། གཏར་ཁ་སྔས་ན་ནད་མཇུག་མི་ཆོད། ཕྱིས་ན་ཕན་གནོད་མེད་ཅིང་ཕོར་བ་འབྲིང་ཚད་ཀྱི་ཕྱེད་ཙམ་ལས་མང་དུའང་གཏར་མི་རུང་། ཁྲག་རླུང་ཅན་ལ་ཆུ་ཚན། རྒན་པོ་ཟུངས་ངན་ལ་གཏར་ག ཆུ་གཞི་ཅན་ལ་ལུམས་དང་གཏར་ག་མི་འཕྲོད་པ་སོགས་ཀྱང་ཤེས་པར་བྱ། སློང་རྐྱེན་གོང་སྨོས་ཆང་དང་ཇ་ཁྲེབ་སྔོ་ཚོད་སོགས་ནད་ཡོད་མེད་གང་གི་སྐབས་སུའང་སྤང་དགོས་ཤིང་། རླུང་ཤས་ཤིན་ཏུ་ཆེ་ན་ན་བའི་སྐབས་ཤ་ཅུང་ཟད་བསྟེན་རྒྱུ་རུང་ངོ་། །

ནད་འདིའི་སྟེང་བླ་གཉན་གྱི་ནད་གོང་སྨོས་རྣམས་དང་། ཁྱད་པར་ཚབས་ཆེ་བ་འབམ་ཆུ་གཞི་ལ་འགྱུར་ཉེན་ཆེ་བས། དེའི་རྟགས་ཆུ་ལ་ལྦུ་བ་སོབ། དབུགས་རྒོད། ཆུའི་མཁར་གཡོ་བ་འབྱུང་། དེ་ལ་ཆུ་སེར་ཤས་ཡོད་ན། འབོལ་སྨན། གུར་གུམ་ཆུ་འབེབས། ཆུ་མདོག་ལྟར་རེད་ན། གླང་ཆེན་ཆུ་སྒྱུར། དྭ་ལི་ད་ལིསབཅུ་དྲུག་རྣམས་བབ་སྨན་དང་ལྟག་སྤྲོད་དུ་གཏོང་། སྤྱིར་ཆུ་གཞིར་འགྱུར་ཉེན་ཅན་ལ་གླང་ཆེན་བཅོ་བརྒྱད་ཚབ་ཏུ་ནི་གངྒཱ་ཆུ་སྒྱུར་གཏོང་བ་ལེགས། ཆུ་འབམ་ལ་འགྱུར་བའི་རྟགས་ཆུ་དྭངས། དབུགས་དང་ཆུ་མཁར་ཞི། རྐང་པ་གཟེར་ཆེ་རུ་སོང་བ་སོགས་ཡིན་ཅིང་། སྐབས་འདིར་ལ་ཕུག་ཅུང་ཟད་གཏོང་སྔ་ན་ལེགས།

གཉའ་ལྟག་ལག་ཚིགས་ན། དེའང་མཚན་ལ་གཟེར་ཆེ་ན་གྲུམ་བུ་དང་བསྡོངས་པས་བོང་ཁྲག་ཉེར་ལྔ་བཏང་། རྐང་པའི་མཐེ་བོང་གཟེར་ཆེ་ཞིང་སྐྲངས་པ་སོགས་གྲུམ་བུའི་རྟགས་བྱུང་ན་སྤོས་ཁྱུང་དང་དངུལ་ཆུ་བཅོ་བརྒྱད་བཏང་། རྐང་ལག་སྦྲིད་ཅིང་ན་བ་སོགས་རྩ་དཀར་གྱི་རྟགས་བྱུང་ན་ཨ་གར་ཉི་ཤུ། བསམ་འཕེལ་ནོར་བུ་བཏང་། སྦྲན་སྐྲནདུག་སོགས་བྱུང་ན་རུ་རྟ་དྲུག་པ་དང་། གོང་གི་ཕོ་སྨན་ཡང་བཏང་བ་སོགས་འཕྲུལ་ཤེས་པར་བྱའོ། །

X