//不能复制 // >
ཁྱེད་ཀྱི་གནས་ཡུལ། > གཙོ་ངོས། > ཡིག་ཚགས། > ཟིན་ཏིག་བདུད་རྩིའི་ཐིགས་པ། > ནང་དོན།

ལེའུ་བཅུ་དགུ་པ། བཅུད་ལེན་དང་རྒས་པ་གསོ་བའི་སྐོར།

ཇུས་འགོད་པ། zhuomacao རྩོམ་སྒྲིག་པ། དུས་ཚོད། 2016-05-30 16:35:09 ཀློག་གྲངས། 9 

ཚེ་སྲིང་ཞིང་རྒས་པ་གསོ་བ་སོགས་ལ་སྤྱིར་བཤད་རྒྱུད་ནས་གསུངས་པའི་རྒྱུན་སྤྱོད་དུས་སྤྱོད་གནས་སྐབས་སྤྱོད་པ་རྣམས་ཚུལ་བཞིན་བསྟེན་པ་གལ་ཆེ། མན་ངག་རྒྱུད་ལས་གསུངས་པའི་རྩི་བཞི་དྭངས་མ་ལྔའི་བཅུད་ལེན། འབའ་སམ་སྨན་མར་དཀྱུས་མཐུན་ནམ། ཁྱད་པར་ཕན་བདེ་འབུམ་ཕྲག་སོགས་ལས་བཤད་པ་ཅོང་ཞི་བྲག་ཞུན་གཙོ་བོར་བྱས་པའི་སྨན་མར་སོགས་ཟབ།

སྐྱེར་ཁཌྷྜྷཱ་ཚད་ལྡན་ཞག་བདུན་རེ་བཞིན་མིག་ལ་བྱུགས་པས་མིག་གི་བཅུད་ལེན་དང་། ནང་རེ་བཞིན་ཆུ་གྲང་མོས་ཁ་དང་སོ་རྩ་དག་པར་བཀྲུ་བ་ཁོ་ནའམ། དེ་སྟེང་མཛེས་བྱེད་སོ་རྩི་བསྐུས་ན་སོ་བརྟན་པའི་བཅུད་ལེན་དུ་འགྱུར་བ་དང་། དབྱངས་ཅན་རིལ་བུ་རྒྱུན་དུའམ་སྐབས་སུ་བརྟེན་བསྟེནན་བློ་གྲོས་འཕེལ་བའི་བཅུད་ལེན་དུ་འགྱུར་བ་དང་། རིན་པོ་ཆེ་ཁྱད་འཕགས་རྣམས་དང་དེའི་སྦྱོར་བ་སྤྱི་དང་། ཁྱད་པར་རིན་ཆེན་རིལ་ནག་ཆེན་མོ་མགུལ་དུ་འཆང་བ་དང་ཁོང་དུ་བསྟེན་པ་རྣམས་ཀྱིས་ནད་གདོན་སྲུང་ཞིང་ཞི་བའི་མཆོག་ཏུ་འགྱུར་ཞིང་། དངུལ་ཆུ་གྲང་འདུལ་ལ་ཁ་སྒྱུར་གྱི་སྦྱོར་བའི་རིགས་རྣམས་ཚུལ་བཞིན་བྱུང་ན་ཤིན་ཏུ་མཆོག་གོ

X